مش عارف
فى الأول بقولكم كل سنه وانتو طيبين
طبعا الكلام اللى انا هكتبه دلوقتى انا بكتبه عشان انا فعلا محتاج انى اكتبه
انا لما عملت المدونة دى عملتها عشان اكتب اللى جوايا سواء ان حد يقراه او مش يقراه كنت عايز اكتب وخلاص
انا عارف انى ممكن اضيع فرحة العيد عليكم بس انا عايز اكتب اللى جوايا
بعد سحور آخر يوم فى رمضان قررت انى اكتب حاجه عشان مش أتخنق
فيه ناس رمضان كل سنه بيفوت عليهم بالعزومات والأصدقاء والأصحاب و و و إلخ
أنا فى يوم من الايام كان نفسي ابقى واحد من الناس دى
من 4 سنين او اكتر عمرى فيهم ما اتعزمت عند حد بالعكس رمضان لما كان بيعدى عليا وانا فى الكلية كنت بفطر واتسحر لوحدى لانى كنت فى كلية فى غربة بلد تانية يعنى ولما خلصت دخلت الجيش وبرضة فطرت لوحدى وبعد ما خلصت الجيش اشتغلت فى المزرعة وبرضه رمضان كان بره البيت والأصدقاء ودلوقتى رمضان جوا البيت اللى هو السنه دى 29 يوم عدو عليا وانا فى البيت مش بخرج أو أحيانا بخرج للصلاه او أروح لواحد صاحبى أقعد عنده ساعه ولا حاجه وأرجع تانى حتى لما كنت بروح أصلى القيام او خلافة كنت ببقى لوحدى لما كنا بنخلص القيام كانو بيوزعو سحور انا حضرته مرة واحده لانى مقدرتش احضرة المرة التانية انتو عارفين ليه لانى كنت لوحدى تخيل نفسك قاعد فى مكان اللى هو الجامع وحوليك أكتر من حوالى 500 فرد وانت قاعد فى وسطيهم وبرضه حاسس بالوحدة وبتاكل لوحدك مقدرتش أكررها
فيه حاجات كتير اوى اوى مش قادر أقولها
نيجي بقى للعيد
كل سنه وانتو طيبين
تخيلو ان محدش قالى كل سنه وانت طيب الا أنوش اللى هى قطة الصحراء هى الوحيده اللى قالتها ليا
كنت متوقع ناس كتير اوى تقولها ليا لاكن اظاهر ان الواحد بيفكر فى الناس دى من طرف واحد انا عارف ان الدنيا تلاهى بس دى كلمه ممكن تسعد انسان
العيد أكيد ان شاء الله هيبقى فى البيت
اون لاين 24 ساعه فى العيد محدش يخاف
:D
حسيت بالوحدة بعد ما الدنيا خدت كل واحد لحياته
انا مش عايز افتكر أيام حبى الوحيد لما سابنى لوحدى فى وقت كنت محتاجه فيه اوى اوى اوى اوى
الحمد الله على كل شئ
انا قلت كلام كتير ملوش لازمة بس صدقونى انا استريحت
ويا ريت الكلام اللى قولته مش حد أصعب عليه او او لا
انا كتبت الكلام ده ليا انا وبس زى ما انا بحب دلوقتى
بحب ليا أنا وبس مش لشخصية نفسها
محدش يزعل منى
ومع انى مش بشوف حد فى البلوج عندى بقولكم
وحشتونى اوى
طبعا الكلام اللى انا هكتبه دلوقتى انا بكتبه عشان انا فعلا محتاج انى اكتبه
انا لما عملت المدونة دى عملتها عشان اكتب اللى جوايا سواء ان حد يقراه او مش يقراه كنت عايز اكتب وخلاص
انا عارف انى ممكن اضيع فرحة العيد عليكم بس انا عايز اكتب اللى جوايا
بعد سحور آخر يوم فى رمضان قررت انى اكتب حاجه عشان مش أتخنق
فيه ناس رمضان كل سنه بيفوت عليهم بالعزومات والأصدقاء والأصحاب و و و إلخ
أنا فى يوم من الايام كان نفسي ابقى واحد من الناس دى
من 4 سنين او اكتر عمرى فيهم ما اتعزمت عند حد بالعكس رمضان لما كان بيعدى عليا وانا فى الكلية كنت بفطر واتسحر لوحدى لانى كنت فى كلية فى غربة بلد تانية يعنى ولما خلصت دخلت الجيش وبرضة فطرت لوحدى وبعد ما خلصت الجيش اشتغلت فى المزرعة وبرضه رمضان كان بره البيت والأصدقاء ودلوقتى رمضان جوا البيت اللى هو السنه دى 29 يوم عدو عليا وانا فى البيت مش بخرج أو أحيانا بخرج للصلاه او أروح لواحد صاحبى أقعد عنده ساعه ولا حاجه وأرجع تانى حتى لما كنت بروح أصلى القيام او خلافة كنت ببقى لوحدى لما كنا بنخلص القيام كانو بيوزعو سحور انا حضرته مرة واحده لانى مقدرتش احضرة المرة التانية انتو عارفين ليه لانى كنت لوحدى تخيل نفسك قاعد فى مكان اللى هو الجامع وحوليك أكتر من حوالى 500 فرد وانت قاعد فى وسطيهم وبرضه حاسس بالوحدة وبتاكل لوحدك مقدرتش أكررها
فيه حاجات كتير اوى اوى مش قادر أقولها
نيجي بقى للعيد
كل سنه وانتو طيبين
تخيلو ان محدش قالى كل سنه وانت طيب الا أنوش اللى هى قطة الصحراء هى الوحيده اللى قالتها ليا
كنت متوقع ناس كتير اوى تقولها ليا لاكن اظاهر ان الواحد بيفكر فى الناس دى من طرف واحد انا عارف ان الدنيا تلاهى بس دى كلمه ممكن تسعد انسان
العيد أكيد ان شاء الله هيبقى فى البيت
اون لاين 24 ساعه فى العيد محدش يخاف
:D
حسيت بالوحدة بعد ما الدنيا خدت كل واحد لحياته
انا مش عايز افتكر أيام حبى الوحيد لما سابنى لوحدى فى وقت كنت محتاجه فيه اوى اوى اوى اوى
الحمد الله على كل شئ
انا قلت كلام كتير ملوش لازمة بس صدقونى انا استريحت
ويا ريت الكلام اللى قولته مش حد أصعب عليه او او لا
انا كتبت الكلام ده ليا انا وبس زى ما انا بحب دلوقتى
بحب ليا أنا وبس مش لشخصية نفسها
محدش يزعل منى
ومع انى مش بشوف حد فى البلوج عندى بقولكم
وحشتونى اوى
41 comments:
ياعم الف مليون كل سنة وانت طيب
وربنا يعود عليك الايام بالصحة والسعادة
بس ايه موضوع المزرعة دى انتى خريج زراعة زيى ولا ايه
ههههههههههه
كل سن ةوانت طيب مرة تانية
تحياتى
أخوك
أحمد الصباغ
كل سنة وانت طيب
وعيد سعيد عليك وعلينا كلنا
وبعدين مين قال انك لوحدك فكر انت بس كده واكيد هتلاقي في ناس كتير حواليك بيحبوك وبتحبهم
تحياتي
لوحدك مين بس
وايه ما فيش حد قالك كل سنة وانت طيب دي
في ناس قبلي اهم
وانا جاية اقولك كل سنة وانت طيب
وبالف خير
يعني انت يا عم جيت قلت لي كل سنة وانت طيبة
عيني في عينك كدا
بس عارف هاقولك حاجة
احساسك بالوحدة
حتى لو انت اتعزمت 100 عزومة
ولو وسط اصحابك واهلك
بس الاحساس طالما موجود جواك
وود الناس حواليك مش هايغيره
حاول انت يا عم تخرج من وحدتك
كل سنة وانت طيب
انا سبقت معاك اهو
وتلاقيك ولا كنت هاتفتكر تيجي تقولي حتى كل سنة وانت طيبة
ربنا يجعله عيد سعيد عليك ان شاء الله
كل سنه وانت طيب ياباشا
وان شاء الله السنه الجايه في زي الوقت ده تكون مع مراتك وعيالك وحواليك لمه قد كده
وانا ياسيدي باعزمك ومش عزومة مراكبيه والله العظيم .. نروح نغير جول في الساحل الشمالي الافغاني
منتظر ردك ولو اه يبقى نشد الرحال وعالبركه
والسلام ختااااام
كل سنه و انت طيب و غيد سعيد عليك و علي كل اللي بتحبهم يا رب
ياه يا محمد كل ده جواك
ولا يهمك ياباشا
معلشى الدنيا تلاهى وواخده الناس من نفسها مش من بعضها وبس
كل سنة وانت طيب وبالف خير
وعيد سعيد عليك وعلى كل اسرتك يارب
كل سنة وانت طيب
انا عارفة الاحساس ده لاننا عايشين فى غربة
و يمكن ده اللى بيخلى الواحد يومين يبقى مقبل على الحياة وكتير بيكتئب اعذرنى لتاخرى عليك فى المعايدة
انا نفسى اكتئبت لما كان العيد عندنا فى الرياض امس الجمعة
ولم اجد من انتظرتهم ليعيدوا على
لكن جاءوا ولو متاخرين
انا اعتذر لك
كل سنة وانت وسطنا
كل سنة وانت متالق
يا رب تتحقق كل امانيك وابعد الله عنك اى مكروه
عيد سعيد عليك
و سامحنى
كل سنة وانت طيب يا محمد وان شاء الله يعود علينا الايام بكل خير
بس معلش عايزة اقولك حاجة انت بتشتكى من الوحده وانك دايما بتقضى حتى اللى مفروض تبقى المناسبة دية الناس تتجمع فيها بتكون انت لوحدك طيب انت يا ترى بتحاول تبقى انسان اجتماعى ممكن الظروف تحكم على الشخص انه يكون بعيد عن اهله عن اصحابه عن الناس اللى بيحبهم وبحبوه بس انت ساعدت نفسك انك تبعد عنك الاحساس ده بمعنى انك تتعرف بناس تانية وتتصاحب وتعمل عزوة زى ما بيقولولا فى المكان اللى بتكون فيه ولا ده شئ صعب
يا محمد فيه ناس بتتغرب وبتعيش فى غربة سنين وسنين وبيحرموا نفسهم من اسرهم وبيتعبوا ويشتغلوا ومع ذلك عايشين الحياة احيانا الظروف بتكون صعبة على الشخص بس لازم الواحد يتكيف مع اموره والا مش هنقدر نستمر فى الحياه ولا نتكيف مع الواقع
وكل سنة وانت طيب وان شاء الله تبقى بخير وبصحة وسلامة بس بلاش تتقل فى الكحك اوى بقى ماشى
:)
كل سنة وانت طيب وعيد سعيد عليك ويا رب تطلع من وحدتك دى بقي :]
وفرفش كده دنت فى عيد
انت عارف انا قريت الكلام ده، وانا كنت بكبى من الوحدة، فتحت مدونتك صدفة، قولت يمكن اقرا حاجة تسلينى، لقيت صرخة وحدة، ذودت الدموع فى عيونى، انا عايشة فى الغربة برضو، مش من كتير، بس حاسة انى بقالى سنين، عايشه مع اخويا واسرته، بس مش قادره اتكيف معاهم، فعايشه لوحدى منعزلة، مش عندى اصحاب بجد، كلهم اصحاب من النت، كلهم مشغولين بالعيد، ربنا يسعدهم يارب
الوحدة صعبة جدا خاصة لو كنت من غير آهل، فمش تقدر حتى تلوم حد انه مش بيسآل عنك، هيسآل عنك ازاى وهو فى دار الحق؟
يارب مش تحكم على اى من خلقك بالوحدة
وحيدة
السلام عليكم
كل سنة وحضرتك بخير وف خير دايما يارب
عيد سعيد ان شاء الله
ليك مكان اكيد
وافتكر الجملة دى لانى ححكى حكاية في بوست قريب عندى وحآجى اقولك تعالى اقراه ان شاء الله
فعلا ليك مكان اكيد
وحاسب من الوحدة والفراغ
كل سنة وحضرتك بألف خير :))))))))
سلاماتي
أحمد الصباغ
وانت طيب يا مان
انت زراعه برضه طيب انا انتاج حيوانى وانت بقى ايه ؟؟؟
......................
Noury
وانتى طيبه
انا اللى فرحان بجد ان لقيت ناس جديده زيك اول مرة تخش البلوج بتاعى وكمان من اوائل من رد على الموضوع ده بالذات
ما علينا
وانتى طيبه يا ستى
ما هو انا لما لقيت محدش قالى كل سنه وانت طيب بقى نفسي اتسدت ومش عرفت ادخل عند حد اقولة كل سنه وهو طيب
انا هقولك على حاجه احلى
انتى عارفه لو فى دماغك حد معينه انه يقولك كل سنه وانتى طيبة وهو مش قالك مع ان كل الناس قالت ليكي كل سنه وانتى طيبه ليكي برضه هتحسى انك وحيدة ومحدش سأل عنك
بس المشكلة عندى ان محدش قالى خالص كل سنه وانت طيب الا أنوش اختى الكبيرة
مع انى كنت مستنيها من ناس كتيييييييييييير اوى اوى
Soooo
وانت طيب
يا رب يا اخويا يا رب اهو الواحد مش يحس بالوحدة لما يتجوز بس قولى الأول انت معندكش عروسة ليا
:D
واذا كان على الرحلة يا مان انا مستنى التذكرة اهو
.................
Sally
مع انى مش بحب الردود الصغيرة اللى بتسبه الرد بتاعك بس احب اقولك وانتى طيبة يا ستى
أنووش
وانتى طيبة يا ست الكل
انتى عاملة ايه يا رب تكونى بخير
...................
Esmat
وانتى طيبة
اظاهر انى مش لوحدى اللى حاسس بالوحدة
على العموم انا موجود علطول لو انتى محتاجة اى حاجه انا معاكى اهو
بقولك ايه ما تشوفى لينا عقد عندك شغل فى السعودية
:P
انا بهزر ها
كل سنه وانتى طيبة ويا رب دايما تكونى بخير
شكرا اوى لكل كلمة انتى قلتيها فى الرد ده
:)
هالــــة
وانتى طيبة يا ست هالة
مع انى كنت منتظر ردك ده فى الأول لاكن انتى جيتى متأخرة
انا عارف ان كان فيه ظروف عندك يا رب تكون عدت على خير يا رب
انتى عارفه يا هالة انا حاولت كتير انى اخرج من الاحساس اللى عندى ده وبجد عملت كل حاجه ممكن تخلى الواحد مش يقدر يحس بالوحدة بس اظاهر انى عندى نوع جديد من الوحدة طبعا مش هقدر اقول هو ايه دلوقتى
انا يوم العيد خرجت فعلا ولفييييييييت على كل الناس اللى اعرفهم عشان اعيد عليهم
بس فى الآخر رجعت البيت وقعدت على الكمبيوتر ولا اكنى عملت حاجه
بس فيه حاجه واحده بس حسيت بشئ غريب اوى فيها وانا بصلى العيد الصبح ايه اللى انا شوفته ده أمم بجد امم ناس بالهبل موجوده انا مش عارف الناس دى كانت فين قبل كده حتى ولو قلت ان نصهم كان جاى صلاه العيد شكلياَ يعنى عشان يتفرج ولا يتعاكس او يعاكس
بس المهم انى لقيييييت ناااااااس كتير اوى وساعتها حسيت بحاجه غريبة
كل سنه وانتى طيبة يا هالة واقدر اقولك انى مش بحب الكحك اللى بحبه بس البيتيفور بس حبيبي ده
كل سنه وانتى طيبة
يا عم كل سنة وانت طيب
ربنا ينعم عليك باللى ينسيك الوحدة
Islamz
وانت طيب يا مان
ادعيلنا بس
:)
..................
Anonymous
انا مش عارف اسمك كان نفسي بجد حتى تكتبى اسمك
انا حسيتك وحسيت الكلام اللى انتى كتبتيه
وأنا آسف انى خيتك تعيطى او تنزلى دمعه واحده من عنيكي
انا اعتذرت فى البوست وقلت انى بتأسف انى هضيع عليكم فرحة العيد بالكلام اللى كتبته
فيه شوية حاجات عايز اقولها
أولا انا مش فى غربة دلوقتى ولا اى حاجه انا فى البيت بين اهلى والباقى من الأصدقاء
المشكلة انى بمر بظروف ما يعلم بيها الا ربنا وان شاء الله خير هتعدى باذن الله
ثانيا انا بقولك اه هو أصدقاء النت مش بيبقو زى أصدقاء حقيقيين بس انا بقولك يا ستى ان ممكن صداقة من على النت تبقى حقيقية بجد جربى وشوفى انا عن نفسي اتعرفت على ناس كتير اوى من على النت وصدقينى فيه منهم اللى فعلا بقو اصحابى الحقيقيين اللى اقدر اثق فيهم واتكملم معاهم بحرية كاملة
جربى وانتى مش هتندمى
هو فعلا بالنسبة بان الناس كلها مشغولة فى حياتها وبتنسى ناس كتير مش بتقدر تعيد عليهم وهم معاهم عذرهم
بس لما الواحد يكون مستنى كلمة واحده بس من شخص معين ومش يلقيه جنبه ده اللى بتوجع اوى
كان نفسي اتعرف عليكي اكتر
يا ريت نكلم بعض عشان يمكن اقدر أساعدك
على فكرة انا فى المساعده نار النار بس فى مساعدة نفسي فاشل بكل ما تحمله الكلمة
لازم أشوف ردودك تانى
يهمنى رأيك فى كل موضوع أكتبة
وأكيد هنتعرف باذن الله قريب
سلام
مش قادرة
يااااااااه من زمان اوى يا ستى مش شوفناكى انتى كنتى مستخبية فين بس
كل سنه يا ستى وانتى طيبة ويا رب تكونى بصحة وسلامة آمين
طيب ما تجيبى العنوان مش انتى بتقولى ليا مكان
طيب مفيش معاد ولا هلاقى مكانى راح عليا لو جيت متأخر
صدقينى اكتبى بس انتى البوست ومش هتلحقى تقوليلى تعالى اقرى البوست لانى هكون باذن الله موجود وبرد عليه كمان
وانتى طيبة للمرة التانية
يا ريت أشوفك علطول فى البلوج بقى
تخاريف دكتور
وانت طيب يا دكتور
يا رب يا خويا ألاقى اللى يشاركنى حياتى واديله كل اللى يتمناه هو ده فعلا اللى هينسينى الوحدة بكل مقايسها
تعرف انك وحش قوي وبجد بقى ياراجل مش كل شوية ادخل واغتت عليك واقولك هو انت خلاص معندكش غير موضوع الجيش بذمتك مش غتت عليك كذا مرة ده انا لسة كنت في سيرتك انا والواد احمد خطيبي انبارح بقله جيش ايه الي انت بتشتكي منه ده انت في هنا وده كله وتقول لوحد ياعم روح اقعد في حتة نشفة يالا ويالا كل سنة وانت طيب ياعمنا
كل سنة وانت طيب و بخير
و عيد سعيد
تحياتى
كل سنه وانت طيب
ازاى فيه واحد مدون فى الدنيا وحواليه كل الاحباب ويحس انه وحيد
ماتحاولش تبقى لوحدك تانى
دور وانت هتلاقى الاف الناس حواليك وبيحبوك وبيفكروا فيك
كل سنه وانت طيب
اسفة للتأخير
كل سنه وانت طيب وعيب اوي انك تحس بالوحدة والبلوجر كله حواليك.
وفي النهاية حاول تطلع نفسك من الجو دا علشان الاسلام نفسة امر بالتعايش مع الناس اللي حوالينا ومش حلو ابدا ان الواحد يحس بالوحدة
لك تحياتي
بصراحة بصراحة انا كنت داخلة اعلقلك واضربك
ازاى تفكر مجرد التفكير انك لوحدك فى ظل كل الاصحاب دول
انا بس عاوزة اقولك حاجة انت فى كل حاجة وحيد باختيارك - انت لو مش عاوز تفطر لوحدك انزل حتى مائدة رحمن - اتعرف بالناس
كنت فى الجامع وسط 500 شخص اترف بيهم وتحابو فى الله - ده ربك كبير قوى وكريم وواسع المغفرة منتش انت يا بنى ادم يا صغير قادر توسع قلبك حبة وتخليه يساع ناس تانيين - ده انت طلعت بخيل قوى بحبك للناس
انا مقدرتش ادخلواعيد عالناس ساعة العيد - لكن كل سنة وانت طيب بأثر رجعى والسنة الجاية تكون فى وسط احبابك فى الله
تحياتى
هبة
كل سنة وانت طيب
والله الواحد مكسوف منك بقالى بالضبط 5481 سنة مجتش مدونتك
بس والله الظروف صعبة شويتين والنفسويات حالتها اصعب
كل سنة وانت طيب
عيد سعيد
برغم انها متاخرة شويه
بس سماح النوبة بقى
:)
تحياتى ليك
شوف يا محمد انا دخلت قريت البوست بتاعك امبارح ومارضيتش اعلق لاني كنت منفعلة جدا ولو كنت علقت كان كلامي هايزعلك بس ملخص اللي كنت عاوزة اقولة دوبة قالتة يعني بأختصار شديد
انت اللي عاوز تعيش في الوحدة ومش عاوز تطلع نفسك منها
ربنا يهديك ويوفقك وتنسى كل حاجة مزعلاك
كل سنه وانت طيب يااخ محمد بس ممكن تقولنا مين الشخص اللي كنت مستني منه انه يغيد عليك او الشخص اللي انت بتحبه
كل سنه وانت طيب يااخ محمد بس ممكن تقولنا مين الشخص اللي كنت مستني منه انه يغيد عليك او الشخص اللي انت بتحبه
ياأستاذ محمد
ياسيدى العزيز
ياأخى الغالى
انت لو مش عايز تكون لوحدك مش هاتكون مش معقول تعد فى الجامع من غير ما تتعرف على حد ما تعمل صدقات جديده وشوف ناس جديده ابتدى انت مفهاش حاجه يعنى
انت مصعبتش عليه ولا حاجه معنديش دم ههههه
كل سنه وانت بألف خير ومتتأخرش فى الكتابه قوى كده تانى
شيماء:)
كل سنة وانت بألف صحة وسعادة
ومش شرط ان محدش بيعلق عندك
انك تكون وحيد ولوحدك
بتحصل ان الوقت بيكون ضيق
والظروف ملخبطة شوية عند ناس كتير
وده مش معناه انك وحيد
وفعلا لازم انت اللى تخرج من مود الوحدة
وتتعرف على ناس
وتتكلم مع اصحابك
او حتى تتعرف على مدونين
ممكن يكون منهم اصدقاء ليك
ومرة تانيه كل سنة وانت بخير
محدش بيعلق عندك ايه ياراجل بس ده انا دخلت عندك لقيت المدونين الحلوين كلهم امال ايامنا الحلوة تعمل ايه بس مدونين يتعدوا على صوابع الايد اللي بيعلقوا عندي انا مش بحسد ولا حاجة هههههههههه
كل سنة وأنت طيب وبالف صحة وسلامة ويارب ايامك كلها تكون حلوة دايما وعلى فكرة الوحدة اللي بتعاني منها دي مش لوحدك وربنا يكرمك
تحياتي
كل سنة وانت طياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااب..!!
تمام كده يا برنس...مانتش لوحدك أهو
قوم علق عالشاي لحد ما اروح اجيب جبن ولا نشون وبيف وبيض وفينو وانادي علي العيال ونجيلك نخترف لحد الصبح
دمت بخير
ويجعلوعاااااااااااااااااااااامر
كل سنة وانت طيب يا محمد
مع إني عارفة إني واحدة من الناس اللي زعلت منهم
ومش هبرر تأخيري عن السؤال عليك أو اني أعيد عليك
زي ما دوبا وشاهي قالوا...الوحدة دي فكرة في دماغ البني آدم..]قدر يعيش نفسه فيها ويقدر يخرج نفسه منها...ومعتقدتش واحد كل الناس دي اللي سألت عليك أو قالولك كل سنة وانت طيب يبقى وحيد
وبعدين انت اسم محمد مش وحيد ;)
كل سنة وانت طيب يا محمد..والسنة اللي جاية إن شاء الله تكون في بيتك مع مراتك بإذن الله
:)
نوني
متأخرة اوى :$
بس كل سنة وانت طيب :$
وبالله عليك تطلع من اللى انت فيه ده بقى
وبعتذرلك يا محمد عن الفترة اللى مكنتش متابعه فيها .. بس انت عارف انا ليه مكنتش متابعه .. بالاضافة لوقفة حساب كنت محتجاها اوى
كل سنة وانت طيب بقى وربنا يجعل ايامك كلها عيد وسعادة :)
وبلاش الاكتئاب ده تانى :@
اهم حاجة انك استريحت
و انت طيب
اوروفوار
لا اله الا الله
دا انا مش لوحدى بقى
اولا وقبل كل شىء
كل سنة وانته طيب وزى العسل والى الله اقرب ياعم عبده
:)
انته لو دخلت المدونة عندى يا عبده والله هتلاقى بوست عن الوحدة
والخنقة من الواحد عايش لوحدة
مش عارف اقولك ايه
بس احيانا غصب عن الواحد حبايبه لازم يبعدوا عنه
ودا مش بيبقى تقصير منهم ولكن ببساطة بيكون انهم عندهم مشاكل عاوزين يبعدونا عنها
شفت التفاؤل بقى
كل سنة وانته طيب وعقبال كل رمضان وكل عيد
وان شاء الله السنة الجاية نصلى التهجد سوا
بسخد بالك انا لازم اتسحر كويس يعنى لازم تجهز المحفظة وتعزمنى
هههههههههه
كل سنة وانته طيب ويارب يبعد عنك الوحدة دى
على فكرة بقى شكلنا احنا كده اللى غلابة ومفيش حد يسأل علينا ولا يعبرنا ويرد على تعليقاتنا
ماشى خليك كده محتاس
مبروك الشغل الجديد وربنا يوفقك يارب
سلاموز
هبة
كل سنه وانت طيب و الف مبروك الشغل
:)
طب مانت كمان ماعبرتنيش و قلتلى كل سنه و انت طيب
تحياتى
ياباشا كل سنة وانت بالف خير وسلامة
معليش النوبة دي
وسامحنا النوبة دي
معليش ياباشا بس انت بردو عارف ان اللي في القلب في القلب
وربنا مايجعلك وحيد ابدا
تحياتي
محمد سمير
المواطن عبده محتاس
القاطن بدير النحاس
كل سنه وانت طيب يابرنس
تصدق اني والله كنت نسيت اشوف ردك على تعليقي هنا من العيد اللي فات
وانا باجدد عزومتي ليك يابرنس على يومين كده في الساحل الشمالي الافغاني
لو فل والحياه بيس يا مان
منتظر تعليقك عندي في مدونتي
وكل سنه وانت طيب يا باشا
وربنا يوفقك دنيا وآخره
سلامووووووووووز
Post a Comment