Friday, March 21, 2008

إستفتاء

بصراحة أنا مش عارف أكتب إيه
بس جيت حاجه فى دماغى وعايز رأيكم فيها
أنا دلوقتى ناوى أكتب قصة حياتى فى الجيش
كلها كاملة
أنا قبل كده كتبت أجزاء منها بس عايز أكتبها من الأول وكاملة لغاية يومنا الحالى
بس عايز أعرف رأيكم الأول أكتب ولا لآ
أنا طالب بس 30 رد بالموافقة
30 رد بس عشان أبدأ أكتبها
سواء كانت من أشخاص أعرفها أو أشخاص مجهولة


12 comments:

aya said...

انا اول صووووووووووووت

يا لهووووووووووووووى

احم احم...
لا قصدى انا موافقة يعنى

ومستنيا اشوفك بقى وانت محتاس حوسة على اصولها فى الجيش

وايتينج فور يو يا محمد

فى حفظ الله

همسات دافئه said...

:)
انا قريت الجزء الى فات ومش عارفه اتوقفت ليه أصلا
انت دمك خفيف جدا فى سرد الأحداث وبحب اسمع حواديدك:)
هو لازم يعنى 30 كومنت
انا مش كفايه
ماشى ماشى
فى انتظارك ياعزيزى
شيماء:)

Soooo said...

بص يابو الحوس
دي مدونتك
اكتب فيها اللي انت عايزه
وانا عن نفسي
بقولك اكتب عن ايامك في الجيش
اصل انا مارضيوش ياخدوني الجيش
قال ايه ملتصق
مع اني كان نفسي اضرب نار والله

يالله .. هم الخسرانين

منتظر المذكرات ياعمنا





سلاموووووووووووووووووز

Empress appy said...

اكتب علشان الناس تستفيد واللى خايف يفهم بس اكتب بتفاصيل وايه المميزات والعيوب او السلبيات وبينمى الشخصيه ازاى او بيأثر عليها

عبده الرايق said...

عندك اربعه موجودين
قالوا نعم
باقى 26
ماشى يا عم
نعم نعم نعم نعم نعم
فى
5
يساوى
25
ونعم بتاعتى
يبقى 26
الى الامام يا رجال

Yasser Hussein said...

نصيحة لوجه الله
ايامك في الجيش تعتبر أسرار عسكرية
يوجد ما يسمي عند العدو
تحليل معلومات
فقد يتم تحليل حكاياتك في الجيش لمعرفة أحوال الجنود وما شبه ذلك
خاصة لو أنت لسه مخلص جيش قريب
أو مازلت فيه

خالص تحياتي

3abdo me7tas said...

الأستاذ ياسر حسين
أنا طبعا الأول سعيد بتشريفك ليا
ثانيا عايز أقول لحضرتك على حاجه
لو فعلا اللى هقوله أسرار عسكرية
يبقى محدش يعرف ايه اللى بيحصل جواه
بس انا متأكد ان أى دوله تانية او اى جهات تانية غير مصرية عارفه كويس اوى ايه اللى بيحصل جوا الجيش
اما اللى انا هحكيه عن الحالة النفسية اللى انا مريت بيها
وعن التجارب اللى انا شوفتها على الأقل ان ممكن حد يصادفه نفس الموقف ويقدر يتعلم
متخفش
مع ان الجيش كرهنى فى نفسي وفى مصر نفسها
بس دى مصر برضه

koka said...

اكتب يا محمد

بس بعيد عن الاسرار العسكرية ;)

we 're waitting

Anonymous said...

نــــــــــــــــــــعـــــم

3abdo me7tas said...

آية

فينك من زمان
مبروك النجاح يا ستى

................

همسات دافئة

الله يكرمك دا من ذوقك
مش 30 ولا حاجه انا كنت عاز أشوف الناس اللى معايا

..........

سووووووو

كلامك صح
انا اول ما بدأت اكتب عشان افضفض
هكتب

............

Appy

مش حكاية خوف ولا حاجه يا ستى
الجيش فيه طبعا سلبيات ومميزات وهتعرفى من الحكاية

..........

عبده الرايق

خلاص يا سيدى هنكتب ونشوف
بس الجيش مش فيه كوادر
;)

.............

كوكا

انتى فين يا بنتى وحشانى والله
طمنينا عليكى ومبروك النجاح يا ستى

............

Anonymous

ماشى يا سيدى

Ehab said...

اكتب يا حبيبي مايضرش


انت هتغني يا منعم السمك طلع من الميه

انت لازم تحقق امل ابوك فيك يا وحيد وتبقى دكتور كبير


سلاااااااااااااام

3abasya wa7ed said...

عبده باشا

أولا وقبل أى شىء مبروك :)

والله لو كنت أعرف مسبقا كنت جيت الخطوبة


ألف مبروك ياباشا

وربنا يتمن بخير يارب ويكرمك ويقويك يارب

بالنسبة للمذكرات بتاعت أيامك وحالتك فى الجيش فأنا معاك

إكتب ياباشا

كلنا وياك ومتابعين

لانى لسه مش دخلت الجيش
ربنا يستر بقى ومدخلش

كفاية أوى إنك تحكى لى :)


وإعتبرنى صووووووووووووووووتت معاك بالموافقة


عباسية :D