الجزء الأول
بسم الله الرحمن الرحيم
فى الأول هقول كلمتين
حكايتى فى الجيش أنا هكتبها كلها بما فيها المواقف اللى حصلتى فعلا جوا الجيش أو الحالة النفسية أو العاطفية وممكن تكون كمان بالتواريخ على ما أتذكر يعنى
وآسف لو ذكرت حد فى القصة دى
أنا عارف انى طريقتى فى كتابة القصة من الممكن إن فيه ناس هتتخنق منى بالنسبة إنى بكتب كل حاجه بالتفصيل
بس أنا بحب كده مش عارف ليه
نبدأ
خلصت كلية فى آواخر سنه 2004 وقعدت أستنى الجيش حوالى 11 شهر وده أول حاجه تعبتنى وضيعت منى حاجات كتير
كنت فى السيبر بتاعنا كنت قاعد فيه ليل نهار وكانت الحالة العاطفية عسل وكنت مع البنت اللى بحبها وكانت بتحبنى اوى
وفى شهر 6 جه معاد تقديمى للجيش
طبعا كان الموقف عادى بالنسبة ليا كنت حاطط إحتمال إنى أخش الجيش بنسبة 90% بحيث لو دخلت مش أتعب نفسيا
كل حاجه إتطلبت منى عملتها لغاية اليوم اللى كان فيه نتيجة الإرجا والإرجا اللى هى انى ادخل الجيش ولا لا
كلنا كنا قاعدين على أعصابنا كنت ميت من القلق خايف خايف ان كل حلم حلمته يتدمر بدخولى الجيش
حلمت كتير أوى كتير كنت ساعتها بطلت سجاير من زمان المهم قاعد باكل فى ضوافرى ومستنى النتيجة
من غير ما ندخل فى تفاصيل وحظ وبتاع لبست
دخلت الجيش ظابط إحتياط
فى اليوم ده أنا شربت كمة سجاير كان حوالى 6 سجاير ما أنا مبطل بقى
قعدت مش مصدق نفسي عارفين لما الواحد بيطلع فى الروح وشريط حياته بيمر قدام عنيه بسرعه أنا كنت كده بس مكنش شريط حياتى كان كل حلم أنا حلمته
كنت بحلم إنى أشتغل وأخطب وأتجوز الإنسانه اللى بحبها وبتحبنى ونبقى مع بعض طول عمرنا
كان فى اليوم ده كنت متوقع إنى آخد تأجيل وكنت ناوى أعمل حفلة وهروح أقابل حبيبتى فى كليتها ونفرح مع بعض
لاكن لما لبست صدمت إتصلت بيا عشان تتطمن قلتلها خلاص أنا دخلت الجيش
مسمعتش صوتها ممكن عشان أنا كنت أمل ليها إننا نبقى مع بعض أو صدمة مش عارف المهم قعدت عشان ياخدو عينه دم عشان فيرس سى كان فيه ناس بتتمنى ان يكون عندها الفيرس عشان ميدخلوش الجيش
بس أنا كان عادى بالنسبة ليا هعمل إيه يعنى خلاص اللى حصل حصل روحت البيت عادى بليل كلمتها
قلت لها أنا دخلت الجيش وظابط كمان وعايز أسألك سؤال أنا قدامى كتير هتستنينى
قالت لى هستناك ومش هسيبك
فات يوم اتنين وجالى امتحان الهيئة عشان الظباط نجحت للأسف ودخلت ظابط بس الحمد الله جبت واسطة ونزلت عسكرى الحمد الله مع ان جه أيام كنت أتمنى أبقى فيها ظابط عشان الذل اللى أنا شوفته
نزلت عسكرى وجه يوم التسليم أول يوم ليا فى الجيش يوم 12/7/2005
المكان فى منطقة تجنيد الهرم
المعاد الساعه 7.30 صباحا
روحت لقيت ناس كتير اوى اوى
قعدنا فى الشمس لغاية الساعه 2.30 عشان هنتوزع كل واحد على سلاحه ومركز التدريب
كان فيه شنطه بيبعوها غصب على الناس كانت ب 20 جنيه فيها ورنيش ورباط بيادة ومعجون أسنان وحلاقة كده يعنى حاجات متجيش ب 5 جنيه بس كان لازم نشتريها
كنا فى شهر 7 وكان الحر جميل عسل لغاية ما الواحد كان بيبوش من الشمس جه الوقت عشان نعرف هنروح فى أنهى مكان للتدريب
والحمد الله كان مكانى فى مركز تدريب 3 مشاه فى قويسنا ركبنا الأتوبيسات وروحنا على محطة القطر عشان هنركب القطر الحربى اللى هيودينا قويسنا
وصلنا مركز التدريب
نكمل أول يوم فى الجيش فى البوست الجاى
فى الأول هقول كلمتين
حكايتى فى الجيش أنا هكتبها كلها بما فيها المواقف اللى حصلتى فعلا جوا الجيش أو الحالة النفسية أو العاطفية وممكن تكون كمان بالتواريخ على ما أتذكر يعنى
وآسف لو ذكرت حد فى القصة دى
أنا عارف انى طريقتى فى كتابة القصة من الممكن إن فيه ناس هتتخنق منى بالنسبة إنى بكتب كل حاجه بالتفصيل
بس أنا بحب كده مش عارف ليه
نبدأ
خلصت كلية فى آواخر سنه 2004 وقعدت أستنى الجيش حوالى 11 شهر وده أول حاجه تعبتنى وضيعت منى حاجات كتير
كنت فى السيبر بتاعنا كنت قاعد فيه ليل نهار وكانت الحالة العاطفية عسل وكنت مع البنت اللى بحبها وكانت بتحبنى اوى
وفى شهر 6 جه معاد تقديمى للجيش
طبعا كان الموقف عادى بالنسبة ليا كنت حاطط إحتمال إنى أخش الجيش بنسبة 90% بحيث لو دخلت مش أتعب نفسيا
كل حاجه إتطلبت منى عملتها لغاية اليوم اللى كان فيه نتيجة الإرجا والإرجا اللى هى انى ادخل الجيش ولا لا
كلنا كنا قاعدين على أعصابنا كنت ميت من القلق خايف خايف ان كل حلم حلمته يتدمر بدخولى الجيش
حلمت كتير أوى كتير كنت ساعتها بطلت سجاير من زمان المهم قاعد باكل فى ضوافرى ومستنى النتيجة
من غير ما ندخل فى تفاصيل وحظ وبتاع لبست
دخلت الجيش ظابط إحتياط
فى اليوم ده أنا شربت كمة سجاير كان حوالى 6 سجاير ما أنا مبطل بقى
قعدت مش مصدق نفسي عارفين لما الواحد بيطلع فى الروح وشريط حياته بيمر قدام عنيه بسرعه أنا كنت كده بس مكنش شريط حياتى كان كل حلم أنا حلمته
كنت بحلم إنى أشتغل وأخطب وأتجوز الإنسانه اللى بحبها وبتحبنى ونبقى مع بعض طول عمرنا
كان فى اليوم ده كنت متوقع إنى آخد تأجيل وكنت ناوى أعمل حفلة وهروح أقابل حبيبتى فى كليتها ونفرح مع بعض
لاكن لما لبست صدمت إتصلت بيا عشان تتطمن قلتلها خلاص أنا دخلت الجيش
مسمعتش صوتها ممكن عشان أنا كنت أمل ليها إننا نبقى مع بعض أو صدمة مش عارف المهم قعدت عشان ياخدو عينه دم عشان فيرس سى كان فيه ناس بتتمنى ان يكون عندها الفيرس عشان ميدخلوش الجيش
بس أنا كان عادى بالنسبة ليا هعمل إيه يعنى خلاص اللى حصل حصل روحت البيت عادى بليل كلمتها
قلت لها أنا دخلت الجيش وظابط كمان وعايز أسألك سؤال أنا قدامى كتير هتستنينى
قالت لى هستناك ومش هسيبك
فات يوم اتنين وجالى امتحان الهيئة عشان الظباط نجحت للأسف ودخلت ظابط بس الحمد الله جبت واسطة ونزلت عسكرى الحمد الله مع ان جه أيام كنت أتمنى أبقى فيها ظابط عشان الذل اللى أنا شوفته
نزلت عسكرى وجه يوم التسليم أول يوم ليا فى الجيش يوم 12/7/2005
المكان فى منطقة تجنيد الهرم
المعاد الساعه 7.30 صباحا
روحت لقيت ناس كتير اوى اوى
قعدنا فى الشمس لغاية الساعه 2.30 عشان هنتوزع كل واحد على سلاحه ومركز التدريب
كان فيه شنطه بيبعوها غصب على الناس كانت ب 20 جنيه فيها ورنيش ورباط بيادة ومعجون أسنان وحلاقة كده يعنى حاجات متجيش ب 5 جنيه بس كان لازم نشتريها
كنا فى شهر 7 وكان الحر جميل عسل لغاية ما الواحد كان بيبوش من الشمس جه الوقت عشان نعرف هنروح فى أنهى مكان للتدريب
والحمد الله كان مكانى فى مركز تدريب 3 مشاه فى قويسنا ركبنا الأتوبيسات وروحنا على محطة القطر عشان هنركب القطر الحربى اللى هيودينا قويسنا
وصلنا مركز التدريب
نكمل أول يوم فى الجيش فى البوست الجاى
22 comments:
عههههههههههههههه
اول تعليق حلو قوى
بص هى فيه حكمه واحده طلعت منها من قصتك دى لو اطلعتم على الغيب لاخترتم الواقع
وده ليه بقى علشان انت اخترت تكون عسكرى وتخلص مع انك لو كنت بقيت ظابط كنت بقيت احسن
وعموما سردك للموضوع حلو كمل بقى
اها نسيت حتى فى الجيش بيقلبوكوا ههههههههههههه على الشنطه يعنى
Appy
انا هقولك على حاجه
طبعا كل حاجه بتحصل بقول عليها الحمد الله وخير بإذن الله يعنى
بس حكاية الظابط والعسكرى دى هى فعلا مشكلة وفى البوستات الجاية هتعرفى انا بقول كده ليه
نورتينى
بتوزعنى وبتقولى مفيش فى الجيش كادر
طيب هو فى احسن من كده كادر
حاجات فى شنطه ب 5 جند تتباع ب 20 جند
هو ده الكادر ولا بلاش
عموما الفكره دى هتخلينى ابقى تاجر شنطه
نهارك ابيض
انت دخلت الجيش يا واد كمان
لا انت تستحق الصدقه على كده بقى
معلش يا محمد ساعات كتير حاجات وحشه بتحصلنا ربنا بيكون حاطط لنا فيها خير مش عارفينه
يمكن لما انت اتدبست في الجيش ربنا كرمك وعرفت مين بيحبك ومستعد يستناك ومين مش مستعد
جايز هتقابل ناس جدعان يبقوا اصحاب ليك
ولو ان ده مش عارفينه وهيبان من الحكايه بعد كده
المهم انك بتتعلم من كل موقف يعدي عليك
هاستنى اسمع باقي الحكايه
اصل انا بحب اسمع كاوي الجيش قوي علشان احمد ربنا كويس على نعمة اني خرجت كومسيون طبي وخدت اعفاء الحمد لله
معلش بقى ارزاق
سلاااااااااااااااام يا اخي
ربنا معاك
كملللللل
اما عن التطويل وبتاع
فكمممل انا بحب التفاصيل جدا
واكيد الاغلب كده
حاسه انها هتبقى ايام بوظه وهنضحك للركب
انا الحمد لله رب العالمين
اخدت اعفا
انا زمايلى اللى دخلو الجيش
بيلعنو سلسافيله الحقيقة من المعاملة
بس طبعا سردك جميل
وبعدين فعلا
الله عز وجل قال
وعسى ان تحبو شيئا وهو شر لكم
صدق الله العظيم
تحياتى
ايه يا محمد ده؟
هو انت لحقت تحكى حاجة
اه بقى شغل التشويق بقى تابع والحكركات ديه هتضايقنا
على العموم عشان خاطرك بس هنستحمل
ومعاك لحد اخر يوم فى الجيش
انا مستمتعة الى الان بالقراءة
كمل بقى ومش تتاخر علينا
ابو الحوس
ازيك يا دفعه
بس تصدق يابو الحوس .. انا والله كان نفسي اخش الجيش
مش عشان خدمة الوطن والكلام الاقرع ده
لأ
كنت عايز اضرب نار
وياسلام بقى لو قتلتلي اتنين تلاته .. وبما اني في الجيش كنت هتحول لمحاكمة عسكريه ويادوبك هتحبس المده الفاضله لي في الجيش
واخرج شاب قتال قتله محترم
منتظرين الكماله
سلاموووووووووووووووووووووز
تحيا مصر يا مجند سابقا وسلام سلاح وكل الاغانى الوطنيه لجيشنا اللى رافع راس حكومتنا على طول الخط
السلام عليكم اشكرك على زيارتك لمدونتى المتواضعة اما عن موضوع الجيش فهو واجب وطنى يجب ان نؤدية
السلام عليكم اشكرك على زيارتك لمدونتى المتواضعة اما عن موضوع الجيش فهو واجب وطنى يجب ان نؤدية
هههههه
طيب هى القصة فيها مغامرات؟
اصل بسمع ان الجيش ده كله حاجات مش معقولة
تحيتى
لوسمحت انا عايزة بالتفصيل وياريت تكمل بسرعة عشان ربط الاحداث مايروحش
عبده الرايق
إيه يا عم عم كل حاجه عندك كادر
شكلك كده عايز تبقى تاجر شنطه
قول إعترف
...........................
الشنكوتى الكبير
إيه يا ابنى صدقه ايه هو كل واحد دخل الجيش يبقى عايز صدقة والله ما حد عايز صدقة إلا انت
هو فهلا يا ايهاب خير فى كل حاجه حصلتلى وفعلا انا عرفت لما دخلت الجيش مين بيحبنى ومين مش بيحبنى والحمد الله على كل شئ
أنا فعلا قابلت ناس كتير أشكال وأنواع ومع القصة هتعرف إيه اللى حصل
بصراحة احمد ربنا انك مدخلتش الجيش هتشوف وهتسمع
د/اجدع بنوته
طيب كويس ان لقيت ناس مش بتزهق دا انا يمكن عقبال ما أخلص القصة دى هنكون فى سنه 2020
بوظة
ههههههههههه
هى فعلا أيام بوظة والضحك مش للركب للأكتاف كمان
........................
مدحت محمد
أخى الآية بتقول
وعسى أن تكرهو شيئا وهو خير لكم
صدق الله العظيم
شرفتنا بزيارتك
آية
يا ستى لا تتضايقى ولا حاجه
انا والله كنت لسه هكتب بقيت القصة دلوقتى والنهاردة الجمعه وقلت أجازة بقى بقيت تليفون من الشغل بيقولى فيه اجتماع النهاردة لما أرجع بقى وعليكي خير
...................
Soooooooooo
كان نفسك تخش الجيش عشان تضرب نار
طيب إيه رأيك بقى انى ضربت نار مرتين تقريبا وكل مرة نروح الرماية أروح سايبهم ورايح أى مكان
لأن كان ضرب النار ده حاجه هبلة ولا ليها أى لازمه
أى حد على فكرة يقدر يضرب نار
حدوته مصرية
أهلا بيكي فى مدونتى البسيطة يا ريت بقيه القصة تعجبك
وسلام كبير اوى اوى لحكوميتنا
...................
رئيسة حزب الأحلام
الجيش مين
واجب إيه
والله ما انتى عارفه حاجه
إجى
لا تقلقى القصة مليانه مغامرات وهبل فى الجبل
إصبرى على رزقك بس
....................
monaliza
بالتفصيل بس
لالالا دا بالتفصيل الممل كمان
وربنا يسهل وهكتب علطول عشان الإحداث يا ستى انتى جيتى فى جمل
ايه اللى فكرك يالايام الوحشه دى مش خلاص عدت على خييير
تحياتى ولاء
محمد
بجد عجبتنى جدااا اصل انا من أيام حكايات بابا محدش حكالى حاجه عنه
فى انتظار باقى الأجزاء:)
تحياتى
شيماء:)
ياااااااااااااااااه
ده كله فى اول يوم؟؟
والله الواحد خايف يحصله زيك كدة بالظبط
تحياتى
اعرفك بنفسي
سعد الأشقر
دفعة 7/2005
سرية 7 فصيلة 3
م تدريب المشاه رقم 3 قويسنا
يعني دفعه واحده يادفعه
والله يادفعه انا لقيتك كاتب قصتي اول يوم من ساعة منطقة تجنيد الجيزه لحد اليوم المنيل بتاع استلام المخله
Post a Comment