يا فرخة ما تمت آه والله فرخة
بمناسبة انفلونزا الطيور
أنا آسف انى لا بنزل ولا بدخل اى من البلوجات الصديقة
ولا بنزل بوستات جديده فى البلوج لانى بصراحى جبت آخرى
من كام يوم الحمد الله رجعت الشغل تانى فى شركة جديده وربنا فتحها عليا
ومن يومين كده جالى خبر نزل عليا كالصاعقة
دا أنا ملحقتش أفرح يا جدعان
هو فعلا المنحوس منحوس
يعنى منحوس ومحتاس فى نفس الوقت طيب ميكلوش على بعض خالص
المهم الخبر بقى يا شباب ويا شبات القرن
إن مصر حبيبتى الله يكرمها بلاش نشتم عشان حبايبنا
بتحبنى أوى أوى ومش عايزانى أبعد عنها قوم عملت ايه
جابت ليا إستدعى فى الجيش
شوفتو مصر بقى بتحبنى قد ايه
طبعا الشغلانة الجديدة راحت
و 21 يوم فى القرف تانى هيرجعو
قلولى أعمل ايه
أنا سلمت أمرى لله والحمد الله على كل شئ
بس أنا تعبت بجد
معتش قادر أكمل لوحدى عايز حاجة أسند عليها
تم بحمد الله
يا ريت محدش يجيب سيرة مصر قدامى
أنا آسف انى لا بنزل ولا بدخل اى من البلوجات الصديقة
ولا بنزل بوستات جديده فى البلوج لانى بصراحى جبت آخرى
من كام يوم الحمد الله رجعت الشغل تانى فى شركة جديده وربنا فتحها عليا
ومن يومين كده جالى خبر نزل عليا كالصاعقة
دا أنا ملحقتش أفرح يا جدعان
هو فعلا المنحوس منحوس
يعنى منحوس ومحتاس فى نفس الوقت طيب ميكلوش على بعض خالص
المهم الخبر بقى يا شباب ويا شبات القرن
إن مصر حبيبتى الله يكرمها بلاش نشتم عشان حبايبنا
بتحبنى أوى أوى ومش عايزانى أبعد عنها قوم عملت ايه
جابت ليا إستدعى فى الجيش
شوفتو مصر بقى بتحبنى قد ايه
طبعا الشغلانة الجديدة راحت
و 21 يوم فى القرف تانى هيرجعو
قلولى أعمل ايه
أنا سلمت أمرى لله والحمد الله على كل شئ
بس أنا تعبت بجد
معتش قادر أكمل لوحدى عايز حاجة أسند عليها
تم بحمد الله
يا ريت محدش يجيب سيرة مصر قدامى
32 comments:
الجيش للجدعان يا دفعه
بس و الله فعلا نحس
لا وانتى الصادقة ممكن يكون حسد
لة في ذلك حكمة وانت اكيد مش عارفها ومش هاتعرفها دلوقتي
ارمي حمولك على الله وحاول تخلي الشركة تستناك وان شاء الله الشغل مش هايطير ولا حاجة
خليك جدع وشجاع وربنا معاك ومعاك قلوبنا
لا حول ولا قوة الا بالله
يعني هيه مصر خلاص كله فيها تمام
ونقصا عليك ولا يمكن معتبرينك حامي الحما
ومن غيرك البلد تقع ويمكن تحتل
انا عايز حد عاقل محترم يقولي
الجيش ده لزمتو ايه بالضبط
كان الله في عونك
وهون عليك ايامك
معلش يا محمد ربنا معاك وصحيح خلي اي حد من زمايك اللي في الشركة يحل محملك لغايه ما تخلص بس كنت عايزة اعرف ايه هي الحاجه اللي عايزة تسندك
AS YOU LIKE
Shahy
الحمد الله على كل شئ يا شاهى هعمل ايه يعنى اللى حصل بقى
الشركة النهاردة اتكلمت معاهم ولسه هشوف بقى يوم الخميس الجاى
لا تقلقى انا جدع وشجاع
:P
...................
Ahmed al-hussany
شوفت بقى يا عم اهى مصر مستنيانى انا اللى هسند الجيش اصله بيقع
هو اه الجيش ملوش أى لازمه باللى بيحصل جوا
بس الجيش كاسم انه حامى مصر يعنى اى دولة تفكر انها تحارب تقف عند حدها لان مصر فيها جيش
والله يا عم لو مفيش جيش أهل مصر نفسهم هيحاربو وهنكسب
سيبها لله والحمد الله على كل شئ
انا سعيد بجد بزيارتك للمدونة
Anonymous
والله انا حاولت فى الشركة بقى وربنا يقدم ما فيه الخير
برضه بتقولى الجملة دى مش انا قلتلك انى مش بحبها
قلتيها دلوقتى برضه
ربنا يسهل بس لما أكلمك
أنا بجد مش بحبها
اما بقى بالنسبة للحاجة اللى عايزها تسندنى انى الاقى حد جنبى أخطب بقى وأتأهل بس إظاهر مش قريب بسبب اللعبكة اللى انا فيها دى
ربنا يقدم ما فيه الخير
يا ريت مش تقولى الكلمة دى تانى انتى فهمانى كويس اوى
مش عارفه اقولك ايه بس
هى حاجه تضايق حدا
بس مين عالم يمكن يكون خير
ان شاء الله بعد الاستدعاء حاتجيلك حاجه احسن ده امتحان
بس ان شاء الله حايحصل فرج
وحاباركلك ان الله مع
الصابرين
ربنا معاك يقويك
ويكتب لك الافضل
سلامى
والله في خير اهدى وارضى بالي اقسمه ربنا امال انا اعمل ايه يابني اتخطبت من هنا وخدوها على الجيش اربع عشر شهر بالتمام والكمال برضه قلت خير وخير كتير انت متعرفش تدبير ربك
قلبى معاك وربنا يعينك
بلدنا كويسة والله بس لكن العيب على الخلل الناتج من الناس اللى مسكينها
مايعملوا جيش بالتطوع ويدفعوا راتب للافراد
يعنى تبقى وظيفة بدل الخيبة دى
ربنا معاك ويقويك
منجبش في سيرة مصر ازاي
دي مصر ام الدنيا ... ومبتنساش اولادها في السراء قبل الضراء
ربنا يكون في عونك وان شاء الله تشتغل في مكان احسن بعد ما طبعا تقدم الواجب الوطني بتاعك هههههههه
يا حبيبتشى يا مصر يا مصر
يا حبيبتشى يا مصر يا مصر
يا مصصصصصصصصصصصصصصصر
تحيا جمهورية مصر العربية
مش عارفة ليه بس افتركت طابور الصبح فى المدرسة واحنا بنبقى نفسنا جدا ننام وللأسف لازم نقف فى الطابور ونحيى العلم قال يعنى هو مين يعنى
ربنا يقويك يا بنى
السجن للجدعان
وكفارة مقدما
والله يكون فى عونك يا منحوس محتاس افندى
ترجع لنا بالسلامة يا وليدى
تقبل عزائى
هبة
ايه الفقر ده
ايه يا محمد مش عارفين نفرحلك شوية يا اخى
عموما بردو ربنا يكرمك .. والسجن .. اصدى الجيش للجدعان :d
بس انت تفائل كده وتعشم فى الله خير وكل حاجة هتبقى تمام التمام ;)
والله انا عارفة اكيد حاجة تضايق طبعا انك تلاقي شغل وبعدين تلاقي استدعي من الجيش بس والله بجد متعرفش الخير فين ربنا ميسرلك ايه وبعدين الجيش للجدعان ابقى كمان على اخبارك
تحياتي وربنا يكرمك
ياعبدو
ما تقولش ايه اديتننا مصر...قول هندي إيه لمصر
هندي عمرنا و حياتنا ببلاش...عشان احمد عز و جمال مبارك ربنا يغنيهم كده من فضلة
فيها ايه يعني لمما انت تخش الجيش و مستقبلك يتأخر...امال مين الي هيخش الجيش...جيمي
مش يا أخي تستغفر ربنا كده و تستقبل الجيش وانت مبسوط....
اهي كلها ايام و هتعدي
ربنا معاك..و شكرا لمرورك بمدونتي
اسعدتني الزيارة
ياعبدو
ما تقولش ايه اديتننا مصر...قول هندي إيه لمصر
هندي عمرنا و حياتنا ببلاش...عشان احمد عز و جمال مبارك ربنا يغنيهم كده من فضلة
فيها ايه يعني لمما انت تخش الجيش و مستقبلك يتأخر...امال مين الي هيخش الجيش...جيمي
مش يا أخي تستغفر ربنا كده و تستقبل الجيش وانت مبسوط....
اهي كلها ايام و هتعدي
ربنا معاك..و شكرا لمرورك بمدونتي
اسعدتني الزيارة
مش انت اللي لعبت في جحر التعابين وقعدت تحكي وتقول حصلي وجرالي
ودهشور لاميه ولانور
يلا ياعم
طلعت راجل مبروك وسرك باتع
والله يامحمد وهترجع ايام العفاريت تاني
يلا الجيش للجدعان
وعلى رأي مها
ماتقولش ايه اديتنا مصر...قول هندي ايه لمصر
ياحبيبتي يامصر
يلا سلام بقا عشان هاعيط
صباحك عسكري يادفعة
محمد سمير
ياسيدى ولا يهمك باذن الله هتخرج وتلاقى شغلانة احسن منها
بس قول يارب
ازيك يا محمد
الحمدلله على كل الحال
وانت فدى مصر بقى
:))
معلش يا عبده ...تعيش وتاخد غيرها :ح
وان شاء الله الموضوع يكون رب ضارة نافعة
والخير ليك فى حاجة تانية ( وش مبلم )
تحياتى ليك و لمصر:p
Klmat
الله يكرمك يا ست أميرة
انا بقول الحمد الله على كل شئ انا والله ما زعلان ولا اى حاجه بالعكس انا بقول الحمد الله
:D
..............
قلوب حائرة
فيه فرق يا قلوب بحيث ان الخطوبة دى المفروض كانت تتأجل لغاية ما يعرف انه هيدخل ولا لا
لاكن المشكلة بقى فى الاستدعى
الحمد الله
ُEsmat
مينفعش جيش للتطوع
فكرى فيها كده ولو موصلتيش لحل قولى وانا هشرحهالك
:D
................
Green Eyes
ربنا يكرمك يا رب
ومش تخافى هنقدم الواجب
هبه
يا حبيبتى يا مصر
خلى مصر تنفعك يا رأفت
اهو رأفت مات من غير ما مصر تنفعه
صدقينى انا بقول كلام عن مصر وخلاص مش حقيقة
اللى جوا مصر اللى هم السبب
وتحياالأمه العربية
ثانيا يا ست هبه انا داخل الجيش 21 سوم مش السجن
عععععععععععععععع
..................
دعاء
ياااااااااااااااه انت فين يا بنتى انا قلت انك اتخطفتى ولا حاجه
عاملة ايه وايه اخبارك يا رب تكونى بخير
وانا والله متفائل لدرجة انى ممكن أنفجر من كتر التفائل
الحمد الله يا بنتى على كل شئ
أيامنا الحلوة
الحمد الله على كل شئ وانا والله ما زعلان ولا حاجه
خير ان شاء الله
..............
سكوت هنصوت
أولا انا اديت لمصر كتير حتى أكتر من رأفت الهجان
:D
وبلاش حته شكرا لمروركم على المدونة دى
يا ستى مدونتك هى مدونتى ومدونتى هى مدونتك والمدونات بتاعتنا بتاعت اللى بعدنا واللى بعدنا
انتى مين أساسا
:D
جزاكى الله كل خير وربنا يكرمك
محمد سمير
بقى كده يا ابو سمرة انت فرحان فيا ماشى ماشى
ليك يوم
هههههه
وحشتنا والله يا مان
...............
محمد
ربنا يقدم ما فيه الخير يا مان
سمارت
انا الحمد الله المهم انتى عاملة ايه فينك من زمان يا ستى
فدى مصر ايه وبتاع ايه هم هيدبحونى على العيد ولا ايه
................
نرمين
الحمد الله على كل شئ وربنا يقدم ما فيه الخير باذن الله
على فكرة وش مبلم ده الاختصار بتاعه
:|
صباح الخير يا محمدربنا معاك في الجيش ويساعدك المهم كنت عايز اقول حاجه هو الواحد لما يكلم حد كتير ويخلص رصيده ده يبقي ايه؟
يبقي عايز يطمن علي الشخص اللي بيكلمه وبرضه قلقان عليه
!!! الحدق يفهم بقي
ههههههههه
صباح النور يا ستى
خلاص يا ستى فهمنا
;)
على العموم ربنا يكرمك يا رب ويخليكي لينا
خلينا نشوفك بقى
:D
yمعلش يا محمد ربنا وياك يا رب باذن الله ومعلش هيا الدنيا كدة مش دايما حلوه على طول ساعة لك وساعه عليك صلى وادعى ان ربنا يكرمك ووقف ليك ولاد الحلال فى سكتك وربنا يثبتك فى عملك ويحفظهولك لو فيه خير وربنا وياك ان شاء الله
ربنا يخليكي يا هالة
ربنا يكرمك يا رب
السلام عليكم
انا عارفة ان انهارده اول يوم ليك في الجيش وربنا يساعدك ويقويك واصبر وما تضايقش ان حصلك كذا موقف صعب ده بيكون امتحان من عند ربنا بيتليك بيه عشان يشوف مدي قوة ايمانك فياريت تصبر يا محمد وتصمد وذي ما قال ربنا في كتابه الكريم بسم الله الرحمن الرحيم واستعينوا بالصبر والصلوة وانها لكبيرة الا علي الخاشعين * صدق الله العظيم
لازم تصبر يا محمد وان شاء الله الفترة دي حتعدي علي خير بس اهم حاجه تخلي بالك من نفسك وتداوم علي الصلوة وقراءة القران فهما دول اللي حيفظوك وحيخففوا عنك .وابقي افتكرنا هناك لااله الا الله
مهو لو كل الولاد قالو كده مين هيحارب؟؟نسرح المعيز يعنى تحاربلنا؟؟؟؟؟؟
Post a Comment