لو مكانى هتعمل إيه
دلوقتى فيه مشكله مش عارف حلها إيه
إحنا إتنين اصحاب زمان كنا بنحب بعض أوى لدرجة محدش يتصورها حصلت شوية خلافات بينا وسيبنا بعض يعنى معدناش بنكلم بعض وعرفت بعد كده إنى كنت بتعامل معاه بأسلوب وحش شوية بس من غير قصدى وهو دلوقتى بيكرهنى جدا جدا جدا
مش عارف أعمل إيه ؟
إرجعلى أنا محتاجلك
17 comments:
اتصل بيه واعتزرله على الاقل
حاولت كتير
السلام عليكم
حضرتك تحاول تاني و تالت
تكلمه تقوله ان اسلوبك مكنت متخيل
انه هيضايقه
و تقوله انك هتتغير و انك محتاجله
عشان التغيير للأحسن
و كمان هوا لو بيحب حاجه
يا ريت مثلا تعملهاله مفجأة
إن شاء الله مدام عرفت إنك كنت في يوم غلط
و نيتك خير
ربنا هيساعدك
تفائل خير
تحياتي و تقديري
من الواضح انك دلوقتي بنتجني ثمار أعمالك زمان
أول حاجة ادعي احمد ربنا انك أخدت بالك من انك كنت انسان مختلف عن دلوقتي..وانك دلوقتي أحسن كتير
ثاني حاجة حاول تثبت لصاحبك انك فعلأ اتغيرت مش بالكلام...اعمل حاجة يعرف منها انك اتغيرت فعلاً
ثالث حاجة..متيأسش
رابع حاجة اتمناله الخير
خامس وأهم حاجة....حاول دايماً تبقى أحسن..مترجعش تاني زي زمان
وإن شاء الله ترجعوا أصحاب أكتر من الأول
بس...شوفت سهلة ازاي؟
:)
نوني
حاول تاني وتالت ورابع لحد متوصل
تحياتي
حاول تاني وتالت ورابع لحد متوصل
تحياتي
ده على حسب الصديق اللي بتتكلم عليه
لو فعلا(صديق)(ولد يعني)(صاحبك وانتيخك)يبقى واصل طول العمر..بس مش فوق كرامتك وماتذلش نفسك..
انما لو حاجه تانيه..
ماعتقدش الموضوع هاينجح ...لو مره عليه زمن..
لأن حاجه زي كده..بتبقى زي الكائن الحي...لو ماتغذتش بإستمرار..تموت
بقولك ايه
بوكيه ورد محترم و ماتستخصرش فيه ربع باكو
بس خليك حلو في الالوان
ورش على بيرفيم من اللي انت كنت بتحطه ايام زمان معاها
بلاش وان مان شو
وسيبها تشم فيه يومين
و اتصل بعد كدة و انت هتدعيلي
مجرب
بس ده لو كانت رقيقة و رومانسية بس
لو مادية او جاحدة شوية خليهم 2 باكو تحطهم في مويبل
و تسيبها تكتشفوا برده لمدة يومين
وصدقني الهدية مهما كانت ليها سحر تاني
فكره يا شاه فكره
انت فين يا ابنى انا مستنيك على الماسينجر عايزك تعالى
اي خدمة يا نجم
============
بس انا لسة في الشغل و معمول بلوك على كل ادوات الاتصال
ده لو اكتشفوا البلوج و الكلام ده هيعملولي انا بلوك
آه دا أنا هسيحلك بقى
خش على الموقع ده
www.e-messenger.net
وحشتنى اوى بجد :'(
انا مع شاه - بوكيه ورد محترم جدا وعالعنوان على طول مع كارت اعتذار رسمى
تحياتى - هبة
مينفعش يا هبه
خلاص كل حاجه راحت
الحل دلوقتى انى انسي زى ما هو نسي
:( للأسف
شوف حد من صحابك يكون صاحبك التانى بيثق فيه
وخليه يفهمه كل الظروف
بعد كدا اتصل انت ويادار ما دخلك شر
Cat
انا نسيت الموضوع ده من زمان يا بنتى
وهو اللى خسران مش أنا
Post a Comment