مش عارف
أنا بكتب دلوقتى البوست ده قبل ما أسافر بكره رايح الجيش استدعى مش جيش جيش يعنى
المهم
أنا تعبان أوى وأعصابى زفت مش عارف ليه
المهم
الاستدعى ده جاى عليا عشان يعكنن علينا ولا ايه مش عارف
عادى بقى الحمد الله
انتو عارفين ايه المشكلة
ان احنا مش كفاية دخلنا الجيش لا لازم يطلعو عين اللى جابونا ويجيبو لينا استدعى كل سنه وساعات مرتين فى السنه
ليه مش معنى الناس اللى بتاخد تأجيل محدش بيعبرهم خااااااااااالص ليه أنا عايز حد يرد عليا
الاستدعى ده عمل معايا حاجات كتير
أولها انى لما لقيت شغل خلاص وبدأت فيه جه الاستدعى وسيبت الشغل ومش عارف هعمل ايه لما أخلص هرجع تانى ولا ايه
النهاردة جالى تليفون من مكتب سفريات انى ليا سفر السعودية مهندس انتاج حيوانى
طيب أروح ازاى بكرة والاستدعى بكره
:D
انا مش عارف انا بضحك ليه على حظى
ولا على حطنا كلنا عشان احنا فى مصر او بمعنى أصح تحت حكم موجود فى مصر
ربنا معانا كلنا
إدعولى
إدعولى
37 comments:
ربنا معاك و يعدي الجيش علي خير ان شاء الله
و ترجع تدون تاني و تلاقي شغل احسن من الي سبته
صلي على النبي واهدى كده
ان شاء الله يعدي على خير
وتلاقي شغل احسن
محدش عارف الخير فين
صدقني
محدش عارف الخير فين
ربنا معاك
معلش يا محمد
متزعلش نفسك قوي كدة
ربنا مش يبجيب حاجة وحشة
ومحدش عارف الخير فين
حاول ترضى بقضاء الله علشان ماتتعبش وربنا هايبقى معاك ويعينك ان شاء الله
ترجع بألف سلامة يا استاذ
نحن في انتظارك
خلي بالك من نفسك
سلام
ممكن أستغل المساحه دى واعمل اعلان صغير
16 نوفمبريا جماعه..مستنياكو يوم الجمعه الجايه الساعه 8 م..قاعة الحمكمة بساقية الصاوى
هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
تعالوا وقولوا للحبايب
السلام عليكم
خلي بالك من نفسك
لا اله الا الله
السلام عليكم
انا عارفة ان انهارده اول يوم ليك في الجيش وربنا يساعدك ويقويك واصبر وما تضايقش ان حصلك كذا موقف صعب ده بيكون امتحان من عند ربنا بيتليك بيه عشان يشوف مدي قوة ايمانك فياريت تصبر يا محمد وتصمد وذي ما قال ربنا في كتابه الكريم بسم الله الرحمن الرحيم واستعينوا بالصبر والصلوة وانها لكبيرة الا علي الخاشعين * صدق الله العظيم
لازم تصبر يا محمد وان شاء الله الفترة دي حتعدي علي خير بس اهم حاجه تخلي بالك من نفسك وتداوم علي الصلوة وقراءة القران فهما دول اللي حيفظوك وحيخففوا عنك .وابقي افتكرنا هناك لااله الا الله
November 11, 2007 9:58 AM
معلش يا محمد باذن الله ربنا هيعوضك من عنده باذن الله وان شاء الله ترجع بالف سلامه وترجع تكتبلنا من تانى بامر الله
المهم خليك قوى كل شئ مقدر ومكتوب
يا رب تكون بخير
وربنا يهون وتعدى الفتره دى
وان شاء الله كل اللى جاى يكون افضل
وحشتنا
تحياتى ودعواتى
ربنا يوفقك يارب
و يحفظك
ان شاء الله خير
ان شاء الله
تيجي بالسلامه بإذن الله
استعن بالله ولا تعجز
ربنا حيوفقك ويكرمك يا رب
ان شاء الله كله خير لأن أمر المؤمن كله له خير وليس ذلك إلا للمؤمن
تحياتي من ماناساس البلد
ربنا يقدملك اللى فيه الخير
بعد السلام انا انسان معرفش دخلت البلوج ازاي بس اللي اعلرفه اني دخلته عن طريق النت وبرضه معرفش صاحب بس لقيت حزين وشايل همه دايما وشوفتكم انتم بتنصحوه وتسعوة ممكن اكتب اللي في قلبي **********
اولا انا اعرف انسانه كلمت واحد من خلال الاتصالات وكده يعني بتعده قريبها اوصديق فالموضوع اتطور الي ما بعد ذلك ........... وحصل اعجاب بس هو عمره ماشافه ولا هي شافته وهي فتنصحوهم بايه
صديقك الفرعون الصغير
يا رب ترجع بالسلامة
ويرجعوك بسرعة
قلبى معاك ربنا يقويك
واسمع عنك كل خير
منتظرين رجوعك بالسلامة
ماتزعلش نفسك
كل حاجة حتاخد وقتها وتنتهى
والاستدعاء مش حيستكر للابد
قدر الله وماشاء فعل
اللهم اجرني في مصيبتي واخلفني خلفا خيرا منها
ما قدر ان يكون سيكون
ولا تزعل نفسك
ومتخافش ياسيدي
مش حنسيب بلوجتك لوحدها
الله يعينك ويقويك
والله بجد الاستدعا بتاع الجيش ده فعلا أنا باشوفه من أسخف الحاجات اللي بتحصل في بلدنا
لما الواحد يقضي فترة خدمته العسكرية عايزين منه ايه تاني مش فاهمة
الله يكون في عونك وربنا معاك
يمكن خير يمكن السفرية دي مش خير ليك ويمكن لما تطلع تلاقيها مستنية هي والوظيفة
ماحدش عارف الخير فين
ساعات احنا بنبقي شايفين اللي احنا فيه مش في صالحنا وهو بيبقي ترتيب من عند ربنا عشان خير كبير لينا
ربنا يوفقك
تحياتي
ربنا معاااااك يا أخينا
الجيش علينا حق
و خيرها فغيرها ربنا يوفقك
ربنا يوفقك يارب يا محمد
وربنا معاك ان شاء الله
وعسى ان تكرهوا شيئا وهو خيرا لكم
تحياتى
بجد وحشتنا وربنا يوفقك ومنتظرينا كلامك عن الحياة في الاستدعاء
بجد وحشتنا وربنا يوفقك ومنتظرينا كلامك عن الحياة في الاستدعاء
معليش ياباشا
قدر الله وما شاء فعل
وبعدين ياعم
دا الجيش للرجالة
وحشتنا
ها
ايه الاخبار
انا جاية اطمن على البلوج
نايمة
ومتدفية الحمد لله
وبتقفل الشباك عشان ماتاخدش برد
حمد لله علي السلامه نورت بلدكم دلوقت وكم ساعة انشالله حتنور البلوج كله مستنيين كلامك عن العفاريت وابقي خليننا نشوفك او او نلمح call me
أنــــــــــــــــا جيـــــــت
كفارة ياراجل كل سنة وانت طيب
عشري حبيبي انتا عارف ان الجيش كدا
وكمان حكايه ان في ناس بتاخد تاجيل كتير ومع ذلك بياخدو الاستدعا بعض لما يأدوا الخدمه هقولك انا ليه علشان العسكري الواحد بيكلف الجيش في اليوم الواحد 136 جنيه شوف هو هيعد اد اه بأ حرام وليه منا اجيب الاستدعا ناس مدربه وكمان هيخلصوا الكانتين منتا عارف وكمان كفايه ان شوفتك هناك سيبك انتا
حمد علي السلامه يعشري يجماعه عشري طالع من الجيش شاويش ماشي يشوايش متنساش حركه القطه
أنا مش عارف أقول ايه بس بجد انا فرحان جدا انى عرفت ناس زيكم بجد انا مكنتش اتوقع ان الاقى كل الردود دى بصراحة
بجد انا مش عارف ايه حتى وانا فى الجيش ناس كتير اتصلت بيا وبتتطمن عليا من يوم للتانى
بجد انا متشكر اوى ليهم لانهم كانو معايا فى أيام ما يعلم بيهم الا ربنا
أنا مش عارف من غيرهم كنت هعمل ايه
اما بقى ديشا حبيبي اللى كان معايا فى الجيش والاستدعى فده جديد يا رجالة على البلوجر يا ريت تدخلو عنده
عايزكم تشجعوه يعنى
وكمان انا ناوى أحكيلكم على اللى حصل معايا فى الاستدعى بصراحة خيال يا جدعان بس أستريح شوية وأشوف الشغل وهكتب كل حاجه
حمد لله على السلامة ياعم عبدة يامحتاس
يارب يكونوا اليومين بتوع الجيش عدوا على خير من غير عفاريت المرة دي
نورت بيتك ومطرحك وبلوجك
سلام وفي انتظار الحكايات
ألف حمد الله على السلامة
نورت بلوجك تانى كان مضلم
و يا رب اخر الأحزان
وكل سنة وأنت طيب
و سيبك من البلد بقى وإطفش
و ربنا يكرمك دوما
ويحقق لك كل امانيك
هههههههه
معلش قسمتك ونصيبك فى البلد دى
ان شاء الله تعدى ايام الاستدعاء بسرعة وربنا يكرمك بشغل احسن واحسن بعدها
دى كانت اول زيارة لمدونتك وان شاء الله مش الاخيرة
تحياتى
شيماء
ازيك يا عبده حمد لله علي السلامة اود ان تدخل مدونتي وتشوف اللي فيه وتزورني زي ما زورتك ونبقي اصدقاء ممكن انت واصحابك وادوني من فضلكم التعليق
www.bent-elfarana.blogspot.com
يارب تكون جيت بالسلامه
انا بس عاوزه اقولك حاجه صغيره كان المفروض تعرفها قبل كده
الكلام اللى انت بتكتبه فى البلوج عن الجيش و الحاجات دى اكيد هو ده السبب صح؟؟
انا كنت اعرف واحد كان بيكتب فى البلوج بتاعته بلاوى عن الجيش و جاله استدعا طبعا ده كان بسبب اللى بيكتبه فى البلوج
و طبعا هو مسح كل اللى كان كاتبه
يارب تكون بخير دلوقتى و طمنا عليك
عبرنا
ازيك يا عبده حمد لله علي السلامة اود ان تدخل مدونتي وتشوف اللي فيه وتزورني زي ما زورتك ونبقي اصدقاء ممكن انت واصحابك وادوني من فضلكم التعليق
www.bent-elfarana.blogspot.com
امين نسييت تقولي سلاموز
انا عارف انى اتأخرت اوى اوى اوى اوى
بس والله الشغل مبهدلنى
وانتى عارفه يا بنت الفراعنه كده كويس
انى مشغول علطول
انا هحكى ليكم على كل حاجه دلوقتى
سلام كبير اوى اوى اوى اوى لحودة باشا
الأستاذ الشنيور الكبير بتاعنا
Post a Comment