Thursday, June 21, 2007

وحيد


وحيد أكيد أنا وحيد كل يوم بيمر عليا بتأكد إنى وحيد حاسس بالوحدة بطريقة فظيعة انتو عارفين زى إيه زى الواحد لما يكون شبعان علطول ومرة واحدة يكون جعان إحساس رهيب بجد حتى كانت فيه انسانة كنت بعتبرها زى أختى وأكتر برضه مش بتكلمنى وبتتهرب حتى من الرسايل اللى ببعتهالها قلت خلاص هلاقى حد احكيله على اللى جوايا يمكن أستريح وأحول دموعى لكلام اتكلم ولا أعيط الإتنين أسهل من بعض عندى لو معرفتش أتكلم أعيط ولو معرفتش أعيط أتكلم أختى أو صدقيتى سابتنى هى كمان وبعدت يبقى أكيد العيب فيا مش عارف بس متأكد إن العيب مش فيا جيت النهاردة وعملت حاجه غريبه اوى دخلت على البلوج بتاع الإنسانة اللى كنت بحبها إستغربت أوى بجد إستغربت لقيتها كاتبه حاجات جميلة اوى بس ازاى مستغرب ان انسانه مع قلب حجر تكتب الكلام ده كلام بجد تبكى له القلوب إزاى يطلع من قلب حطم انسان وخلاه يعيش العذاب ده كله انا تعبان اوى يا ريتنى ما دخلت على البلوج بتاعها عرفتو بقى لما كنت بقول انا كل ما انساها حاجه من ناحيتها تفكرنى بيها كل يوم بيجيلى خبر عنها وهى بتعمل ايه وبتحس ازاى وبتحب ايه وبتكره ايه وبتاكل ايه كمان آآآآه زمان كان نفسي أرتاح بأى طريقة حتى ولو كانت الموت عشان أستريح لاكن لما شوفت الموت هربت منه مع إنى كنت محتاجه دلوقتى خلاص بقى ملازمنى الفيرس اللى عندى دلوقتى خلاص قالى مش هسيبك انا معاك بقيه عمرك هههههه أخيرا لقيت حد بيحبنى كده وهيبقى معايا بقيه عمرى مش مهم هو ايه المهم انه معايا وخلاص محدش يخاف المرض ده مش معدى ولا حاجه ههههه نفسي أنساها أوى إرحمنى يا رب إرحمنى من العذاب اللى أنا فيه أنا أتعذب وهى ....... أنا عارف انها بتحب واحد تانى وهو بيحبها على رأى واحد أنا بحب حب من طرف ثالث يعنى اتنين بيحبو بعض وانا قاعد معاهم وبس . أعمل إيه أعمل إيه حتى قلت إنى أعمل البلوج ده يمكن أتعرف على حد وأثق فيه ,احكيله يمكن يخف عنى وأديله كل حاجه عشان الواحد مش ضامن اى حاجه الأيام دى وعايز حد يكمل المسيرة كفاية كده عشان إيديا بتترعش ومش عارف اكتب

29 comments:

رينـــــــــــا said...

السلام عليكم
ايه يامحمد
ايه اليأس دا
ليه كل دا ...انا معاك وحاسه بيك ان موقف صعب اللى انت فيه
بس وبعدين!!!!!
هتسيب نفسك كدا لحد امتى ..مينفعش لازم تكون اقوى من كدا ...لازم تقاوم اليأس دا...لازم تقف على رجليك وتعيش حياتك صح
مش معنى اننا قابلنا ناس فى حياتنا متستحقش مننا الحب ان دا يكون حالنا
اللى مش يقدرنا منقدروش
واللى ميحبناش منحبوش
انا يمكن بكلمك بحده شويه بس صدقنى لان لازم تفوق بئا وترجع تعيش حياتك تقلب الصحفه دى وتركز فى شغلك اللى هو محتاجك
واللى انت بنفسك قفلت انه مسئوليه كبيرة
وبعدين مين قال انك لوحدك
معاك رب العالمين تفتكر دا مش كفايه
استغنى بيه عن الناس والله والله عن تجربه هتلاقى سعادة مش حسيتها فى حياتك
استغنى بالله عن الناس
محتاج حد يسمعك اشكى لله
ابكى بين ايده
هو احن عليك من امك وابوك مش اصحابك وحد حبيته!!!
وبعدين حواليك اكيد ماما وبابا واخواتك واصحابك
اشغل نفسك بيهم
متقعدش لوحدك كتير وتفكر علشان تقدر تنسى
طول ما انت بتفكر وبتدور على اخبارها مش هترتاح
الجرح مش هيتقفل
انا بنصحك زى اخويا بالظبط ولو اخويا فى موقفك هقوله الكلام دا
وبالنسبه انك بتقول مريض شفاك الله وعافاك وقول الحمد لله لا بأس طهورا ان شاء الله ...ان شاء الله يكون مطهر ليك من الذنوب
مش عايزة اجى القى محمد حزين تانى
عايزة بوست كله تفائل وسعادة ان شاء الله
وبردوا لو زعلان كلنا هنسمعك وهنقف معاك
بس بالله عليك انت جاهد حزنك شويه وقاومه وحاول تعيش حياتك صح
محدش ضامن العمر
ومعتقدش انك تحب ان حياتك كلها تقضيها فى الحزن دا
ياريت نفوق قبل العمر ما يسرقنا



اوعى تزعل انت اخويا وانا بكلمك كأن محمد اخويا
ما انا اخويا اسمه محمد :D:D:D
فى امان الله يا اخى :))

S H A H said...

يا محمد يا عوبد
و الله انا لو كنت بنت كنت اتمنيت اتجوزك

يا اخي انت شخصك احلى بكتير
بصراحة انا لومكانك كنت هستخصر نفسي فيها عشات ماتستهلكش يا صاحبي
=========================
وبعدين مش قلتلك تشرب ديو ماونتن
=========================
و بعدين مش قلنا اجمد بقى و خليك انشف من كدة يا اخي و لا تعبر البلوج بتاعها

كلامها حلو و لا حنين اهو مش لينا هما لايقين على بعض و خلاص

انا حاسس ان ربنا هيرزقك احسن منها كتير ان شاء الله


خسارة مشاعرك الحلوة دي في حد ميستحقهاش

ثانيا يا عم وحيد انت مش وحيد

و عجبني تعليق رينا في الموضوع قوي مش هلاقي كلام احلى منه

=======================
استعن بالله

3abdo me7tas said...

رينا
أنا معنديش كلامه اقوله لانى مش عايز افتكر أنا لما لقيت نفسي كده لوحدى مش عارف دمعتى لقيتها سابقىة صوابعى على الكى بورد حتى الإنسانه اللى قلت خلاص هتبقى صديقة ليا وهحكيلها لقيتها بتبعد بظرف جامد بعد ما مش مهم أنا كتبت الكلام ده عشان اطلع اللى جوايا لا أكتر اللى أنا مستغرب ليه إزاى الإنسان ممكن يغير جحلده بالسرعة دى أنا مش مصدق إن فيه ناس بالسرعة دى أنا عايزها تنسينى زى ما نسيتنى لا أكتر وأنا عارف إن ده من رابع المستحيلات أنا دلوقتى طبعا مفيش قدامى إلا ربنا ودايما أنا بستخيره فى كل حاجه ليا الحمد الله
أنا محتاج حد يطمن عليا يحسسنى إنى عايش يسأل عليا انا بقعد بالساعات على البلوج إن حد يعبرنى ويرد أبدا ههههههه كنت فاكر إن البلوج ده هيرجع ليا الضحكة تانى
شكرا ليكى يا رينا وأنا بجد بعتبرك أخت ليا والله العالم بجد لأن كان نفسي يبقى ليا أخت أكبر منى يا ريت يا ريت يا رينا تعتبرينى كأخ صغير ليكى بجد أنا محتاج السؤال وشخصيتك عجبتنى جدا وأتمنى إن ربنا يرزقنى بواحدة فى نفس مواصفاتك عشان كده أنا سألتك فى البلوج بتاعك عن أخت ليكي صغيرة :) يا ريت متزعليش من كلامى الله يكرمك آمين
..............
شهرام
حبيب قلبى الله يخليك يا مان انت بتقول إنك لو كنت بنت هتتجوزنى دا أنا أكون سعيد جدا على الأقل يا أخى يبقى فيه حد فى العيلة جواها العرق الإيرانى أنا بجد بعتبرك اخ وعارف إنك شخصية ظريفة جدا وحبيتك من أول ما كلمتك بجد حكاية النسيان ربنا المستعان فيها باذن الله بس انت عارف الحب ده حاجه كده مش عارف أعبرهالك غزاى المهم أنا يا عم بقولك آخرى بيبسى مش ديو ويا عم ولا تزعل المرة الجاية هشرب ديو ونجرب المفعول ربنا يكرمك يا شهرام آمين يا رب العالمين

همسات دافئه said...

قول يارب بس من قلبك قول يارب خلصنى من قيود الهوى وطهر قلبى منه واملاه بحبك وحب رسولك والقرآن
محمد لازم تبعد متفتحش البلوج بتاعها واهرب من أى أخبار عنها الزمن بيداوى والى بعيد عن العين بعيد عن القلب بس لازم الأول يبعد انزعه من جوالك أنا عارفه انه صعب ومؤلم بس صدقنى اجهاض الطفل أحسن من انه يعيش عمره كله مشوه حبك طفل مشوه لازم تقتله مش هو الى يقتلك
ربنا يهون عليك ويخفف عنك يارب
خلى بالك من نفسك

3abdo me7tas said...

واحدة من الناس
صدقينى أنا بحاول ابعد بس هى بتظهر قدامى غصب عنى والله فاعمل إيه ربنا يهدى الجميع ويسامحها أنا قلت قبل كده إنى بدعى من ربنا إنه يسامحها لاكن أنا فعمرى ما هسامحها وانتى مختيش بالك من حاجه يا شيماء أنا قلت إن الفيرس اللى جالى ده هيبقى معايا بقيت عمرى يعنى شوفتى حاجه صغيرة ملهاش قيمة هتفضل معايا طول عمرى جوايا جوا جسمى وهى طلعت اقل منها سابتنى فى اكتر وقت ممكن اكون محتاجها فيه عرفتى بقى
المهم شكرا على الدعاء الجميل ده يا شيماء
وصدقينى انا مش عارف ليه إنتى اللى فاهمانى

Noony said...

بعد كل الكلام اللي اتقال دة..وخصوصاً من رينا..متهيألي مش هعرف أضيف حاجة جديدة

مفيش في إيدي غير إني أدعيلك

ربنا ينعم عليك بنعمة النسيان ويرزقك راحة البال ويزيح عنك الهم والغم ويبدلهم فرح وسعادة ويرزقك زوجة صالحة ترضاها دنيا وآخرة بإذن الله

بجد حاول تبعد عن أي طريق ممكن يفكرك بيها..وإن كان في أصحاب مشتركين...أطلب منهم ميقولوش لك حاجة عنها
وبلاش تدخل على البلوج بتاعها...انت كدة بتئذي نفسك

وبعدين احكي واتكلم وقول كل اللي في نفسك..أمال إحنا كلنا بنكتب فب البلوجات بتاعتنا لية!؟...هتلاقي أكتر من شخص يسمعلك...وممكن كمان تلاقي ناس في محن أصعب من اللي مريت بيها عشان تعرف إنك مهما اتعذبت،أكيد إنت في تعمة بالمقارنة بغيرك

متخليش لايأس والإحباط يستنزفوك
ربنا يرضى عنك يا رب

نوني

3abdo me7tas said...

بصراحةأنا مش عارف اتكلم
أنتو عارفين أنا عامل إزاى دلوقتى
أنا فرحان اوى أن فيه ناس حاسة بيا إن فيه ناس بتدعيلى وأنا مش عايز الا انكو تكونو معايا وبس شكرا ليكم كلكم
رينا
شهرام
شيماء
نهاد

warDaya said...

كده يا محمد...!!!
هروب؟
مش عارفه اقولك ايه..
المشكله انك عشان تعبان ومركز مع نفسك ومركز مع كل تفاصيل من كل الحياة...ومركز مع كل حاجه حوليك بتحصل
مركز حتى في الهواء والنسمه والنمله اللي بتعدي جنبك..
حاسس بالاحاسيس الكتيره دي..
حاول تكون اهدأ...حاول ماتفكرش في كل الحاجات المتضاربه دي..
حاول تفكر في حجات تاني...تشوف انت عنده موهبة ايه او هواية ايه وتنميها..
لو بتحب تربي سمك...هات قزاز مكسور قديم ووديه اعمله حوض...وهات سمكتين واهتم بيهم..هاتحبهم اوي وتفرغ فيهم شحنه
لو بتحب القطط
او لو بتحب ترسم او اي حاجه
كل اللي قصدي انك تفرغ شحنات من اللي عندك دي كلها في حاجه تفيدك مش تدمرك
انا ماقصدش اني اقلل من احاسيسك بالعكس..انا حاسه بيك اوي وموجعالك جدا...وجربت الوحده والالم في ابشع صورهم قبل كده...وطلعت منها بأني احب نفسي اكتر..وأهتم بنفسي اكتر..وأحسس نفسي قد ايه انا غاليه واستاهل اني احافظ على نفسي..كويس واحميها واهتم بيها
انت بقى مبهدل نفسك...ومش مديها حقها..

يامحمد..كل واحد ليه ظروفه مش عشان انشغلت شويه ابقى بهرب..
وربنا وحده اللي عالم..
بدعيلك كتير ربنا يرزقك الصلاح في نفسك ومالك واهلك ويرزقك الزوجه الصالحه ويرزقك الصلاح في اولادك وف كل حياتك..دنيتك وآخرتك...
ويارب يستجيب دعائي..

Anonymous said...

السلام عليكم
ازيك يا محمد عامل ايه يارب تكون بخير
طبعا انت عارف انا مين ... انا صاحبتها البنت اللى انت بتتكلم عنها بالطريقه دى .. انا اكتر واحده عشت معها المعاناه اللى هى عاشتها لحظه بلحظه يمكن هى كمان ماكنتش بتحكى لى على كل حاجه بس انا كنت بشوفه فى عنيها و انت عارف احنا قريبين من بعض ازاى

بص يا محمد بدل ما تقعد كل شويه تستدر عطف الناس وتقول انك وحيد و انك تعبان من غيرها شوف انت عملت ايه .. اكيد هى كانت بتحبك و اكيد هى عملت كده مش من الهوا.. شوف انت كنت بتعاملها ازاى .. شوف انت عيشتها الفتره اللى كنتو مع بعض هى كانت عامله ازاى .. دى كانت على طول بتشكى لى و بتيجى تعيط و لما اقولها تقولك تقولى مش هيفهمنى

انت بتقول خمس سنين .... شوف خمس سنين انت عملت لها ايه اه كنت بتحبها و لو تطول حته من السما كنت قدمتهالها بس ماكنتش بتعمل حاجه .. على طول كنت بتقتل فرحتها الطفوليه البريئه اللى جواها .. ايوه كنت بتحبها بس ماقدرتش تفهم هى عايزه ايه من اللى يحبها .. عايزه تحس انها بنت يا محمد .. عارف يعنى ايه بنت يا محمد ... هى رومانسيه و رقيقه اكتر من اى بنت تانيه انا عرفتها .. كنت تقدر تخليها على طول معاك.. يمكن الموضوع ده كان صعب عليك و ساعتها كنت بتفكر ان الحب كفايه
حاولت مره تجيب لها ورده؟؟ ورده واحده اقطفها من اى زرعه ؟؟ و يوم ماهى جابت لك ورده كأنها بتقولك افهم يا غبي و اعمل كده ... فاكر كان رد فعلك ايه ؟؟
حاجات كتير يا محمد انت ناسيها .. هى اتعذبت كتير و انت معاها انت قولت لها انك ضيعتها .. ايوه انت اللى ضيعتها .. سامحها و انساها يا محمد هى برضه متضايقه عشانك .. اللى بينكو كان اكتر من العيش و الملح
ماتقعدش تقول انك مش هتسامحها و ان هى اللى غلطانه .. انت اللى غلطان يا محمد .. لما حد كان بيسألها انتى سيبتيه ليه .. عمرها ما قالت فيك كلمه وحشه رغم كل اللى شافته .. انا مش عاوزه اتكلم و اقول اكتر من كده انا عارفه انى كلامى بيجرحك بس ياريت تبطل دور الحمل المظلوم لان فى الاول و الاخر انت الغلطان
انت كنت السبب ان علاقتها بأخواتها باظت و كنت هتعمل لها مشاكل كتير فى البيت او بالفعل انت عملت

عمال بتقول عليها انها دلوقتى عايشه قصه حب مع واحد و كده
على فكره كل كلامك غلط الشخص ده مش بيحبها خالص و اكيد انت عارف كده و بتقنع نفسك بالعكس
انا كنت عاوزه اقولك الكلام ده من زمان بس ماكنش ينفع .. بصراحه انت زودتها اوى
انساها و سامحها زى ماهى سامحتك .. هى نسيت كل اللى شافته معاك نسيته بجد من قلبها انت اكيد عارف قلبها عامل ازاى ... خليك انت كمان قلبك كبير و ابيض و سامحها
ماتدخلش البلوج بتاعتها .. الكلام الرقيق اللى هى بتقوله ده شوف انت قولت عليه ايه زمان

انا مش عاوزه اتكلم اكتر من كده انا بجد تعبانه اوى عشانها و مش عاوزه صوره صاحبتى تتشوه بالطريقه دى

بص يا محمد لو عاوز تمسح الرد ده امسحه بعد ما تقراه بس ارجوك اقراه كويس

خد بالك من نفسك و خليك قريب من ربنا هو وحده اللى يقدر يخفف عنك
الف سلامه عليك ومبروك على الترقيه

3abdo me7tas said...

صاحبتها
أكيد أنا عرفتك لان فيه حاجات محدش يعرفها الا احنا التلاته الأول بقولك إزيك عاملة إيه والله وحشتينا كلنا
بصى هقولك على حاجه أنا عمرى ما اتكلمت عليها كلمة وحشه يمكن احساسي هى اللى بيتكلم يمكن قلبى هو اتكلم بس اتكلم على أساس إيه على اساسه جرح كبير وانتى كنتى عارف انا كنت بحبها قد ايه كنت اتمنى الموت ومتمناش دمعه تنزل منها ابدا زمان نتكلم عن زمان انا عرفتها طبعا حاولت اغير فيها حاجات كتير وانتى عارفه كويس اوى انى قدرت اعمل حاجات انتى مش قدرتى تعمليها فى مده 10 سنين وانتى قلتى ليا كده بلسانك ليه ليه لما تلاقينى وحش انا وحش ليه مش تغيرنى ليه مش تقولى انا حمار يا شيخة مش بهم ليه مش تقول انى بتعبها كنت قطعت لسانى كنت موت نفسي عشان مش اشوفها تتجرح بالمنظر ده أنا قلتلها انا اتغيرت عرفت انتى سبتينى ليه قالتلى يا ريت يا محمد كنت كطده زمان طيب ليه انتى مش قلتى ليا زمان عشان افهم ليه مقدرتيش تغيرينى زى ما انا غيرتك انا عارف انى انسان غبى وعارف انى كنت زمان وحش بس ملقتش حد يغيرنى انتى مشتركة معايا متقوليش انى الحمل المظلوم او الظالم معدتش تفرق انتى شايفه كده عادى بس انا شايف لو كانت بتحبنى بجد كانت غيرتنى زى ما انا غيرت فيها كتير حاجه تانية ليه ليه يا صاحبتها كانت بتتصل بيا تانى عشان ايه عشان مش لاقيه حب زي حبى ولا عشان تلعب بيا كانت تتصل بيا فى اوقات كنت خلاص بنساها طيب ليه من شهرين او تلات شهور تقريبا كلمتنى وقالت ليا انها بتحبنى ومستعديه تعمل اى حاجه عشان اسامحها ليه انا سامحتها وبعيدين بيومين لقيتها بتقولى مش هقدر ارجع زى زمان طيب ليه ردى عليا يا صاحبتها اما بقى حكاية انى بقول كلام عشان اصعب عن الناس لا والله ابدا انا قلت قبل كده بدل ما اموت عشان سبب تافه اكتب كل اللى جوايا ومش مهم حد يقراه انتى لو كنتى دخلتى على السبيس بتاعى كنتى هتعرفى لان محدش بيخش يقراه مع انى قصتى كلها جوا على السبيس مش بكتب يعنى عشان اصعب على حد لا ابدا بكتب عشان ميحصلش ليا حاجه لان مليش حد هى كانت كل حياتى كانت عنيا اللى بشوف بيها كانت قلبى اللى بعيش بيه
اظن كفاية لانى بجد مش قادر انا عمرى ما هنكر انى حبتها اكتر من نفسي وكنت اتمنى انها ترجع ليا وتقولى انت عيبك كذا يا محمد وانا اتغير مش تقف تتفرج عليا كده تعمل اى حاجه عشانى حتى
آخر حاجه انا عمرى ما شوهت صورتها ابدا لانها فى يوم قالت ليا بحبك يا محمد فعمرى ما اقدر اشوه صورتها
صاحبتها : انا لو كنت عايز اعمل حاجه مكنتش جريت وراها وانتى عارفه انا عملت ايه وكان على ايديك وعارفه انا كنت بحبها قد ايه وكنت بخاف عليها من نفسها حتى المشكال اللى حصل بسببى فى البيت ليه هى مش قالت ليكى انى كلمت اخوها وقلتله انى عايز اتقدم ليها هو خادها بطريقة غلط بس انا كنت عايز اريحها من التعب النفسي اللى كانت عايشاه وهى عارفه كده كويس
كفاية كفاية بجد أنا مش قادر اتكلم
شكرا للزيارة

3abdo me7tas said...

آه معلش حاجه تانية ليه انتى مش كلمتينى وقلتى ليا انى بضايقها انا معاكى انا كنت بضايقها زمان عشان كنت خايف عليها وهى قالتهالى فى آخر مرة كنا مع بعض قالت انت عارف يا محمد انت عامل زى ايه ان عندك عصفورة بتأكلها وتشربها وتديها من حبك لاكن انت حابسها يبقى ملهاش اى معنى انا بقى زمان كنت واخده ليا كأنها ماسة بخاف عليها من أى حاجة عشان كده كانت بتاخد مواقفى انى خانقها كانت تقولى لاكن الحمد الله انا تغيرت واتعلمت كتير اوى عرفت كل اللى كان ناقصنى أنا يمكن بقول انى مش بفكر فيها بجد انا مش بفكر فيها بس ممكن اعرف السبب فى انى بحلم بيها كل فترة لازم تجيلي فى الحلم ده من ايه مش عارف آه مقلتش ليكي انا قريب قريت لينا محادثة مع بعض زمان فعلا انا عيطت لانها كانت صعبانه عليا اوى قلت ايه ده ايه اللى انا كنت بعمله ده للدرجة دى انا كنت وحش بس دلوقتى بجد اتغيرت الحمد الله انا بجد وحيد انا مليش حد تانى غيرها هى لما بزعل كانت بتراضينى هى لما بتعب كانت بتسأل عليا وانتى عارفه انى اكتر واحد بحس بيها كانت امنيه حياتى اننا نبقى مع بعض فيه كلام كتير اوى نفسي اقوله بس مش قادر وصدقينى للمرة التانية انا مش بحاول اشوه صورتها ابدا ابدا والله

Unknown said...

يامحمد حاول تنسي عشان تعرف تعيش
اللي انت فيه ده مش هيوصلك لحاجة لازم تحاول تنسي
وان شاء الله تلاقي اللي تستاهلك وتفضل معاك بقية حياتك
بس أنا مافهمتش فيروس ايه ده اللي عندك
وأنا لما قريت أول بوست ان كاتبه افتكرت عبد الوارث عسر في فيلم شباب امرأة
كان بيقول لشكري سرحان أنا بحبها وهي بتحبك وأنت بتحب واحدة تانية
كلنا في الهوا عباسية
وماقصدش أبدا أنك مجنون أقصد ان الحياة كلها ملخبطة وطبعا أنا مصدقه ان هو ده اللي حصل

ربنا معاك ويوفقك
تحياتي

3abdo me7tas said...

:)

S H A H said...

صاحبتها

تستدر عطف الناس وتقول انك وحيد و انك تعبان من غيرها شوف انت عملت ايه
لالالا مكنتش اعرف انك كدة يا عوبد, و كل ده و انا مصدقك لااااأااااا

عايزه تحس انها بنت يا محمد .. عارف يعنى ايه بنت يا محمد
وكمان متعرفش يعني ايه بنت يا عوبد احنا بصراحة سوعقنا


بصراحه انت زودتها اوى
الحقيقة اه, و انا لفت نظرك قبل كدة بلاش يا عوبد الرغي الكتير و التفاصيل بتاعة الدبليو سي , كش لازم, اكيد ده اللي طفش البنت



بتفكر ان الحب كفايه
حاولت مره تجيب لها ورده؟؟ ورده واحده اقطفها من اى زرعه ؟؟ و يوم ماهى جابت لك ورده كأنها بتقولك افهم يا غبي و اعمل كده ... فاكر كان رد فعلك ايه ؟؟

لاااأأاااااا حتى الوردة مجبتهاش يا عوبد, و حاططلي صورة الشبكة بالشئ الفلاني
اتاري انك عايز تعزمني على حلابسة
انا مصدوم يا عوبد من الكلام الكبير ده


اوعا تكون زعلت يا عوبد انا لسة مقرتش ردك بس طبعا كلنا مصدقينك, و المدونين كلهم هيجتمعوا يوم الجمعة بعد الصلاة في اعتصام لم يحدث من قبل و من امام جامع عمرو مكرم
و هيبقى في رد كبير قوي على الكلام ده


بس ده ميمنعش اني زعلان منك في موضوع الوردة ده بجد

S H A H said...

تم اعلان حالة التعبئة القصوى في بلوك عبده محتاس

نحن الان في انتظار اطراف اخرى للمشاركة و التحيليل

و السؤال القائم الان:

هل ستظهر الفتاة هنا لكي تكون المواجهة وجها لوجه و على مرمى من الجمهور المدونين

هذا ما ستظهره الايام الفترة القادمة

سنعود

S H A H said...

تفتكرو يا جماعة المناقشة هنا ممكن ترجعهم لبعض؟؟؟؟

مين عالم

S H A H said...

عـــــاجـــــل
الى السيد عبده محتاس/

تحية طيبة و بعد,,,

بالاشارة الى الموضوع أعلاه, يرجى التكرم بالكشف عن البلوج المعاكس وذلك لاظهار المصداقية و الشفافية امام الجمهور و لنكون على حياد دون المساندة لاي طرف على حساب الاخر

شاكرين لكم حسن تعاونكم معنا

الجمهور

S H A H said...

1إعــــــــــلان
سيتم عمل بانر 6×3سم و ذلك لكل من الطرفين مع لينك لكل منهم و ذلك
لادراجها في المدونات

مدير حملة عبدو محتاس

3abdo me7tas said...

إيه اللى انت بتقوله ده يا شاه
أولا إسمه جامع عمر مكرم مش عمرو مكرم
ثانيا أنا بعترف بكل الكلام اللى هى بتقوله بس الكلام ده مخليني وحش المفروض كانت توضح الحاجات دى حصلت امتى وازاى وكام مرة وليه مقلتش الحاجات التانية الكويسه كل اللى قالته الحاجات الوحشة اللى محدش قدر يغيرها فيا لغاية ما انا غيرتها فى نفسي من اللى شوفته بس للأسف عرفتها متأخر بعد ما خسرتها من إيدى
المهم مش عايزين نفستح فى المواضيع دى تانى كفاية لحد كده
وانت يا شهرام ليك حساب معايا

S H A H said...

اعــــــــــــــــلان2
سيتم عمل تصويت ووضعه في كلا المدونتين و سيتكون من عدة اسئلة

هل عبده محتاس شرير؟

هل تعتقد ان الوردة كانت هتفرق معاه
كتير؟

هل هناك اية اوجه للشبه بين عبده محتاس في المدونة و بين انتوني هوبكنز في في صمت الحملان؟

مدير حملة عبدو محتاس

S H A H said...

وانت يا شهرام ليك حساب معايا

ليه بس يا عوبد ده انا جاي اهدي النفوس, لا انت تشوفلك حد غيري بقى في الحملة بتاعتك

على فكرة انا اخترتلك رمز الوردة ايه رأيك؟

S H A H said...

يا عوبد ان دخلت التاريخ خلاص, الاجيال القادمة كلها هتتكلم عن البوست ده

انا كلمت مدير تحرير مجلة الكواكب و هيساعد في نشر الحملة

و الموضوع مش هيخلى من الرعاة الرسميين لسة بتفاوض مع فودافون و موبينيل

الموضوع ميمنعش تكسب قرشين لزوم رواتب الموظفين

3abdo me7tas said...

طيب كويس والله طالما الموضوع فيه فلوس أنا معاك عشان نشترى الورد
خش اون لاين عايزك :S

S H A H said...

www.e-messenger.net


دخلت عليه و الله يا عوبد

كل ما اعمل sign
يفضل مديني شكل ال loading اعتقد ده من البلوك اللي عندي برده

Anonymous said...

لا خير في صحبة من لا يري لك مثلما تري له يعني اللي ماتهموش مصلحتك انت كمان لازم تنساة والمعاملة بالمثل والحل سهل جدا دعوة واحدة في اليوم في سجودك بان ربنا ينسيها لك بس تداوم علي الدعوة دي والله بالكاد هتفتكر اسمها وحط في دماغك ان مراتك احق بكل المشاعر المفقودة دي ولازم عشان تاخد تدي خلي بالك من قلبك اوي وكن علي يقين ان اللي ربنا مش قسمهولك ان شاء الله هيديك احسن منة بس الصبر

3abdo me7tas said...

روح

أنا إرتحت كتير اوى بالكلمتين اللى انتى قلتيهم بجد
جزاكى الله كل خير

شركة نور الدمام said...
This comment has been removed by the author.
شركة نور الدمام said...




شركة تنظيف بالدمام
شركة تنظيف فلل بالدمام
شركة تنظيف شقق بالدمام
شركة تنظيف مجالس بالدمام
شركة تنظيف واجهات بالدمام
شركة كشف تسربات المياه بالدمام
شركة كشف تسربات بالدمام
شركة عزل خزانات بالدمام
شركة مكافحة حشرات بالدمام
شركة نقل اثاث بالدمام
شركة رش مبيدات بالدمام
شركة تسليك مجارى بالدمام

Huongkvb said...
This comment has been removed by the author.