الإدمــــان
الموضوع ده جه فى دماغى بعد ما شوفت ليله صعبة اوى عليا امبارح .. موضوع مهم جدا لينا كلنا سواء بنت او ولد انا هحكيلكم القصة اللى حصلتلى امبارح وعايز اعرف مين السبب ؟
كنت قاعد اتفرج على فلم رعب امبارح بعد ما صليت الفجر لقيت الباب بيخبط الساعه 5 الفجر استغربت قلت يا رب خير
جارتى : تعالى تعالى بسرعه
أنا : متسمر على الباب طيب فيه ايه الأول
جارتى : تعالى بس بسرعه وطلعت تجرى
أنا (فى سرى) هى الوليه دى هبلة ولا ايه قمت رايح جارى وراها وكنت لابس شورت وفانلة قط .
ببص لقيت البيت عندها متكسر وبلاوى زرقها وواحد بيخطرف جوا على السرير أنا قلت انه حرامى وضربته بالسكين وبيموت كنت هجري بس ببص لقيته جوزها
أنا : هو ماله ؟
جارتى : أصل كان بيشرب مخدرات ( أنا كنت عارف من زمان كده يعنى ) وبعدين هو بيتعالج دلوقتى وبياخد دواء مهدئ للأعصاب
أنا : طيب سبينى معاه
بصراحة انا كنت خايف فى الأول انه يضرب او يعمل اى حاجه طبعا لانه مش فى وعيه ابدا بس ببص لقيته يا حول له ولا قوة رفيع جدا وخاسس مش ده الراجل بتاع زمان المخدرات بهدلته خالص فضلت قاعد معاه انا وابنه عشان لما بيقوم من على السرير بيقع وبيتخبط دا راسه كانت مفتوحة من الخبط قعدت معاه انه ينام ابدا طيب وبعدين يا عمونا نام بقى وارتاح وريحنا ابدا كل شوية ينام على السرير ويقوم تانى يطوح مش عارف ينام خالص حصل بقى شوية مفاجآت منها
هو : هى فين ؟
أنا : هى إيه ؟
هو : الطمطماية اللى كانت هنا
أنا : آه انا اخدتها وكلتها
هو : طيب
وبعدين ينام ويقوم صاحى ويعمل حاجات غريبة كده مكنتش وقتها عارف اضحك ولا اعيط
هو : هى فين ؟
أنا : هى ايه تانى ؟
هو : كباية الشاى
انا : اه انا بعملها على النار اهو
شوية كده .... وبعدين لقيته قايم فرايح اسنده وعلى غفلة ومش واخد بالى لقيت طخخخخخخ لغاية دلوقتى ايديه معلمة على وشى حته قلم ودانى صفرت علطول قلتله معلش قمت ماسكة ومنيمه تانى طلعت من الأودة ومش عارف اضحك ولا اعيط ... شوية دخلت تانى
هو : نتسنايسنتامنتلسرلاق .
أنا : آه عارف
هو : طيب منتاسنتنتلاربت هناك
أنا : يا راجل
طبعا كل ده وانا قاعد خايف ياخدنى على خوانه تانى
المهم قعدت معاه لغاية ما نام على الساعه 10.30 كده قلت الحمد الله انا هروح انام بقى ولو فيه اى حاجه انا موجود ابعتيلى
انتو عارفين حكاية الراجل ده ايه .... زمان كان واخد قرض من البنك وكان بيتاجر فى العربيات وتقريبا خسر حاجه زى كده تخيلو لغاية دلوقتى بيدفع فى القرض بقالة اكتر من 5 سنين يعنى دفع القرض ييجى ستين مرة وده اللى خلاه يروح لطريق البانجو والقرف عشان ينسى ليه حق اهو متجوز وعنده 3 ولاد الكبير فى تانية ثانويى والصغير مكملش سنه لسه بجد انا مش عارف اقول ايه بس اللى عايز اعرف السبب مين ؟ مين السبب فى كل اللى بيحصله ده ؟
يا رب اهديه واهدى كل المؤمنين يا رب وارحمنا
أهو ده آخرة الإدمان ربنا يبعدنا عنه آمين
:'(
49 comments:
ياااااااااااااااااه
مش قادره اقولك انا موتت من الضحك قد ايه
ههههههههههههههههههههههههههههههههههه
بجد حالة الراجل تبكي بس ماقدرتش امسك نفسي وانفجرت في الضحك في الحتة بتاعة القلم دي
هههههههههههههههههههههههههههههههههه
واللي بعديها
ههههههههههههههههههههههههههههههههههههه
مسخره بجد انا مش قاااااااااااااااااادره
هههههههههههههه على فكره اللي هايدخل البلوج هايفتكر ان في حاجه غلط...لأنهم كانوا متعودين على انهم لازم ياخدولهم مهدئ استعدادا للي هايقروه
بس كده بجد الناس هاتفرح اووووووووووي
بوست في التماااااااااااااااااااام
بتضحكى يا هدى
ماشى عاجبك اوى انى اتضربت وخدت القلم اللذيذ
ماشى ماشى
ياربي يشفيه ويبعده عن السكة دي ويحفظه هو وجميع شباب المسلمين وشاباتهم يارب العالمين..
سيرة المخدرات دي بتجيب لي النكد.. انا بخاف منها اوي..
مسكين والله الراجل ده..
طيب يا برايد هو مسكين طيب وانا اللى خدت القلم على وشى على خوانه مش مسكين طيب قولى انى صعبت عليكى
انا بقى ماضحكتش خالص
غير طبعا ساعة ما القلم طرقع على خدك الكريم
اصلي تخيلت المنظر
اما بقى حكاية القرض والخسارة انا شايفة ان دة مش سبب علشان الواحد يبقى مدمن ياما ناس بتمر بأزمات مالية وما بتعملش كدة
دة ضعف ايمان وبعدين هي المخدرات دي بتجيلة ببلاش
يعني انا ابقى مديون واروح اصرف الفلوس اللي معايا على المخدرات
بس احييك على موقفك وصدق اللي قال الجيران لبعضيها
تحياتي
هههههههههههههههههه
جامد اوى الموضوع والله
انما الراجل ده..ربنا يعينه..وخاصه ان ليه عيال
بس فيه حاجه..الناس عامه بتختلف فى ردود فعلها لا بتحصل مصيبه..بس هو الحمدلله بالمنظر ده هو نيلها اكتر ما هى بايظه..يعنى..المفروض انه دعامه البيت وطبعا مراته جنبه برضه..بس لما عياله يشوفوا كده هيحصلهم اييييه؟؟
يا اما هيروحوا يضربوا بنجو هما كمان او انهم هيخافوا من اللى شافوه من باباهم
وهو ده اللى عايزه اقوله..فيهخ اكتر من طريقه كان ممكن يعملها...بس هو الشيطان شاطر
شانكس
اولا البوست فى اوله يموت من الضحك
بس فى الاخر على حد تعبيرك الواحد مبقاش عارف يضحك ولا يعيط
ربنا يكفينا شر الحاجات دى
ويحمى ولادنا واخواتنا وشبابنا
البلوج بتاعك تحفة طبعا
كله مواضيع شيقة جدا
انا قريت منه كتير بس للاسف معلقتش على كله
احيييك
واتمنى اكون صديقة المدونة
تحياااااااتى
shahy
مبسوطه انتى اوى انى اتضربت والله يا ستى ودانى صفرت بس هعمل ايه انتى عارفة مكنش حاسس باى حاجه حواليه
فعلا هو ضعف ايمان
.............
smart
لمشكلة يا سمارت ابنه الصغير اللى مكملش سنه اما ولاده الكبار صدقينى لما شافو اللى بيحصل لأبوهم عمرهم ما هيفكرو اصلا يشربو سجاير
............
hadota
شكراً لزيارتك الأولى ليا
امال لو انتى كنتى معايا كنتى هتعملى ايه كنتى هتموتى من الضحك شوية مواقف بجد انا مش قادر اقولها كلها لانى خايف عليكم تفطسو من الضحك
شكرا لانك مريتى على البوستات بتاعتى ويا رب يكونو عجبوكى وانا اتمنى بجد انك تبقى تزورينا
هههههههههههههههههههههههههههه
ههههههههههههههههههههههههههه
ههههههههههههههههههههههههههه
روح منك لله
والله ضحكتنى وانا مليش نفس خاااااااااااااالص
ينهاااااااااااااااار
انا لو مكانك والله كنت وقعت على الارض من الضحك
الله يهدينا اجمعين يارب
لا حول ولا قوة إلا بالله
و الله حاجه تقرف موووووت
يعنى الواحد مش عارف مين يصعب عليه أكتر
الراجل
مراته
العيال الغلابه
خدك الكريم
الطمطمايه اللى كلتها ظلما و عدوانا
صحيح شر البليه ما يضحك
انته بقى اجرك على الله ما تبقاش تنق على الموضوع ده عشان الأجر ما يروح :)
رينا
حمد الله على سلامتك الأول
انا معاكى كل المواقف اللى شوفتها تفطس من الضحك بجد بس بجد ساعتها مكنتش عارف اضحك على اللى بيحص ولا اعيط على الراجل لان منظره بجد يقطع القلب ربنا يهديه
...................
الدرويش
اتريق اتريق
بقى خدى الكريم اللى هيصعب عليك
;)
احنا ندعى للراجل بس ان ربنا يهديه ويكمل شفاءه بإذن الله على خير
...............
برايد
انا مش بنق والله
وربنا يكرمنا أجمعين
يااااه لما يكون الإنسان منساق
ياااااه شعور صعب
بجد موقف صعب جدا
و الحمد لله إن ربنا ثبتك ساعتها
ربنا يجازيك خير
و يهدي جاركم و يتمم شفاه علي خير
يا ريت بجد تخليك متابعه
و تقولنا أخباره
تحياتي و تقديري
انت عامل ميكس حلو اوى والواحد مش عارف يضحك ولا يزعل عشانه
طبعا خسارته مش هى سبب ادمانه زى ماقالت Shahy
واعتقد ان الانسان عشان يدخل طريق زى ده اكيد كان عنده
استعداد من الاول
بس السؤال هنا اولاده بيتعملوا معاه ازاى وبيبصوا عليه باى نظره والمفروض ان هو المسئول عنهم وانه القدوة بتاعتهم
ربنا يشفيه
وقلم يفوت ولا حد يموت هههههههههههههه
Seren
معلش تعيش وتاخد غيرها
المهم اولا بحييك على روحك الجميله اوى يا عبده يا محتاس ويا ريت الروح ديه تنتشر اكتر واكتر اننا نساعد بعض ونقف جنب بعض فى الشده
ثانيا الموضوع مهم جدا وطريقة عرضك للموضوع عن طريق القصه ديه افيد من اى كلام علمى ممكن يتقال ويا ريت النسبه الى مش قليله من الشباب الى بيتعاطى مخدرات يفوق وبيطل الدماغ العليا بقى
ربنا يسترنا جميعا ويهدينا ويهدى شبابنا
تحياتى
والقادم أحسن
يا ريت تدعي ليه كمان ان ربنا يهديه ويشفيه
.............
seren
أولا شكرا على اهتمامك الكبير بالقلم اللى أخدته :) ثانيا ولاده عارفين كل حاجه وبيتعلمو عشان بجد لو واحد شاف الراجل ده عامل ازاى صدقينى هيحرم يشرب سجاير اصلا
.......................
only spot
كرا على التشجيع ده كله
ربنا يهدينا جيعا يا رب
آمين
شر البليه مايضحك
بجد ضحكت اوي بس برده قلت الله يكون في عونة وعون اهله ويحفظنا واهالينا من كل شر
تحياتي ليك يا باشا\
صحيح فين ياعم موضوع اللبن البودرة اللي قلت عليه......بمناسبة المخدرات والشم يعني :)
تحياتي
محمد سمير
الايمان الضعيف هو السبب فى كل دا
هو السبب فى دوامة الادمان
اللهم ارحم المسلمين منه دوما ودائما وابدا
ولك تحياتى يا عبده
معلش ياجميل علي القلم
بس و الله فعلا قصه تحزن لما حد بيستسلم للادمان عشان فاكر انه حيتوهه و يخرجه من الحاله اللي هو فيها للأسف بيدمر نفسه و يدمر اللي معاه
ربنا يبعدنا عن كل شر و يهدينا دايما للطريق اللي فيه مصلحتنا
تحياتي ليك عزيزي
:)
هو أنا مكتبتش كومينت ليه لغاية دلوقتي؟
مش تفكرني؟
طيب هو ايه اللي خلاه يمشي في طريق الزفت دة؟
معلش القلم...ربنا يعوضك بيه حسنات إن شاء الله على نيتك
انت ازيك بقى؟
:)
نوني
نتسنايسنتامنتلسرلاق
طيب منتاسنتنتلاربت هناك
اللهم عافينا من الادمان
ابو حميد
دايما كدة تتحفنا ببوستاتك الحلوة دي حتى لو الحال يبكي برده لازم تضحكنا في الاخر
على قد حزني على الراجل المسكيين ده على قد برده ما ضحكت على الكف الكوميدي اللي انت شربتو
سلام مؤقت
أنا أول ماشفت عنوان البوست أفتكرته موضوع طبي بس بجد لقيتك بتناقش المشكله بطريقه كوميديه
أشكرك علي الفكره
مستنيين أكتر
رائع للغاية وننتظر المزيد
شكرا يا عزيزى
وادعوك لزيارة مدونتى المتواضعة للغاية
محمد سمير
فعلا الله يكون فى عونه وعون اهلة وعون خدى اللى لطش القلم الغدر :) ربنا يهديه يا رب
أماموضوع اللبن البودرة هنسيبه بقى فى
الجزء التانى من الإدمان
.....................
عباسية واحد
انا سعيد بجد من زيارتك الأولى ليا ويا رب تدوم يا مان
اللهم ارحمنا جميعا يا رب العالمين
....................
أجندا حمرا
لا عادى القلم اتاخد خلاص هنعمل ايه بقى
يا رب يا اجندا يبعدنا عن كل المصايب دى بجد
نونى
الله يسلمك يا ستى ما انتى ياما نسيتينا مش هتنسي تعملى كومنت على البوست
ماشى يا ستى ربنا يرجعك لينا بالسلامة يا رب
............
تخاريف دكتور
ويعافينا يا رب
..........
شهرام
مبسوط انت اوى من القلم اللى خدته ها قول الانكار مش هينفعك
ماشى يا شاه كده يعنى تشمت فى حبيبك
ههههههههه
............
dr.d
مش كل حاجه يا دكتور تبقى طبيه يعنى بس القصة دى حقيقية بجد والله انا كنت عايز اصورها فيديو وانزلها اهو على الأقل تشوفو وتسمعو صوت القلم اللذيذ ههههه
...............
aLEmeDEr
شكرا يا مان على زيارتك الأولى ليا ويا ريت تدوم وان شاء الله هنزورك عن قريب يا مان
ma3lesh 3al2a tefoot wala 7ad yemoot
el wa7ed fe3lan mesh 3aref yed7a walla ye3ayat
rabena yer7amna w yer7amo ya rab
weshak 3amel eh delwa2ty?:)
السلام عليكم
اولا يسلملنا خدك الكريم
ثانيا مش عارف بصراحة اقول ايه
مش عارف انا لو مكانه حيكون شكلى ايه ادام مراتى وعيالى مش عارف
بعض الشباب دلوقتى بقت المخدرات من مستلزمات حياتهم الاساسية
حسبى الله ونعم الوكيل
ما عاش اللي يشمت فيك يا عوبد
انا بس كنت عايز اعرف القلم نزل عادي من غير صوت و لا بطرقعة؟؟
اصل اللي بطرقعة ده حتى لو خفيف بس بيعلم معاك مدى الحياة
و سلام مؤقت
دعواتكم
http://walkademagmal.blogspot.com/2007/07/blog-post_5984.html
الادماااااااااااااااان اه يا انا دي ثقافة اتفرضت علينا علشان نبقى بلد متحضر ولا انت مش معايا
والله حعيط يا عبده
الراجل فعلا صعبان عليا قوى.. ربنا يجازيك خير على مساعدته و على القلم اللى خلى ودانك صفرت..
ربنا يشفيه ويبعده عن الزفت اللى بياخده ده..
احفظنا يارب.سلام يا عوبد
هههههههههههههه انا لو مكان حضرتك اصلا مش هافتح , بس فعلا انا مع اللى بيقولوه إن مافيش اى حاجة فى الدنيا تدفع الواحد لإنه يشرب مخدرات , يلا ربنا يهديه ويصبر اولاده على كمية المشاكل اللى هيجيبهلهم بسبب ضعفه ادام حل مشاكله
شكراً على زيارتكم
emos
عياش
شاه
القادم أجمل
قلوب حائرة
Queen eraser
زى الهوا
معلشى انا مش هقدر ارد على التعليقات دلوقتى لانى فى حالة نفسية لا تسر عدو ولا حبيب
صدقونى لما أفوق من الصدمة هبقى أرد عليكم
إدعولى
لا حول ولا قوة الا بالله
شر البلية ما يضحك
مش عارفه اقول ايه
بس برضه ده واحد من نتايج الربا فى مجتمعنا
بص يا اخى الكريم
امتنا دى فيها بلاوى بالهبل بجد مش عايزة اوجع لك دماغك عالفاضى
بس ادع له ربنا يقبل منك
وادع لى انا كمان ربنا يهدينى
جزاك الله خيرا
لا اله الا الله
تعيش وتاخد غيرها قصدى غيره هههههههههه
طبعا هو ده نهاية الغلط وبدايته برده وبداية نهايته
فين جديدك
emos
فيكي الخير والله انك بتسألى عن وشى الحمد الله عقبالك كويس وبيسلم عليكي
:P
.............
عياش
وعليكم السلام ورحمه الله وبركاته
الله يسلمك وهو كمان بيسلم عليك
هو بقى شكله قدام مراته وعياله أراجوز بجد والله أراجوز
.....................
شاه
لا يا أخويا نزل بطرقعه مش بقولك ان ودانى صفرت بس متخفش مش هيعلم عليا مدى الحياه ولا حاجة
والقادر أجمل
ربنا يشفيها بجد بندعلها كلنا وإبقى طمنينا عليها
.........................
قلوب حائرة
وحياتك لو عملنا إيهوحياتك عندى الحضارة ى فى دمنا :D
..........................
بتاع الأستيكة (الجومة) يعنى
لا يا ختى مش تعيطى دا انا اللى هعيط من وجع القلم على وشى طيب مفيش حتى كلمة ترفع من معنوياتى بعد القلم
:P
......................
زى الهوا
أفتح إيه بالظبط
قصدق باب الشقة ولا بوقى لما خدت القلم على وشى من الإستغراب
:D:D:D
فتاه الجنة
لا اوجعى دماغى انا فاضى اصلا
ربنا يحمينا جميعا
جزاكى الله كل خير
.....................
دكتور هيما
انت فرحان صح
بس برضه مش جاى أكشف عندك
:P
....................
شاه
هنزل جديد يا عم عشان خاطرك بس
ههههههه هم يبكي وهم يضحك مش عرفة مش متخيلة منظرك بعد ما اخدت القلم بثواني صعب موت اصلا وبجد انا حزينة علي الراجل ربنا يشفية ويعافية
السبب مجتمعنا وقلة الوعى الدينى والايمان بالله
انا بس حبيت اشكرك لانك وقفت وقفة راجل بجد معاه - ربنا يكرمك
تحياتى --- هبة
لا مؤاخذة يا هندسة اصلي ليا دراية بالاصناف دي، جارك مادام وصل للمرحلة دي فده مش بانجو، لأن البانجو بيعلي اه بس مش بيخلي المرحلة توصل لانه يسفخك - لا مؤاخذة - على اقفاك .. موضوع انه شوية في غيبوبة و يخرج يسأل على حاجة و يخش تاني بنسميها في الباطنية انه مضروب في دماغه و دا كده واخد مخدرات مركزة مش بانجو ولا حشيش
او شكله ضارب خمرة في البانجو مع بعض ممكن تضرب دماغه كده بس اكيد ضرب كتير قوي عشان يوصل للمرحلة دي
و ما دام هوه داخل المخدرات عن يأس فعمره ما حيعرف يسلك فيها، اللي بيعرفوا يظبطوا صح مع الصنف همه اللي واخدينه عن اقتناع، فخليه من اللاست يروح لمستوصف لعلاج الادمان و على فكرة انا ليا واحد صاحبي جامد في الحتة دي
روح
بقى الراجل صعبان عليكي طيب وانا اللى أخدت القلت طخ مرة واحدة على خيانة أعمل غيه بقى
...........
هبه
لا شكر على واجب آه صحيح أنا وقفت وقفة راجل بس بعد ما القلم اطرقعلى أنا ساعتها مكنت شواثق انى واقف زقفة رجالة
بلاش إحراج بقى :P
...............
سعيد إنحراف
مرحباً بك فى عالم الهيمالايا
إيه يا عم كمية المخدرات اللى انت جايبها معاك دى يا عم انا عارف كل حاجه فى المخدرات ونظامها وعارف الراجل ده بيعانى من ايه أصلا
نحن سعداء بإنحرافك
قصدى بزيارتك
:D
الادمان مصيبة كبيرة جدا
عروس البحر
فعلا الإدمان مصيبة كبير جدا بس انا ملاحظ ان كلامك قليل اوى وعشان كده انا بعترف انى بخاف منك اوى لانى بخاف من الناس اللى كلامها قليل
شكرا على زيارتك الأولى للبلوج
تعرف انا مش عارفه اتعاطف مع الراجل ده ولا اضحك على القلم
بس معلشى بقا ليس على المريض حرج
تعيش وتاخد غيرها يا ابو حميد
قطة
بقى كده يعنى حتى انتى شمتانه فيا يا بتاع الحرامى اللى داس عليكي
:P:P:P
كنت أرحب بكم جميعا مرة أخرى لجولد ستار الرهن العقاري المجموعة المالية.
المكان حيث يمكنك الحصول على القرض الخاص بك وتكون سعيدا مدى الحياة.
المكان الذي كنا التعامل مع العملاء بشكل جيد للغاية ونجعلهم سعداء.
هنا نحن نعطيه قرض بسعر أرخص من 3٪ من الحد الأدنى من 3،000:00 USD (ثلاثة آلاف دولار إلى 100،000،000 الدولة المتحدة: 00 USD (مائة دولار الولايات المتحدة).
ونحن نعمل بالتعاون مع البنك الدولي وتخفيف عبء الديون الأمم المتحدة.
لقد ساعدت الكثير من الناس لجعلها مسح ديونها، بدء الأعمال التجارية، وهلم جرا.
يمكنك مراسلتنا على (goldstarmortgagefinancialgroup@gmail.com)
ونحن بالتأكيد سوف يكون هناك لحضور لك وتعطيك أفضل من الخدمة.
Post a Comment