الجزء الثانى
بسم الله الرحمن الرحيم
وصلنا مركز التدريب طبعا كل واحد جايب معاه أكل وحاجات كتير واللى البيت عامل لابنه أكل بالهبل عشان جيش وبتاع
بس انا مكنتش متعود على كده أساسا
لقينا الظباط والصف ضباط بيقولو كل واحد معاه أكل يحاول ياكله او يرميه لان ممنوع دخول أى أكل فى المركز
طبعا كان موقف جامد كل واحد قاعد فارش قدامه الأكل وهات يا أكل مع ان الناس كانت شبعانه بس يقولو أهو احسن ما نرميه
انا الحمد الله فى اليوم ده مكنش ليا نفس لأى حاجه
مش عارف ليه
يمكن عشان دخلت الجيش
عادى ما اى واحد معرض انه يدخل الجيش
ولا يمكن عشان اول مرة يبعد عن حبيبه ومش عارف يكلمه او يطمن عليه مش عارف بجد
المهم
قعدنا لغاية المغرب كده وقالو كل واحد ييجى عشان ياخد حقنتين قال ايه ان الحقنتين دول هيحمو الواحد من جميع الأكراض اللى الواحد ممكن يشوفها فى الجيش لمده 6 شهور طبعا عادى أخدت الحقنتين فى دراعى وعلى البركة
قعدنا لغاية الساعه 2.30 بليل مستنيين دورنا فى استلام المخلة
وطبعا محدش يقولى يعنى ايه مخله عشان نزعلش منه
مش هطول عليكم ومش هقولكم اد ايه الواحد اتخنق من الانتظار لغاية ما نستلم المخلة دى
بس الحمد الله استلمنا وودونا على عنبر عشان ننام
وصلنا بالظبط الساعه 4.30 العنبر طبعنا انا نمت بهدومى مقدرتش اغير وغير كده اى حاجه فى اى حاجه المهم انى لقيت سرير وخلاص يا عم
الساعه 5.30 الفجر يعنى الواحد غمض عنيه نص ساعه بس بالظبط
يلا كله يجمع عشان طابور اللياقة
لياقة ايه يا جدعان اللى بتقولو عليه انا عايز اناااااااام
ولا حياه لمن تنادى
ومن ساعتها انا اكتر مده ممكن انامها لغاية دلوقتى والله 5 ساعات بالظبط مهما عملت
طبعا مكنتش اعرف حد لسه وكان العنبر بتاعى كان الفصيلة السابعه وكان كله من الغربية وكنا حوالى 6 او 7 من المنصورة وبقيت الأربعين من الغربية من مناطق متنوعه يعنى
:)
تصنيف المجوعات فى الجيش عشان محدش يتكلم كتير
الجيش بعده الفرقة بعده اللواء بعده الكتيبة بعده السرية بهدع الفصيلة بعده المجموعه
اليوم المعتاد لمركز التدريب
بنصحى الصبح طبعا والشمس أساسا لسه مطلعتش بقعد نجرى وبتاع وهبل فى الجبل اى حاجه فى اى حاجه ونقعد نعمل عملية نظافة فى المركز زبالين يعنى
نروح نتشطف ونغير هدومنا
الفطار
وبعدين نظبط العنبر عشان بيتفتش علينا
وبعدين طابور الصبح وطابور الثبات
ييجى بعد كده عساكر بس اقدم مننا مش فاكر اسمهم بصراحة يعلمونا حاجات ملهاش اى برناج فى اى حاجه ومش فاكر نعمل ايه تانى وبعدين الغدا وراحة وبعدين الساعه 5 طابور الهتاف عشان بس نغير الوجهه بتاعت الشمس الصبح الشمس بتبقى فى اليمين فالنص اليمين يبقى أسود وفى الهتاف الشمس تبقى فى الشمال فنكمل لون البشرة بالأسود الخالص بقى وده اللى استفدته من طابور الهتاف
وبعدين راحه بقى وعيش حياتك
طبعا انا كنت بنام قبل الفراخ مش معاها والله من التعب واللى كنت بشوفه كنت بنام الساعه 10 بليل
المهم نخش فى الموضوع
كنت تعبان اوى اوى مش تعب جسدى لا
تعب نفسي
كل يوم بيمر عليا بكون مش مصدق من اللى بيحصلى ده
غير كمان بعدى عن الإنسانه اللى بحبها ومش عارف عنها اى حاجه
غير حكم النفس على النفس
مع انى كنت بنزل كل يوم خميس أجازة ونيجي الجمعه بليل بس بس
مش عارف
على العموم كفاية كده لانى طولت اوى انا قلت لكم النظام والبوست الجاى هيبقى بقى بأحداث حصلت ليا فى مركز التدريب غير النظام اللى شوفته وهقول بكل صراحة اللى حصل
وصلنا مركز التدريب طبعا كل واحد جايب معاه أكل وحاجات كتير واللى البيت عامل لابنه أكل بالهبل عشان جيش وبتاع
بس انا مكنتش متعود على كده أساسا
لقينا الظباط والصف ضباط بيقولو كل واحد معاه أكل يحاول ياكله او يرميه لان ممنوع دخول أى أكل فى المركز
طبعا كان موقف جامد كل واحد قاعد فارش قدامه الأكل وهات يا أكل مع ان الناس كانت شبعانه بس يقولو أهو احسن ما نرميه
انا الحمد الله فى اليوم ده مكنش ليا نفس لأى حاجه
مش عارف ليه
يمكن عشان دخلت الجيش
عادى ما اى واحد معرض انه يدخل الجيش
ولا يمكن عشان اول مرة يبعد عن حبيبه ومش عارف يكلمه او يطمن عليه مش عارف بجد
المهم
قعدنا لغاية المغرب كده وقالو كل واحد ييجى عشان ياخد حقنتين قال ايه ان الحقنتين دول هيحمو الواحد من جميع الأكراض اللى الواحد ممكن يشوفها فى الجيش لمده 6 شهور طبعا عادى أخدت الحقنتين فى دراعى وعلى البركة
قعدنا لغاية الساعه 2.30 بليل مستنيين دورنا فى استلام المخلة
وطبعا محدش يقولى يعنى ايه مخله عشان نزعلش منه
مش هطول عليكم ومش هقولكم اد ايه الواحد اتخنق من الانتظار لغاية ما نستلم المخلة دى
بس الحمد الله استلمنا وودونا على عنبر عشان ننام
وصلنا بالظبط الساعه 4.30 العنبر طبعنا انا نمت بهدومى مقدرتش اغير وغير كده اى حاجه فى اى حاجه المهم انى لقيت سرير وخلاص يا عم
الساعه 5.30 الفجر يعنى الواحد غمض عنيه نص ساعه بس بالظبط
يلا كله يجمع عشان طابور اللياقة
لياقة ايه يا جدعان اللى بتقولو عليه انا عايز اناااااااام
ولا حياه لمن تنادى
ومن ساعتها انا اكتر مده ممكن انامها لغاية دلوقتى والله 5 ساعات بالظبط مهما عملت
طبعا مكنتش اعرف حد لسه وكان العنبر بتاعى كان الفصيلة السابعه وكان كله من الغربية وكنا حوالى 6 او 7 من المنصورة وبقيت الأربعين من الغربية من مناطق متنوعه يعنى
:)
تصنيف المجوعات فى الجيش عشان محدش يتكلم كتير
الجيش بعده الفرقة بعده اللواء بعده الكتيبة بعده السرية بهدع الفصيلة بعده المجموعه
اليوم المعتاد لمركز التدريب
بنصحى الصبح طبعا والشمس أساسا لسه مطلعتش بقعد نجرى وبتاع وهبل فى الجبل اى حاجه فى اى حاجه ونقعد نعمل عملية نظافة فى المركز زبالين يعنى
نروح نتشطف ونغير هدومنا
الفطار
وبعدين نظبط العنبر عشان بيتفتش علينا
وبعدين طابور الصبح وطابور الثبات
ييجى بعد كده عساكر بس اقدم مننا مش فاكر اسمهم بصراحة يعلمونا حاجات ملهاش اى برناج فى اى حاجه ومش فاكر نعمل ايه تانى وبعدين الغدا وراحة وبعدين الساعه 5 طابور الهتاف عشان بس نغير الوجهه بتاعت الشمس الصبح الشمس بتبقى فى اليمين فالنص اليمين يبقى أسود وفى الهتاف الشمس تبقى فى الشمال فنكمل لون البشرة بالأسود الخالص بقى وده اللى استفدته من طابور الهتاف
وبعدين راحه بقى وعيش حياتك
طبعا انا كنت بنام قبل الفراخ مش معاها والله من التعب واللى كنت بشوفه كنت بنام الساعه 10 بليل
المهم نخش فى الموضوع
كنت تعبان اوى اوى مش تعب جسدى لا
تعب نفسي
كل يوم بيمر عليا بكون مش مصدق من اللى بيحصلى ده
غير كمان بعدى عن الإنسانه اللى بحبها ومش عارف عنها اى حاجه
غير حكم النفس على النفس
مع انى كنت بنزل كل يوم خميس أجازة ونيجي الجمعه بليل بس بس
مش عارف
على العموم كفاية كده لانى طولت اوى انا قلت لكم النظام والبوست الجاى هيبقى بقى بأحداث حصلت ليا فى مركز التدريب غير النظام اللى شوفته وهقول بكل صراحة اللى حصل
16 comments:
ياساتر يارب
دا انا حاسه انك قفلت البوست عشان مش عايز تفتكر كل حاجه مره واحده:)
واضح فعلا ان نفسيتك كانت سيئه جدا
يالا فى انتظار الأحداث:)
تحياتى
شيماء:)
جبت الصورة بتاعت البوست اللي فات من فين؟
:D
الجيش بهدلة صحيح
ربنا ما يعودها عليك أيام
ازيك يا محمد؟
شكراً على السؤال
:)
نهاد
والله النظام حلو يا عالم زعلانين ليه احنا كنا فى معسكر فى ابو قير كنا بنعمل كده
عاتى يعنى بنات
حلوة يا بطل كمل
ياعينى ياذكرياتك
ده انت مش ناسى حاجه
بس والله نظام حلو جدا
ياريت بقى يكون ماشى زى ماهو مكتوب كده
ربنا معك
فعلاً ضغط نفسى قاسى
بس أعتقد أنه بيصنع رجال حقيقين
كنت بتنام قبل الفراخ
الساعه 10 باليل
ايه ده ؟؟؟؟؟؟؟؟
هو ماكنشى فى نايت بارتى
يااااااااه ايه العذاب ده انا بصراحة مفيش حد اقابله ويتكلم عن فترة الجيش الا بصراحة بكل خير بس بالشقلوب
هاهههههه بس الكل بيجمع انها فترة لابد منها واهو برضو بتعلم الواحد حاجة او بيطلع منها بحاجة بس هوا شر لابد منه
معلش يا محمد المهم انها فترة عدت بمرها وحلوها بس حاول تنسى الحاجات المرة واللى اثرت فىنفسيتك ومن ضمنها حالتك العاطفية اللى كنت فيها وقتها
همسات دافئة
بصراحة يا شيماء أنا مش عايز أفتكر ولا لحظة من الأيام دى بس مش عارف بحب أحكيها ليه
يمكن بحب أرجع للأيام دى
انا عارف ان كلامى متناقض بس عادى كبرى دماغك
:)
.............................
Noony
الصورة بتاعت البوست اللى فات من على السيرش طبعا
انا الحمد الله تمام يا نهاد
شكرا انتى على السؤال
Appy
نظام حلو
دا عثل مش حلو
ما انتى لسه مشوفتيش ايه اللى بيحصل بعدين
وثانيا لو جيتى بصيت هتلاقيه صعب فى حالة واحده
ان الواحد لما كان قبل الجيش كان بيصحى براحته وبيعمل اللى هو عايزة كده يعنى
لاكن مرة واحده تدخلى قفش كده بالنظام ده مش عاطفى بالمرة
على فكرة احلى حاجه كنت بحبها وانا صغير المعسكرات دى
..........................
د / أجدع بنوته
آه ما هو اللى ايده فى النار مش زى اللى إيده فى الميه
ما انتى مشوفتيش حاجه عشان كده بتقولى نظام حلو
مش قلت نظام عثل
فى القلب
أولا اهلا بيك اول مرة فى البلوجر
ثانيا هو ضغط نفسي رهيب فوق ما تتخيل
ثالثا مين اللى بيصنع رجال حقيقيين ده
بص يا مان
الراجل راجل من يومه مش من بعد الجيش
.....................
عبده الرايق
نايت مين يا عم انت
دا انت صحيح خواجه متركب بالعكس
يا مان النوم مكنش بالمزاج
النوم كان بالأمر
غير كده انت أساسا بتنام غصب عنك من التعب
رحيق الحب
ازيك يا هالة أخبارك ايه
انت فين من زمان وازيك وازى اسلام يا رب تكونو بخير
هو انتى لسه شوفتى حاجه عشان تقولى الكلام ده
لسه التقيل جاى ورا
ههههههههههههه
هى فعلا الحالة النفسية والعاطفية اكتر حاجه أثرو فيا وهنعرف ازاى كل ده حصل
فكرة البلوج حلوة اوى انك تكتب وتحكى اللى جواك وتسمع وتشارك اصحابك والناس فى اللى مضايق وفى اللى وجهته
وخطوة جيدة جدا التوقف عن التدخين واستمر و ربنا يوفقك
مع تحياتى
تحياتى لك
فينك يا اعز الناس؟؟؟
انت يا واد قافل الكومنتس ليه بقى
وبعدين فين اللي قلتلي عليه هيكون يوم الخميس
واد انت اظهر وبان عليك امان وقولي حصل ايه
ابقى طمني عليك
اخوك ايهاب
سلاااااااااااااااااااااااااام
عبده انا هعلق هنا بما انك مسبتش مساحة للتعليقات فى اخر بوست ربنا معاك ويساعدك تبطل السجاير خاااااااااااااالص و مترجعلهاش تانى ابدا
اه صح نسيت اقولك مدونتك جميلة قوى و دى اول مرة ادخلك بس مش هتبقى اخر مرة
ربنا يوفقك
Post a Comment