التاج وأول تاج ليا
الله يسامح اللى كان السبب
التاج ده متمرر ليا من الصديقة دعاء
وربنا يسهل ونقدر نجاوب عليه
نبدأ
انت مين ؟
إسمى محمد العشرى
مهندس زراعى كنت شغال فى مزرعة بقر بتاع بقر يعنى
عندى 24 سنه وبدور على عروسه :)
مين أكتر ست أشخاص بتحبهم ؟؟؟
والله أنا بحب كل الناس وعمرى ما كرهت حد فى حياتى
بس اللى بحبهم والدى ووالدتى وأخواتى وأى بنت صغنونة
أصل انا بحب البنات الصغنونة اوى
هل أنت سعيد ؟؟؟
أكيد الحمد الله أنا سعيد
لكن هبقى أسعد لو حلمى إتحقق وألاقى البنت اللى أقدر أحبها أكتر من نفسي
لو إجتمعت مع حسنى مبارك فى مكان واحد هتعمل إيه ؟؟؟
سؤال محرج جدا وبما إنى مليش فى السياسة هقولة والنبى يا حاج معكش اتنين جنيه سلف
وهو يفهمها بقى ونشوف هيعمل إيه
لو معايا مليون ونص أعمل إيه ؟؟؟
آه ه ه ه جينا بقى للسؤال الحدق
أولا نص مليون هعمل بيه مشروع زى مشروع صناع الحياه كده والدخل بتاعه هيبقى للناس المحتاجين بس
أما المليون التانى فهفتح بيه مزرعة بقر صغيرة
بتحب مصر ؟؟؟
مصر ... مصر
أنا متهيألى سمعت الكلمة دى قبل كده
حكم اللى يخش الجيش بيسمع كتييييير
مين أكتر شخصية متقدرش تستغنى عنها ؟؟؟
والله كان زمان فيه ناس كتير مقدرش أستغنى عنهم أبداً لكن فيه حاجه فى حياتنا إسمها الفراق ودى بجد أصعب حاجه قابلتنى وإفترقنا أما حاليا فمفيش شخص معين عادى بالنسبة ليا يعنى
إيه أكتر موقف محرج ؟؟؟؟؟
ههههههههههههههه
هههههههههههههه
كان من حوالى سنتين ونص كنت ماشى أنا والإنسانة اللى كنت بحبها فى الشارع ولقيت شوية عيال صغيرة ماشيين ورانا وفجأة طلعلى واحد وبيقول للعيال آه والله هو والله هو ده اللى كان ماشى مع فايزة إمبارح قلت له فايزة مين يا ابنى يلا إجرى آلاقى العيال اللى معاه يقولو آه هو والله هو ده اللى كان ماشى مع فايزة إمبارح قمت باصص ليها وقلت لها أوعى تصدقى انا أصلا مش من هنا والحمد الله انا فعلا مكنتش من البلد دى والموقف عدى على خير بس كنت حاسس ان الناس هتتلم عليا وتقولى فين فايزة لغاية دلوقتى بسأل نفسي هى مين فايزة دى
الأمنية اللى أنا أتمنى تحقيقها ؟؟؟؟
إنى اسافر بره مصر وأشتغل وأكون نفسي ,اتجوز الإنسانه اللى تستحقنى
التاج بقى يتمرر لمين ؟؟؟
نيهاهاهاهاهاهاها
جالك الموت يا تارك الصلاه
أنا بقى ليا مزاج أمرره لناس كتير منهم
Nony
Shahram
Shahy
Doba
Ro7
كان نفسي بقيت الناس بس ملحوقة محدش يقلق نيهاهاهاهاهاها
63 comments:
ما انت شاطر اهو وجاوبت :d
وعلى طول كمان ما شاء الله
انا فضل متحنط عندى حوالى اسبوعين لغاية ما جاوبته :d
يلا برافو عليك بقى :d
على فكرة انا كمان كنت هامرره لنونى :d
فكده بقى تاج فى اتنين ;)
انا عاوزة اعرف ودلوقتى حالا مين فايزة دى - انطق قول - لالالالالالالا انا مش هتسطعبط عليا زى اللى كنت بتحبها - قول قول وانا مش هضربك
هو ليه كل الشباب كده عاوزين يسافرو بره - الواحد ليه ميطلعشى عينه هنا بدل ميتمرمط بره - الشاب بيكون عنده القبول انه يغسل اطباق وحمامات فى الغربة وميعملهاش هنا مع انه هيقبض فيها مشبطال يعنى - بس مدام هو بعيد عن الأنظار ممكن يعمل اى حاجة - بس والله انتو برده معزورين ومش قادرين تحققو اللى جواكو - يلا اهو كله مكتوب وهنشوفه
ربنا يرزقك يا سيدى باللى تستحقها ومشكرين خالص خالص عالتاج - كده جالى منك ومن شنكوتى ومفيش مفر - لازم هنرد عليه
تحياتى وسلام يا صاحبى - ده من يوسف
سلالالالالالالالاموز - ده منى -- هبة
ايوة انت اللي كنت ماشي مع فايزة
انا شفتكم بنفسي
اولا
دمك زي السكر
ثانيا
شكرا لانك بتسأل عليا انا والعيال وابوهم على طول ونجاملك في الافراح ان شاء الله
ثالثا
حكاية التاجات دي كانت مجنناني كل ماادخل مدونة والاقي فيها الناس بتبعت لبعض تاجات ومفيش حد معبرني يا عبدة يا اخويا بس الحمد لله اللي بيصبر بينول وجالي التاج من الاستاذ محمد العشري بنفسة
رابعا
انا لسة عند ماما وكويسة الحمد للة ومش زعلانة مع ابو الدراويش
اصل البواب اتصل بيا وفاكرني غضبانة
خامسا
هاحاول ادخل المدونة وانضفها من العنكبوت علشان خاطرك
سلام سلام سلام
السلام عليكم
ازيك يا محمد
مبروك التاج ياسيدى
حلوة اوى اجاباتك
وبعدين انت شكلك بتحب البقر اوى
حاول تخفف من الحب دا احسن يقلب معاك بجد
وابقى خالى بالك من فايزة دى بنت حلال
احمد ربنا ان العيال معملوش مظاهرة وزفة وقالوا بتاع فايزة اهووووووو
ياخبر
كان هيبقى حتة موقف
:p
تحياتى
اجاباتك ظريفة ودمك زى العسل
Koka
امال ايه يا بنتى دا انا كنت بقعد فى آخر الفصل
وايه برافو عليك دى هو انا كنت بمتحن لسنه خمسة ابتدانى
:P
نونى دى اللى انتى مش تعرفيه أختى
........................
Doba
والله يا بيه ما أعرف مين فايزة بس تصدقى أنا نفسى اعرف مين فايزة بجد :P
اقولك انا عايز أسافر ليه هنا خلاص يا هبه معدش فلوس زى زمان انا واحد دلوقتى عايز أكون نفسي عشان اتأهل بقى بره التخصص بتاعى مطلوب وبمرتبات كويسه ادعيلي انتى بس ان ربنا يسهلها عليا إن شاء الله
يوسف بنفسه بيسلم عليا دا انا مش عارف أتكلم من الفرح رربنا يخليهولك يا رب
Shahy
اخيرا ظهرتى على الشاشة
بجد انتى شوفتينا يا كسوفى
طيب هى حلوة قولى بس ومتخبيش عليا
اولا الله يخليكي دا بعض ما عندنا :P
ثانيا دا واجب عليا يا ستى
ثالثا أى خدعه على التاج بس جاوبى عليه
رابعا ربنا ميجبش زعل بإذن الله دا أبو الدراويش زى العسل والله
خامسا يا ريت والله بالذات العنكبوت اللى فوق على الشمال شكله مرعب بجد حاسس انه هيقرصنى وأتحول لعبدو العنكبوت
...............
حدوته
الله يسلمك انا الحمد الله بخير
الله يبارك فيكي
انا فعلا بحب البقر جدا بس متخفيش لما ابقى الاقى بنت الحلال هتاخد كل حبى
الحمد الله فعلا ان انا متزفتش فى الشارع كا شكلى هيبقى جامد بجد
الله يخليكي وربنا يكرمك
جزاكى الله كل خير
هههههههههههههههههههههههه
ههههههههههههههههههههههه
فطستنى من الضحك
ينهااااااااااااااااااااااااااااااار
ال فايزة ال
انا لو مكانك كنت بقيت شربه اصلا
تستحقك مرة واحدة دا ايه الغرور دا :P
رينا
يااااااااااااااه انت فين من زمان حمد الله على السلامه اخبارك ايه دلوقتى يا رب تكونى بخير
انا بجد فرحان انى خليتك تضحكى
بس آخر جملة انتى قلتيها انا مش فاهما
ههههههههههههههههه
احلى حاجه فايزه
لا شوف مخ العيال وصل لحد فين
حلو التاج واجاباتك صريحه
ههههههههههه
والله بجد انت مهندس زراعي
ومتخرج من كليه زراعه
اصل انا في كليه زراعه برضه
وبجد مخنوق من الكليه دي موووت
ومش عارف انت اشتغلت ازاي هي دي كليه ليها فرص عمل
السلام عليكم ورحمة الله وبركاته
بصراحة اجاباتك واسلوبك
بيعكسوا شخصية لذيذة اوي
وبعدين يا عم لو محتاج 2 جنيه
بلاش تحرج الراجل
افرض معهوش مصري
ولو على فايزة ولا يهمك
البلد كلها مشيت معاها
وربنا يوفقك ويكرمك بفرصة سفر كويسة وتكون مجزية
وتستحق الغربة
وفوق البيعة
توفق للي تستحقك
بس الاول
فايزة تمضي على التنازل
عن حقها فيك
انت بتقول انك عايز واحدة تستحقك
انا بئا شايفاها غرور :P:P
فين فايزة ياعبده اعترف احسنلك
اوعى تكون خبيتها في المزرعة
وبعدين مش عيب تمشي مع واحده اسمها فايزة
دا اسم انقرض من زمان ياراجل
:)
محمد سمير
اسكندرانى اوى
الله يخليك يا مان
وانا سعيد بزيارتك الاولى ليا يا ريت تتكرر بقى
.........................
شاب نفسه يحقق حلمة
ازيك يا باشمهندس
طيب انت قسم ايه قولى بس ولما تتخرج ان شاء الله نبقى نشوفلك شغل
شكرا لمرورك
ما علينا
وعليكم السلام ورحمه الله وبركاته
الله يخليك يا مان
بصراحة انا محتاج فعلا 2 جنيه بس انا عايزهم من الراجل ده مليش دعوه
فايزة دى كانت تجربة وخلاص بقى :P
بالنسبة للتنازل بتاع فايزة سهل نعرف نضرب امضيتها
..............
رينا
انا مش مغرور ولا حاجه بس واثق من نفسي شوية
محمد سمير
والله يا بيه ما اعرفها طيب تعالى وفتش بنفسك المزرعة مليانه فايزة من أساسه:D
انقرض ليه يا مان ما هو زى الفل اهو
:P
السلام عليكم
طيب اعمل اية
حرام عليييييييييييييييييييك
انا لسة طالعة من تاج
طولة تلاتة متر ورحمتك منة ومش
رضيت امرره ليك
عموما هيغفرلك الضحك اللي ضحكتة
علي موقف فايزة بس منظرك كان
بشع ادام البنت وهي بتبصلك
وبتقول في عقل بالها دة بتاع بنات
وكل يوم مع فايزة قصدي مع واحدة
هههههههههههههههه
Ro7
وعليكم السلام ورحمه الله وبركاته
ياستى انتى بتقولى طالعه من تاج 3 متر خليهم بقى 3.5 متر دا انا التاج بتاعى صغير يعنى دول 10 أسئله سهلين بس انا عايز سرعه بس
أما حكاية فايزة دى كانت زمان
الحمد الله على كل شئ
الحمد الله
ايه يا عم
ايه حكاية يا مان دي
خليها يا وومان بقى
انا اختك ماعلينا مش اخوك
عندى تاج تعالو جاوبو عليه - يلا بسرعة قبل مأى حد يسبقكم
مستنياكم
هبة
في اية يا عبدة
قلقتني جدا
اول لما تقدر تدخل تطمني على طول وربنا معاك
ويعديها على خير ان شاء الله
سلام
السلام عليكم
فين فايزه يا عم؟
ههههههههههههههههه
---------
اجاباتك مركز فيها
وفيها ذكاء واضح
احييك
وان شاء الله اداوم المرور هنا
مفيش اخبار جديدة؟
يا مسهل
اديني مستنية
طيب انا هامشي دلوقت وابقى اجي تاني
سلام
انا كويس
ايه يا عم الحلاوة دي يا عوبد
كومنتات و معجبين و دلع على الاخر
ماتباصي حاجة لاخوك الغلبان
ولا اقولك
تعالي علق عندي عشان تشهر البلوج بتاعي منتا خلاص ربنا فتحها عليك
بعدين ارحمني بقى يا اخي ده \
انا لسة داخل مدونة يابانية امبارح لقيتك سايب كومنت هناك
ايه يا عم الانترنشينوال ارحم
الحمد لله انك كويس
بس انا عاوزة تفاصيل اكتر
وكمان مبتردش عليا
ماشي ا سيدي
عجباني قوي الاغنية اللي انت حاططها
السلاااااام عليكمممم
ايه دا هى عدوى التاجات انتقلت عندك برضو..ياللا تعيش وتتاج تانى:D
بعدين عاوزين نبحث فموضوع مصر دى اللى بيسألو عنها..اكيد جوجل عنده الخبر اليقين:D
وبتحب البنات الصغنونة كمااااان
طب والله كويس- ياللا ربنا يرزقك ببنت كبيرة تجيبلك بنت صغنونة:))
وبم اننا زملاء فى التدوين يعنى لو ربنا كرمك كدا وعبرت الحدود ماتنساناش معاك
لانى بفكر انا كمان فى خطة للهروب الكبير من البلد دى
بلدنا مش طايقانا ولا احنا طايقنها
نقعد فيها ليه انا مش عارفه:D
ونكتفى بهذا القدر
الى لقاء فى تاج اخر:))
طبعا أنا آسف انى اتأخرت عليكم فى الرد او دخول اى مدونه من اللى انا بحبهم
بس بجد مكنتش بايدي
كانت ظروف نفسية أسوء ظرف نفسي مر فى حياتى وخير الحمد الله عديناه :) وربنا يسامح اللى كان السبب
فينك يا عوبد
اولا بحب أشكر اختى وهى فعلا اختى شاهى على سؤالها الدايم عليا ربنا يخليكي لينا يا ام الشينيور
ما علينا
أنا بجد كنتى بحسبك مان معلش غلطة مطبعية المرة دى اوكى يا وومان ;)
سعيد بزيارتك فعلا مش عوبد
:D
...............
Doba
لا ارحمينى انا من التاج ده بجد انا مش هقدر اتكلم اكتر من كده
قلبى قلبى قلبى قلبى
طيب اكتبها ازاى دلوقتى ان قلبى وقف
يلا مش مهم قريب يا هبه هنشوف التاج عشان متزعليش مننا يا ام يوسف
Shahy
بجد مش عارف أقول لك ايه على سؤالك عليا
كل اللى اقدر اقوله انى متشكر جدا على السؤال ده دا اقرب الناس ليا محدش سأل فيا
..................
Mohand
وعليكم السلام يا مهند بصراحة انا نفسي اعرف فايزة مين من أساسه بس يلا خير حصل خير يا مان
بصراحة المدونة بتاعتك جامده يا مان اوعى تبطل تكتب بجد مش عارف اقول ايه بس انا سعيد بزيارتك ليا اوى
Shahy
مش عارف أقولك إيه بس بصراحه نفسي أشوف البت الجبارة ام 3 سنين بعد الحلقة الجديدة :D
..................
عبده محتاس
أنت كويس طيب يا راجل ما تقول كده من الأول
شهرام
إيه يا عم الحقد الطبقى اللى فى قلبك ده يا عم سيبنا نعيش بقى حرام عليكو مليتو البلد
:P
يابانية ايه يا ابنى دا صينيه بس انت عارف اختلاف اللغة
.......................
Shahy
والله بالنسبة للتفاصيل مقدرش أقولها على الملئ كده موقف صعب مش سهل للدرجة اللى اى حد يتصورها بس الحمد الله تمام دلوقتى
صرصارة هانم
كل اللى أقدر أقوله ان بجد بجد بجد دمك زى العسل يا بنتى انا عايز شوية والنبى
ويا ريت فى كيس اسود عشان انتى عارف الحقد اللى فى قلوب الناس
بجد كل كلمة انتى بتقوليها سواء رد أو فى البلوج عندك بقعد أضحك زى المهيسين مش عارف ليه هو يمكن عشان كلامك حلو ولا عشان انا اللى مهيس
يلا خير بكره نعرف
وانا بقول انا بحب البنات الصغيرة
ماشى
تقدر تبعتلي ايميل يا استاذ عبدة علشان بجد عاوزة اعرف اية الحاجة اللي زعلتك اوي كدة
حشرية بقى تقول اية
اجاباتك حلوه ويارب تحقق كل امانيك
تحياتى ليك
حمد الله على سلامتك :)
ويا رب متتكررش تانى المواقف دى ..
Shahy
مين اللى قال انك حشرية بس يا شاهى لاو الله دا انتى سوسة بس بس عادى انا مش هخبى عنك حاجه بس انتى بتقولى ابقى ابعته ليكي فى ايميل بس هياخد وقت طويل اوى ليه بقى
أولا انتى مش ليكي ايميل اعرفه عشان ابعت ليكي الحكاية هقوم اعمل ايه بقى
هنزل بكرة الصبح اشترى شوية فحم وشوية بخور ومستكه ولبان دكر :) عشان اقعد احضر بقى الجنب وبتاع عشان أعرف اجيب الايميل بتاعك فان شاء الله ربنا يسهل بقى وهبعت ليكي الايميل بس لما العفروت يجيبلى الايميل بتاعك
أى خودعه
:P
شمعة أمل
انا سعيد بزيارتك الأولى ليا ويا ريت تتكرر
ويا رب أمنياتنا كلنا تتحقق
آمين
.......................
Koka
الله يسلمك يا دعاء ومتخفيش يا ختى مش هتتكرر باذن الله طول ما انتو كلكو معايا بجد
Shahy
اوكى الايميل وصل بس انا مسحت الكومنت بتاعك عشان مش يحصل ليكي مشاكل لو حد ضافك يعنى او اى حاجه اكيد انتى فاهمانى
;)
باشا التاج التاني بتاعك عندي
اتفضل بالشفا
محمد سمير
الله الله الله
43 كومنت
و الله عال يا عوبد
معجبينك كترو يا جاحد
و لا حتى بقيت تصبح
ده انا غيرت صفحة الكومنتس عشان و بقت خفيفة
صاحبك شاه و حبيبك ترميه كدة
احب اسلم عليك و اسأل عليك يا صاحبي
و بهديك اغنية لمطرب بكره بس الاغنية عجبتني
تامر حسني
ارجعلي
انا تعبان من غيرك
وسلام مؤقت
و ايه الظروف اللي كانت عندك طمني عليك؟؟؟
اشوفك بليل اونلاين و نتلكم براحتنا بعيد عن عيون الغرباء
سلام
بس برده مؤقت
صحيح
=====
الواحد المقطقط بيسلم عليك و باعتلك بوسة على بوقك
فرصة سعيدة
اوروفوار
محمد سمير
ايه يا عم تاج تانى طيب انا هبقى اظبطه بس لما ارجع باذن الله من مشوار كده بكره وربنا المسهل
.................
شهرام
انا عايز اعرف ايه كمية الحقد اللى فى قلبك دى يا مان بلاش حسد بقى
اما بالنسبة للمشكلة اللى كانت عندى اتحلت الحمد الله
شكرا على السؤال يا اخ شهرام
.................
طهقانة
وإنتى من أهلة
انت مش هاتشيل التاج دة وتكتب حاجة تانية
هانستنى الجديد
سلام
انسانة كتبت البوست التالي في مدونتها وانا نقلته هنا بالنص
شيماء .. بنت مصرية عندها 28 سنة مصممة جرافيك ، عرفتها فى شهر يناير تقريبا .. دخلت عندى وكتبت فى الشات بوكس وابدت اعجابها بمدونتى ، زورتها فى مدونتها ولاقيتها فنانة زوقها عالى وكتابتها حساسة جدا، لما تدخل عندها البلوج تحس انها مدونة اختك او حد انت تعرفه كويس ، بنت مصرية محبة للحياة اوى والابتسامة مش بتفارق وشها .. جميلة ومتفائلة ودمها خفيف وذوق ، مكنتش بتابع كل مواضيعا للأسف عشان ظروف الدراسة وكدة .. بس هى كانت دايما بتابع كل مواضيعى تقريبا وعلى طول تسأل عنى وتدعيلى .. ولو جالها تاج الاقيها مهتمة انها تبعتهولى ... رغم اننا منعرفش بعض بشكل شخصى مكنتش تنادينى غير بـ " أجمل إنسانة " ..ه. بعد هوجة المذاكرة والإمتحانات إكتشفت انها مش على الساحة خالص .. إتخفت تماما .. حتى موضوع مبنى الحجيم اللى معظم الناس علقت عليه لاقيتها معلقتش .. لا عندى ولا عند غيرى ، ساعتها كانت جاية على بالى قوى ونفسى اطمن عليها ، بس للأسف كنت مضيعة اللينك بتاعها واخيرا عترت فيه ولاقيتها كاتبة بوست وبتقول:هغياب لاجل يعلمه الله حقيقى وحشتونى جدااااااومش عارفه هتوحشونى لحد امتىلكن كل اللى متأكده منه انى محتاجه دعواتكمالتجربه الصحيه اللى بمر بها مش بسيطهاذا ربنا كتب لى الشفاء منها هاحكى لكم عنها بالتفصيلتحياتى لكم كلكم.اتخضيت عليها جدا .. معقولة تبقى جاية على بالى لأنها تعبانة وفيها مكروه؟؟ .. لا حول ولا قوة الا بالله كتبتلها تعليق وسبتلها ايميلى وطلبت منها تطمنى عليها ردت على التعليق وقالت:همش عارفه اقولكم ايه .. حقيقى اكتشفت قد ايه وحشتونى وقد ايه بحبكم وعشان كده كلمة شكرا ليكم قليله انتوا بدعواتكم والبوستات اللى اتعملت عشانى خففتوا عنى كتير ربنا يخليكم ليا شكرا يا عمرو،انسانه،كوكو،بندقة،القادم اجمل،وحيد،فنان،محمود على،شاه .. واتمنى لكم دايما كل خيروردت على الشات بوكس وقالتلى:ه اجمل انسانه الله يسلمك يا حبيبة قلبى والف شكر على سؤالك علياانتظرت انها تضيف إيميلى عشان اطمن عليها بس محصلش ، فتحت النهاردة الإيميل بتاع المدونة ولاقيت ايميل ضايفنى وصاحبه اون لاين .. سألت مين معايا؟؟ .. قالتلى هوندا، سلمت عليها وكدة .. وقالتلى معلش ياياسمين مش حقدر اتكلم ولا اتعرف عليكى دلوقتى لإن حالتى كرب خالصلسة حقولها ربنا يفك كربك وخير فى ايه؟؟ .. لاقيتها بتقولى تعرفى ان شيكو ماتت؟؟ مصدقتش اللى بتقوله .. اكدتلى ان اخو شيماء كاتب فى البلوج خبر وافتها .. روحت ولاقيت التعليق ده: هأحمد صفوت said...السلام عليكم أنا أحمد أخو شيماء(شيكو) صاحبة هذه المدونة .. أعزائي ضيوف المدونة أعلمكم بأن شيماء توفيت إلى رحمة الله تعالى ليلة النصف من رجب وكانت قد أوصتني أن أعلمكم بهذا الخبر وأن أسألكم أن تقرأوا لها الفاتحة وتدعو لها بالمغفرة والرحمة ونظرا لعدم معرفتي بكلمة المرور الخاصة بها فقد دخلت وكتبت هذه الرسالة ضمن التعليقات أقسم عليكم بالله أن تدعو لها .. رحمك الله ياشيماء وأسكنك الفردوس الأعلى .. موعدنا الجنة إن شاء الله.إنا لله وإنا إليه راجعون اللهم أجرنا فى مصيبتنا واخلف لنا خير منها شيماء توفت يوم السبت اللى فات بعد ماخفت من مرضها .. توفت قضاء وقدر ، كانت بتسلم على كل اصحابها وزمايلها فى الشغل وقرايبنا وكأنها حاسه باللى هيحصل ، كانت مخططة تروح عمرة وكانت بتصلى حتى وهى فى المستشفى ، كانت ثابتة ومتماسكة وكانت هى اللى بتحاول تصبر اللى حواليها توفت وهى عندها 28 سنة ياجماعة .. لا اتخطبت ولا اتجوزت ، توفت بعد ما خفت من مرضها سبحان الله .. عشان نعرف ان كلنا ممكن نبقى فى نفس موقفها وان الموت مالوش اسباب ولا له سن معين وكم من فتى امسى واصبح ضاحكاً .. وأكفانه فى الغيب تنسج وهو لا يدرى انا فقدت اخت عزيزة جدا عليا والمجتمع التدوينى كله فقد مدونة من المدونات المحترمة جدا .. وببلغ تعازيا وتعازي كل المدونين لأهلها .. ربنا يفرغ عليكم صبرا .. يارب آمين. ربنا يرحمك يا شيماء .. اللهم ياجامع الناس ليوم لا ريب فيه إجمعنى بيها فى الفردوس الأعلى .. يارب انا معرفهاش شخصيا بس أشهدك انى احبها فيك .. يارب كما احببتها فيك أسألك وأقسم عليك بعزتك وجلالك ان ترحمها وتغفرلها وان تجعل قبرها روضة من رياض الجنة وان تبدلها داراً خيرا من دارها واهلاً خيرا من اهلها وتغمدها برحمتك وكرمك يارب العالمين .. يارب انها بين يديك الان .. يارب ارحمها واغرفها لها وتجاوز عن سيئاتها .. يارب انها فى دار الحق ونحن فى دار الباطل .. اللهم ارحمنا إذا صرنا إلى ما صارت إليه .. يارب افرغ على اهلها صبرا .. يارب صبر أمها واجمعها بكل من احبت فى الفردوس الأعلى فى صحبة سيد الخلق عليه الصلاة والسلام. اللهم ارحمنا جميعا فإنك بنا راحم .. ولا تعذبنا فإنك علينا قادر .. اللهم ارزقنا من يترحم علينا بعد وفاتنا .. يارب اخرج الدنيا من قلوبنا وازهدنا فيها ..اللهم إنا نعوذ بك من طول الأمل والتعلق بالدنيا .. اللهم إنا نشكوا إليك سؤ نفوسنا .. يارب اهدينا .. يارب اهدينا لأقرب من هذا رشدا قبل فوات الأوان يارب يارب استجب .. يارب استجب .. آمين آمين آمين .. وصلى الله على سيدنا محمد وعلى آله وصبحه وسلم أسألكم جميعاً الدعاء لشيماء ولكل موتى المسلمين
اللهم ارحمها وأحسن لها واغفر لها ذنوبها واعف عنها
أنا اعرفها من زمان لكن مش شخصيا وزرتها مرة او اتنين في مدونتها زمان وانقطعت فترة لأعود فأجدها قد رحلت
لست أدري لم لم أبك فورا لكني انتحبت بشدة بعدها
لماذا نبكي مع الموت؟ ولماذا لا نتذكره الا بفقد الأحبة
يبدو أننا لا نتعظ ولن نتعظ الا عندما يأتينا ذلك الزائر الحتمي
تذكرت جدي وكل من مات ممن أعرفه ومن لا أعرفه وكل من يموت يوميا بضجيج هائل او على سريره في هدوء قاتل فوددت أن أبكيهم جميعا:
بكاء:
يا من فارقتني أمس واني اليوم أبكيك
أبكيتني وعز عليا بعدي أن ألاقيك
رحلت عني وتركتني وحدي مناجيك
كنت أدعو الله في صلاتي أن ألاقيك
وأن يجعلني في كل مصيبة حاميك
ومسريا عنك ومن حزن مداويك
أو من ألم أو جراح عله يشفيك
لكنك أبيت الا الرحيل تاركا أثرا
يسألني بعده الناس ما فيك؟
عجز اللسان وصار دمعي يناديك
هل من مجير في مصيبتي تلك
أو هل من يقول تعال أواسيك
رحلت بجسد وفي قلبي مرائيك
بعدت عن بائع لك وعن شاريك
لتلقى رب الكون بوجه ناصع
وتسعد بلقيا رب الخلق باريك
ونحزن على فراقك اليوم وغدا
تنسى العين والقلب بالذكرى يبكيك
ثم يأتينا ذلك الزائر هو من أتاك
علنا به نسعد وفي جنة نلاقيك
في الفردوس باذن الله مكاننا
وعلى أصحابها صلوات وتبريكا
حيث السعادة كأس لابد شاربها
ومن أنهارها لابد الله ساقيكا
رحم الله موتى المسلمين
نفسي أشوفك يا عبدو
يا بنى اعترف
انت اللى كنت ماشى مع فايزه
الا هى فين فايزة
قتلهتا واخفيت الجثة
السلام عليكم
عبدو محتاس اكراما ليك بس هجاوب
علي التاج بس ليا طلب عندك
بصراحة انا عايزاك تغير صورة
الشخصية او الرمزية لانها مش لطيفة بجد
وكمان انا محبش حد يدخل يعدل عليك
ولا يقولك اعمل ولا ماتعملش
احب ان مدونتك تبقي برفكت دايما
علي فكرة انا بتكلم من عشمي
وطبعا دة شيء يرجع لك وتحياتي
ويلة بقي منتظرين البوست الجديد
فييييييييييييييينو
هههههههه كنت ناوية اشوفلك عروسة بس بعد موضوع فايزة ده مش مطمنلك شكلك تعرف ناس كتيرة وبتتلخبط وبامانة انا اخاف على مستقبل البنت بنتي اللي لسة مجتش بس لو كنت صريح وقلت مين فايزة دي وبصراحة كده ممكن اشوفلك عروسة
اجاباتك جميلة
وخفيفة زي العسل
وكل تاج وانت طيب
تحياتي
فين الجديد ياعم يابتاع البقر
محمد سمير
هاخد التاج يا مان بس شوية كده بقى عليا
................
شهرام
أبو الحقد الدولى وصل يا رجالة ايه يا ابنى سيبنى فى حالى بقى
وانت تعبان وانا مالى ومش هرجعلك
:P
Shahy
لا هشيله دا انا عندى حته قصة اصبرى بس عليا
...............
The Groom
لا تعليق ورديت فى البلوج عندك
قطة الصحراء بتاع فاجوس
طبعا انا بهزر معاكى يا ريت هزارى يبقى خفيف عليكي
المهم فايزة
انا والله ما قتلتهاش يا بيه
......................
روح
ربنا يكرمك يا رب
علم وجارى التنفيذ
قلوب حائرة
لالالا انا والله تمام ولا مشيت مع فايزة واى اى حد بس هاتى ليا عروسة بس على زوقك
انا مستنى اهو مش ماشى
......................
أحمد الحسينى
الله يكرمك يا مان
وسعيد بزيارتك ليا
truelove
ما بلاش تسييح ليا بقى آه انا بتاع بقر وبحب البقر جدا جدا جدا
اما بالنسبة للجديد فهو جارى التنفيذ يا باشا
يعنى بتقطمنى عند شاهى - ماشى ماشى
الله يسامحك - انا كل يوم ادخل المدونة اشقر وملقيش حاجة وعلى فكرة انا اشترت 3 علب سجاير بحق العناكب اللى لميتها من المدونة - ده حتى المدونون كانوا هيبلغو عنك وزارة الصحة خوفا من تفشى العناكب وانا منعتهم وبعتهم وجبت بحقهم شيكولاتة ليوسف ييييع
انت اللى كنت غايب والله وحسيتك متضايق لمشكلة ما - وحبيت بس احترم الفترة دى لغاية ماللمض بتاعنا يرعلنا تانى محتاس اكتر واكتر
هستنى القصة الفظيعة المريعة الجديدة يا بيه يا بتاع فايزة
سلالالالالالالالالالام يا صاحبى
هبة
جامد موضوع فايزة ده
هاهههههههههههههههههههههههههههه.انت شكلك بتقع فى كل موقف والتانى انما ايه عسسسسسل. بس عموما ربنا يكرمك ان شاء الله وتحقق كل اللى تتمناه انت وكل الناس ان شاء الله
لا بجد انا مش قادر اقول غير شاطر شاطر
يا رب تتجوز و تسنريح نفسيا من ناحية الحب و تلاقي الشغل اللي نفسك فيه و يسترك
ازيك يا بتاع فايزة ايه حكايتك دا انت بقي فلانتينو فايزة ..............الخ المهم بصراحة دمك وشخصيتك بيظهروا من خلال اجوبتك بانك شخصية لذيذة ومرحة
*وربنا يرزقك ببنت الحلال عشان تريحنا بقي وتلاقي معاهم الحب اللي تستحقه بس
أولا شوف نفسك واسال نفسك انك في الاول انسان جدير بالحب وحتي ايه لحبيبتك قبل ما تدور علي انها تكون تستحقك ولا لاء اخوك في الاسلام الفرعون الصغير
Post a Comment