الجزأ الأول
بسم الله الرحمن الرحيم
ان شاء الله دى حكايتى او بمعنى أصح دى أصعب أيامى فى الجيش
طبعا مش هقدر أوصفها بالسوء اللى شوفته بس بتعب لما أفتكرها
وأنا قلت أكتبها عشان أقدر أواجهها ومش أتضايق لما أفتكرها وأقول إنى إتعلمت كتير منها
طبعا البوست فيه صور من جوجل إيرث للأماكن اللى هحكيها وبالتفصيل الممل جدا لول
هبدأ من أول يوم صعب مر عليا
دهشـــــــــور
لا ميه ولا نور
لو عايز تشوف الصورة كويس إضغط عليها وهى تكبر
فى الصورة اللى فوق ده كان المكان اللى كنت فيه فى دهشور وكانت أيام صعبه على رأى اللى قالو قبلنا دهشور لا ميه ولا نور أول ما دخلنا مش قدرنا نمسك نفسنا من ريحة الناس اللى كانت هناك مكنوش بيستحمو خالص ورحيتهم إستغفر الله العظيم بجد وفيه مكان النوم ومكان النوم ده كانت من العنابر القديمة فى مركز التدريب وكانت سيئة للغاية بس قدرنا نتكيف عليها ونعيش فيها وطبعا فيه سهم على الحمامات اللى كانت المية بتيجى 3 مرات فى اليوم وكل مرة ساعه واحده بس الساعه 7 الصبح والساعه 3 العصر والساعه 9 بليل وطبعا مكنش فيها نور بس كنا بنتصرف فى الميه والنور يعنى انا عن نفسي كنت متفق مع الواد اللى ماسك الحمام انى اعطيله سجارتين كل يوم ويعين ليا صفيحة ميه أستحمى بيها واليوم اللى مش أستحمى فيه منمش فيه وكانت مرة واحده بس طبعا كنا بنعمل المستحيل عشان الواحد بيستحمى بس الحمد الله اهى ايام وعدت شوفت العلاقة اللى كانت بين العساكر والصف ظباط طبعا المركز ده كان للناس ذات مؤهل الدبلومات واللى مش متعلمين خالص العلاقة اللى كانت بينهم بقى كانت جميل اوى اوى لما تكون ماشى وتشوف صف ظابط ماسك عسكرى وقاعد يضرب فيه ضرب باللإقلام والشلاليت والله كنت باكل فى نفسي لما شوفت المنظر ده وكل ده ليه عشان العسكرى لما كان بيلم الورق نسى ورقة فى الطريق ولا الصف ظابط اللى كان جايب اتنين عساكر ومصمم ان العسكريين يبوسو بعض بالقوة ولما واحد رفض تف عليه حته تفه دمى اتحرق ومنظر التفه على وش الواد بجد قلبى كان بيتقطع على الناس دى احنا فيه يا ناس بجد احنا فين مفيش رحمه خالص حرام والله حرام طيب قلنا ان صف الظباط اكتريتهم مش متعلمين لما تلاقى عسكرى بيموت ودخل العيادة والظابط الطبيب وكان كمان ظابط احتياط بيرمى العسكرى بره ويضربه بالشلوت فى بطنه والواد ميت على الأرض لا حول له ولا قوة الناس دى هتتحاسب إزاى انا عايز اعرف آآآآآآآآآآآه يا قلبى آه احنا عشان كنا مؤهلات عالية مكنش فيه حتى ظابط يقدر يتكلم معانا لا شتيمة ولا ضرب دى الحسنه الوحيدة اللى خدناها من التعليم وهى المعاملة الكويسه فى الجيش بس الناس التانية دى ذنبها ايه اكتريتهم مقدروش يكملو تعليم عشان الظروف خلاص تعبت ..... هنلاقى برضه سهم على الميس والميس للناس اللى مش عارفه يعنى ايه هو المطعم بتاعنا او مكان الأكل بتاعنا طبعا ساعت الغدى كنا أمم وكنا بنتعامل أحسن معاملة من أخوانا البعده صف الظباط يلا مش عايزين نتكلم عليهم المهم فى يوم من الايام قالو ان فيه فراخ أوبا فراخ يا واد انت وهو هنعيش بقى المهم فى اليوم ده أكلنا وظبطنا وكباية الشاى من الكانتين وكمان السجارة بعد الأكل وخلاص هننام خلاص نمنا بقى على الساعه اتنين كده خير يا رب لقيت هيصة جامده اوى صحتنى من النوم انا قلت بس فيه حاجه الحرب قامت او يبقى فيه عفاريت المهم بسأل قالولى مفيش حاجه قلت ماشى ونمت بعدها بشوية عرفت فيه ايه بس محدش قالى انا عرفت بنفسي لقيت بطنى بتوجعنى اوى اوى قمت واخد جركن الميه بتاعى ورايح الحمامات ببص وانا رايح ناحية الصحرا لقيت رؤوس سودة قلت متهيألى يا عم لاكن طلع العيال بتاعتنا المهم قلت يمكن قاعدين بيتكلمو ولا حاجه بس قلت الساع 2.30 يعنى المهم لما روحت الحمامات لقيت الحمامات مردومة ناس وانا مش قادر أمسك نفسي عايز أروح الحمام يا بشر وانا قاعد فى الحمام بقى لقيت واحد بيخبط يلا يا كابتن والنبى يلا يـــلا يــــــلا يـــــــــــــــلا يلا ومسمعتش حاجه بعدها قلت يبقى مات طلعت ببص لقيت بنطلون مرمى وبلاش قرف بقى اكتر من كده اتضح انه مقدرش يمسك نفسه بعيد عنكم الفراخ اللى كلناها طلعت بايظة وحالات الاشتباه فى تسمم كانت عند كل الناس اللى كانت فى المركز قعدت بقى آكل شاى ناشف ولمون و و و عشان يجيلى امساك بقى واعرف اتحكم فى نفسي والحمد الله اليوم عدى على خير مش هنسى اليوم ده المهم خلصنا المده بتاع العرض العسكرى وعملنا العرض قدام المشير طنطاوى فى أرض العرض العسكرى ويوم ما كنا ماشيين أكلنا لحمه ونفس الموقف حصل واحنا مترحلين على مركز التدريب الاساسى بتاعنا فى قويسنا اشتباه فى تسمم لان اللحمة كانت بايظة كنا ماشيين حوالى أكتر من 4 كيلو عشان نركب القطر فى الصحرا كان كل 200 متر نقعد نعمل زى الناس مش عايز حد يضحك كانت أيام ربنا ما يعودها كفاية بقى كده كانت الايام دى قبل رمضان علطول وأخدنا 10 ايام أجازة فى أول رمضان وبعدين هنرجع عشان نترحل على كل واحد فى وحدته وهحكى بقى الجزء اللى جاى حصل معايا إيه فى الترحيل المميت بجد
اللى خلت الأيام دى تعدى عليا بسرعه الصحبة الحلوة اللى كانت معايا
الجزء اللى جاى طريق الترحيل من قويسنا لغاية قيادة الجيش الثالث
ان شاء الله دى حكايتى او بمعنى أصح دى أصعب أيامى فى الجيش
طبعا مش هقدر أوصفها بالسوء اللى شوفته بس بتعب لما أفتكرها
وأنا قلت أكتبها عشان أقدر أواجهها ومش أتضايق لما أفتكرها وأقول إنى إتعلمت كتير منها
طبعا البوست فيه صور من جوجل إيرث للأماكن اللى هحكيها وبالتفصيل الممل جدا لول
هبدأ من أول يوم صعب مر عليا
دهشـــــــــور
لا ميه ولا نور
لو عايز تشوف الصورة كويس إضغط عليها وهى تكبر
فى الصورة اللى فوق ده كان المكان اللى كنت فيه فى دهشور وكانت أيام صعبه على رأى اللى قالو قبلنا دهشور لا ميه ولا نور أول ما دخلنا مش قدرنا نمسك نفسنا من ريحة الناس اللى كانت هناك مكنوش بيستحمو خالص ورحيتهم إستغفر الله العظيم بجد وفيه مكان النوم ومكان النوم ده كانت من العنابر القديمة فى مركز التدريب وكانت سيئة للغاية بس قدرنا نتكيف عليها ونعيش فيها وطبعا فيه سهم على الحمامات اللى كانت المية بتيجى 3 مرات فى اليوم وكل مرة ساعه واحده بس الساعه 7 الصبح والساعه 3 العصر والساعه 9 بليل وطبعا مكنش فيها نور بس كنا بنتصرف فى الميه والنور يعنى انا عن نفسي كنت متفق مع الواد اللى ماسك الحمام انى اعطيله سجارتين كل يوم ويعين ليا صفيحة ميه أستحمى بيها واليوم اللى مش أستحمى فيه منمش فيه وكانت مرة واحده بس طبعا كنا بنعمل المستحيل عشان الواحد بيستحمى بس الحمد الله اهى ايام وعدت شوفت العلاقة اللى كانت بين العساكر والصف ظباط طبعا المركز ده كان للناس ذات مؤهل الدبلومات واللى مش متعلمين خالص العلاقة اللى كانت بينهم بقى كانت جميل اوى اوى لما تكون ماشى وتشوف صف ظابط ماسك عسكرى وقاعد يضرب فيه ضرب باللإقلام والشلاليت والله كنت باكل فى نفسي لما شوفت المنظر ده وكل ده ليه عشان العسكرى لما كان بيلم الورق نسى ورقة فى الطريق ولا الصف ظابط اللى كان جايب اتنين عساكر ومصمم ان العسكريين يبوسو بعض بالقوة ولما واحد رفض تف عليه حته تفه دمى اتحرق ومنظر التفه على وش الواد بجد قلبى كان بيتقطع على الناس دى احنا فيه يا ناس بجد احنا فين مفيش رحمه خالص حرام والله حرام طيب قلنا ان صف الظباط اكتريتهم مش متعلمين لما تلاقى عسكرى بيموت ودخل العيادة والظابط الطبيب وكان كمان ظابط احتياط بيرمى العسكرى بره ويضربه بالشلوت فى بطنه والواد ميت على الأرض لا حول له ولا قوة الناس دى هتتحاسب إزاى انا عايز اعرف آآآآآآآآآآآه يا قلبى آه احنا عشان كنا مؤهلات عالية مكنش فيه حتى ظابط يقدر يتكلم معانا لا شتيمة ولا ضرب دى الحسنه الوحيدة اللى خدناها من التعليم وهى المعاملة الكويسه فى الجيش بس الناس التانية دى ذنبها ايه اكتريتهم مقدروش يكملو تعليم عشان الظروف خلاص تعبت ..... هنلاقى برضه سهم على الميس والميس للناس اللى مش عارفه يعنى ايه هو المطعم بتاعنا او مكان الأكل بتاعنا طبعا ساعت الغدى كنا أمم وكنا بنتعامل أحسن معاملة من أخوانا البعده صف الظباط يلا مش عايزين نتكلم عليهم المهم فى يوم من الايام قالو ان فيه فراخ أوبا فراخ يا واد انت وهو هنعيش بقى المهم فى اليوم ده أكلنا وظبطنا وكباية الشاى من الكانتين وكمان السجارة بعد الأكل وخلاص هننام خلاص نمنا بقى على الساعه اتنين كده خير يا رب لقيت هيصة جامده اوى صحتنى من النوم انا قلت بس فيه حاجه الحرب قامت او يبقى فيه عفاريت المهم بسأل قالولى مفيش حاجه قلت ماشى ونمت بعدها بشوية عرفت فيه ايه بس محدش قالى انا عرفت بنفسي لقيت بطنى بتوجعنى اوى اوى قمت واخد جركن الميه بتاعى ورايح الحمامات ببص وانا رايح ناحية الصحرا لقيت رؤوس سودة قلت متهيألى يا عم لاكن طلع العيال بتاعتنا المهم قلت يمكن قاعدين بيتكلمو ولا حاجه بس قلت الساع 2.30 يعنى المهم لما روحت الحمامات لقيت الحمامات مردومة ناس وانا مش قادر أمسك نفسي عايز أروح الحمام يا بشر وانا قاعد فى الحمام بقى لقيت واحد بيخبط يلا يا كابتن والنبى يلا يـــلا يــــــلا يـــــــــــــــلا يلا ومسمعتش حاجه بعدها قلت يبقى مات طلعت ببص لقيت بنطلون مرمى وبلاش قرف بقى اكتر من كده اتضح انه مقدرش يمسك نفسه بعيد عنكم الفراخ اللى كلناها طلعت بايظة وحالات الاشتباه فى تسمم كانت عند كل الناس اللى كانت فى المركز قعدت بقى آكل شاى ناشف ولمون و و و عشان يجيلى امساك بقى واعرف اتحكم فى نفسي والحمد الله اليوم عدى على خير مش هنسى اليوم ده المهم خلصنا المده بتاع العرض العسكرى وعملنا العرض قدام المشير طنطاوى فى أرض العرض العسكرى ويوم ما كنا ماشيين أكلنا لحمه ونفس الموقف حصل واحنا مترحلين على مركز التدريب الاساسى بتاعنا فى قويسنا اشتباه فى تسمم لان اللحمة كانت بايظة كنا ماشيين حوالى أكتر من 4 كيلو عشان نركب القطر فى الصحرا كان كل 200 متر نقعد نعمل زى الناس مش عايز حد يضحك كانت أيام ربنا ما يعودها كفاية بقى كده كانت الايام دى قبل رمضان علطول وأخدنا 10 ايام أجازة فى أول رمضان وبعدين هنرجع عشان نترحل على كل واحد فى وحدته وهحكى بقى الجزء اللى جاى حصل معايا إيه فى الترحيل المميت بجد
اللى خلت الأيام دى تعدى عليا بسرعه الصحبة الحلوة اللى كانت معايا
الجزء اللى جاى طريق الترحيل من قويسنا لغاية قيادة الجيش الثالث
33 comments:
ايه ياعم دا
ذكريات العذاب في الجيش
الحمد لله انا خدت اعفا من بابه يامعلم
قالولي امشي يابني انت مابتشوفش
منهم لله صف الظباط والله اللي بتحكي عنهم هيجيلهم يوم ويتذلوا زي مابيزلوا في العساكر
وبعدين ياعم طالما انت عايش اهوه وحي ترزق مابتجيش تزورني ليه
زعلان مني؟
ع العموم انا قلت اصالحك كده بتاج صغير على ماقسم
مستنيك
محمد سمير
انا اول مره اعرف ان الجيش بيعمل كدا في البني ادمين ....
الحمد لله اني طلعت بنت
وانت بقى ربنا يعينك وينسيك الايام السودا اللي انت شوفتها . واهو كله بيعدي ... واللي يعيش يا ما يشوف
للذكرى الهباب وايام العذاب والعملة السودة على التراب
قصدى الزحف على التراب
فى ايه ياباشا
ايه الكلام اللى بتحكيه ده
والظباط ولاد المفرتية دول والعمايل الوسخة بتاعتهم دى
ربنا يذلهم
انا حاسه انك كنت فى جونتنامو
الحمد لله ربنا عداها على خير
ورجعت لنا سالما غانما
الله يخرب بيت الجيش اللي عقدك وعقدنا معاك
ممكن تحاول تنسى الايام السودا دي
لأ احكي لنا الاول وكمل الموضوع وبعدين ابقى انسى
والحمد لله انك بخير وعديت من حالات التسمم
ربنا يعينك وينسيك الايام دي
سلام
والله كل واحد دخل وطلع بفطرة سليمة من المكان ده لسه بطل يا عبدو
ربنا يكرمك يا رب
انا مقدرتش اكمل البوست بس حكمله بعدين
ربنا يعينك يا رب
تحياتي لك من ماناساس البلد
أبو سمرة
خدت إعفا وفرحان اوى ايا خويا طيب الحمد الله
:D
المهم صف الظباط دول يا مان استغفر الله العظيم
انا مش عايز افطر بس سيبهم بعدين
وانا مش زعلان منك يا بوب ولا حاجه انا بس كانت فيه ظروف وعدت الحمد الله
المهم ايه رأيك فى الصورة الحيه دى
........................
جرين
اللى بفرح لما أشوفها منورانى
يا رب والله يا اختى انسى الأيام دى بس انا حاسس لما اكتبها واقراها كده هنساها بجد والله
كانت ايام سودة وبيضه وصفرا وخضرا وألوان الطيف كلها والله
دا انا لسه مش قلت حاجه دا دى الكوميديا اللى فيها بس
نانا هانم
اهدى بس انتى نرفزتى نفسك ليه
هو دمك اتحرق زيي ولا ايه امال لو كنتى شوفتى المناظر دى كنتى عملتى ايه ارتكبتى جناية
اهدى بس انتى لسه مش شوفتى حاجه امال لما اكمل هتعملى ايه هتنتحرى ولا ايه
الحمد الله على رجوعى بقى
....................
Shahy
الحمد الله اخيرا ظهرتى
مش قلنا طمنينا عليكي انتى والعيال وأبو الدراويش
المهم حمد الله على سلامتكم
هههههههههه عقدنى لالالا مش تقولى كده جيش مين اللى يعقدنى يا بنتى
احنا اصلا متعقدين جاهز مش تفصيل
متخفيش انا هحكى لغاية ما تقولى ليا كفاية
بس ايه رأيك فى الصور الحية اللى انا جايبها دى
جروم
ليه يا مان اللى انت بتقوله ده بس
دا حاجات بسيطه يا عم
ربنا يعينا كلنا ان شاء الله
وانا مستنيك ومش هنزل البوست الجديد الا لما تبقى تكمل البوست ده انا مش هنزله الا لما ترجع انا بقول اهو
بجد لا تعليق صدق اللى قال الجيش تربية
السلام عليكم
الله يعينك
نصيب
ولا اكتر
سلاماتي
آه
كل سنة وانت طيب
رمضان كريم
أكرم
تمام يا مان ان الجيش تربية
بس تصدق بالله انا شوفت ناس جوا الجيش رجالة اصلا من غير ما الجيش يعمل معاهم حاجه
المشكلة فى اختيار الناس اللى تخش الجيش
يعنى ممكن تلاقى شوية فرافير ولا اسمهم شباب كووول
واخدين اعفى ولا تأخيل
ليه
انا نفسي يخشو عشان يعرفو الدنيا ماشية ازاى
فه ناس ومنهم انا عشت كل حياتى فى الغربة سواء كليتى او شغلى فكان موضوع الجيش مش جديد عليا
خلينى ساكت يا مان أحسن
:D
........................
مش قادرة
يااااااه أنا مش شوفتك من زمان
انتى بتختفى فين بس
وانتى طيبة يا ستى والله أكرم مع انها جيت متأخرة شوية صح
;)
ايه ده انت في مركز تدريب قويسنا طيب ابقى سلملي على احمد خطيبي اكيد تعرفه بس بجد انت كده نقلتلي الصورة وخلتني اعذر الولد الغلبان وعمالة اقول هو ماله قرفان ليه وبيرجع زهقان بس بجد ربنا يكون في عونكم ويارب يعديها على خير ياااااااااااااااااب ويقويكم وترجعوا في احسن حال
من المفروض ان الجيش بيعد الرجالة علشان لو فى يوم خاضو الحرب يبقى عندهم استعداد لمواجهة كل الاخطار
انت عارف لو اى حد وقع فى ايد عدو لينا ممكن يتعمل فيه ايه - اضعاف مضاعفة من اللى انت بتقولها دى
طبعا هيه ايام صعبة بس لازم تواجهها بمنتهى الشجاعة - كفاية انها طلعت شخص الكل بيحترمه ويقدره
تحياتى وفى انتظار الجزء التانى
كل سنة وانت طيب
هبة
ايه ده...!!!...نفس رأيي يا دوبا بالظبط!!!
انا قولته قبل كده لناس...قولت يعني لو قامت حرب هايحصلكوا بلاوي..لازم تمروا الاول بظروف معينه عشان تعرفوا تتقبلوا اللي ممكن يحصل ويكون عندكوا خلفيه عن اقل الاحتمالات..
عشان على الاقل ماتتأروش بسرعه..
عارفه قعدوا يقولولي لما بيحصل حرب الشباب بيتلموا يقعدوهم مش عارفه كام يوم تدريب ويبقوا خلاص جاهزين
وان المفروض ده مايحصلش وان كلامي مش صح
وان الرجاله رجاله
والله اتشليت..ده الشاب من دول دلوقتي لو اتشك من دبوس هايصوت اكتر من البنت
طبعا انا ماقصدش حد في ناس كويسه جدا ورجاله والله ...بس بردو كتير اوي شباب كووول زي ماقولت يا محمد
على فكره انا ماقدرتش امسك نفسي من الضحك على الحته بتاعة النطلون..رغم ان الدمعه اصلا كانت خلاص هاتنزل من عيني لما قريت القرف ده والذل والطلبات الغريبه..
استغفر الله العظيم..صحيح استسخفت نفسي لما ضحكت بس جيت اقراها تاني
ماقدرتش امسك نفسي خالص والله هههههههههههههه
اعذرني
قلوب حائرة
لالالالالالا
هو خطيبك فى قويسنا وزعلان لالالالا
دا عايشين يا بنتى
انا لما كنت فى قويسنا كانت أيام جامده ومفيش اى حاجه من اللى بقولها دى بس انا كنت مشترك فى العرض العسكرى اللى كان هيتعمل فى دهشور فروحنا قعدنا فى دهشور شهر ونص وده اللى بحكيه لاكن قويسنا مش تخافى هتلاقيه مستريح باذن الله
على فكرة انا خلصت جيش بقالى سنه مش لسه فى الجيش
ربنا يخلص خطيبك من اللى هو فيه ولما يترحل قوليلي راح فين لو فى السويس هعرف أظبطه لان اتعرفت على رتب كتير هناك ممكن يظبطوه
اوكى
بس
رمضان كريم
Doba
انا معاكى يا هبه ان الجيش بيعد رجالة
تمام
بس مش للدرجة اللى احنا بنشوفها
انا مش هقدر اتكلم واقول اكتر من اللى قلتله
بس اللى اقدر اقوله ليكي انى حاجات كتير اوى غير آدمية كنا بنعملها انا كان عادى بالنسبة ليا لاكن الذل اللى كنا بنشوفو مش قادر أنساه
ورداية
أهلا بيك نورت البيت
أخيرا جيتى وزرتينى
بجد انا فرحان جدا انك هتردي يا شيخة
هههههههههههه
لو قامت حرب لازم نمر بالظروف دى
انتى عارفه يا ورداية انا مسكت سلاح كام مرة
ضربت بالسلاح مرة واحده بس
مرة واحده بس
اوكى انا لما كنت فى العرض كنت بعلم نفسي السلاح اللى بييبقى معايا كنت بفكة وأركبة وأنا مغمض
والله وانا مغمض وكنت براهن ناس أصحابى على أسرع واحد
وكنت بكسب هههههههه
بس اقدر اقولك انى شوفت ناس ماسكة السلاح ولا فى الدماغ ولا طلقة واحده بتيجي فى الهدف دول هيحاربو
ولا لازم يتبهدلو ويتمرمطو عشان يعرفو
لالالالالا
شيلى الموضوع ده من دماغك احنا يا بنتى كسبنا فى 73 بكلمة الله اكبر لا بطيران ولا بتاع
تانى حاجه
لو حصل حرب كل اللى واخدين تأجيل هيروحو الجيش شهر واحد زى ما انتى بتقولى ويدخلو الحرب علطول
انا طلعت مشاريع حرب كتير وشوفت اللى بيحصل فيها
ممكن أقول انى ممكن أحضر حرب واتفرج على الناس لاننا كلنا متعلمناش ازاى نضرب بالسلاح صح
بس
الحاجة الوحيدة ان الواحد بيتعلم كتير فى الجيش اما الشباب الكول دول لو دخلو الجيش يبقى هيجيبو واسطه يبقى هيقضوه فى البيت ويااااااااه على الناس دى
اما بمناسبة البنطلون بجد يا وردايا كان يوم بشع جدا من اللى انا شوفته وبجد الموقف ده حصل قدامى
تصدق هو فعلا متوقع ليه يروح الجيش الثالث في السويس بس هو لسة حاليا في الماظة يالا ورينا شطرتك يا باشا
الا قولي هو انت مبتجيش عندي ليه انت مخصمني ولا ايه
قلوب حائرة
طالما أحمد موجود فى ألماظة يبقى ممكن يكون دفاع جوى ولو فضل فى ألماظة انا ليا واحد صاحبى ظابط هناك هخليه يظبطه او لو راح 6 اكتوبر ليا برضه واحد هناك اما بقى لو راح السويس باذن الله هظبطة
لا تقلقى كلها سنه ويخرجلك لك
انا والله باجى عندك وبقرأ كل اللى انتى بتكتبيه بس ببقى فى ظروف مش بعرف أرد خالص والله
مش مخاصمك ولا حاجه
لا تقلقى مرة تانية
:D
بص انا ماقراتش الموضوع كله بس دخلت اقولك
انا معترض على الصوره جدااااااااااا
ما ينفعش تحط صوره هنا زى دى
والله عارف انك هاتقول هما عارفين الكى بورد اللى انا بكتب بيه الكلمات دى لونه ايه
بس ما ينفعش
سلاماااااااااات
حسام مراد
شكرا على ردك
انت حضرتك بتقول انك معترض على الصورة
اولا الصورة دى حته صغيرة خالص بالنسبة لمركز التدريب
يعنى لو قلنا هنحارب
صدقنى ولا حد هيبص عليها
انا لو شايف انها أسرار عسكرية مكنتش حطيتها
متخفش
انا عارف بحط ايه
يا ريت نشوفك مرة تانية بقى وإبقى لإقرى البوست
معلش السجن للجدعان لالالالا اقصد الجيش للرجال
وياسيدي سنين وتعدي ... ولو قامت حرب اهوه تبقى عملت حاجة كويسة في حياتك وسامت في نصره بلدك .. وتحيا جمهورية مصر العربية
تحياتي ربنا يجعل كل ايامك حلوة
مغامرات جميله جدا و اهو الكلام ده يبقى دليل الحيران في مركز الترحيلات
ايه الجناس الناقص اللي انا بكتبة ده
مش مهم بوةسط جميل و في انتظار الاجزاء التانيهخ مع اني حاسس انك مختصر اوي
تحياتى لك
إنت عارف أنا بحمد ربنا إن انا إنثى
يا بنى بهدلة ما بعدها بهدلة
الواحد منكم يبقى قاعد متهنن فى البيت متمتع بحنية عائلته
و فجاءة يلاقى نفسه فى جو لا يعلمه الا من عاشه طبعا
معلشى على اللى عاشوه
و ربنا يسهل للى حيعيشوه
وتحياتى لك
فى انتظار
دهشور لا ميه ولا نور جزء 2
مرسي اوي لاهتمامك وزيارتك
واتمني ان الزياره دي تتكرر
سلامااااااااااتي
ايه ياعم محتاس فين الجديد ولا الصيام عامل عميله تحياتي ليك وابقى نورني
ايه ياعبده خطيبي قرب يخلص الجيش وانت لسة منزلتش بوست جديد ايه ياعمنا لاحس ولا خبر كده مالك شكلك عندك تخمة من الافطار بتاع اول يوم على العموم اروفوووووار
أيامنا الحلوة
انا معاكى سنه وعدت بس المشكلة فى حاجه واحدة بس يا ستى
ان انا تحت استدعى الاحتياط لمدة 9 سنين اهى سنه فاتت لسه سنه
والاستدعى ده هو المشكلة بقى
جزاك الله كل خير
...................
محمد صبحى
والله يا مان ما انا فاهم اى حاجه من الكلام اللى انت كاتبه ده بس انا سعيد بزيارتك ليا وأشوفك مرة تانية بقى ان شاء الله
esmat
أهلا بيكي عندنا بجد منورانا والله
والله الجيش عادى مرحلة وعدت اه الواحد اتبهدل كتيييييير وشاف مهازل قدامك وحاجه جديده هقولها ان الجيش ضيع منى حياتى اللى انا كنت عايش عشانها
المهم
بس الحمد الله اهى مده وعدت والحمد الله الواحد اتعلم كتير
.......................
julieeet
والله يا أخت جولييت انا معترض على تعليقك
المفروض انى أشوف فى تعليقك رأيك ايه فى الموضوع اللى انا كاتبة زى ما بتشوفى ردود عندك وبنقول رأيينا
لاكن انا مش رديت عندك وقلت رأيى بصراحة عشان تيجي وتشرفينى
انتى تشريفك على راسى بس عايز رأيك يا ريت تكونى فهمتينى
هشوفك تانى
truelove
أنا آسف والله الأيام دى كنت تعبان شوية وباذن الله الجديد جاى
اوعى الجديييييييييييييد
ههههههههه
...........
قلوب حائرة
انا عارف انتى مستعجلة على معرفة الحكاية عشان تطمنى على أحمد خطيبك
مش اسمه احمد برضه ولا ايه
على العموم يا ستى مش تقلقى هو اكيد هيشوف أيام حلوة اوى وايام وحشه اوى واكيد مش هينسى الايام دى
بس نصيحة منى ليكي
خليكي جنبة اوعى تسيبيه فى الأيام دى
لانها بجد أكتر أيان الانسان بيكون عايز حد جنبه
لاكن انا لما كنت فى الجيش
كل الناس بعدت عنى وبقيت لوحدى
بلاش نقلب المواجع
خلى بالك منه ومش تسيبيه
ربنا يوفقكم يا رب وتعملو الفرح قريب عشان انا عايز اتعزم بقى فى الفرح وآكل جاتوه ولأشرب حاجه ساقعة
مستنى الدعوه
لا حول ولا قوة الا بالله ليه الاذية دية بس يا محمد يا ابنى ده احنا فى شهر رمضان وشهر مفترج لما نيجى يعنى نقرا كلام زى ده قبل ولا بعد الفطار كويس لما يجرلنا حاجة يعنى
هاهههههههههه بس عموما الحمد لله انها ايام وعدت ويا ريتك يا محمد تكون بتحكيها وبتفتكر الذكريات دية يروح مرحة متكونش مثلا مكتئب ولا حزين او تكون فى حالة مش اللى هيا عشان تفتكر حاجات زى كدة اتمنى انها تكون ارثات فيك بالايجاب مش بالسلب الواحد اصلا مش بيتعلم بالساهل مش كدة ولا ايه
بس عموما انت ركزت على حاجة مهمة اوى انا واغلب الناس كلنا عارفين ان الجيش بتاعنا فترة التجنيد بتاعتة سئية لكن مكنتش متوقعة ان فيه ناس بمنتهى السوء والوحشية فى التعامل زى كدة بس احيانا رؤية حاجات زى كدة بتعلم ممكن الواحد حاجة فى حياته وممكن تخلق جواه كنوع من التارحم وحسن المعاملة بين الناس ويعلم الناس اللى حواليه ده عشان الموضوع ينتشر بينا
انا طولت وعمالة ارغى كتير وكمان لسه صاحية من النوم فا مهيسة شوية
عموما ليك تاج عندى منتظرة بقى اجابتك هنا
ههههه
لو ماكنش ليك اخوات صبيان زيى كدة ما كنتش دخلت شوفت بقى
بوست جميل
تحياتى
Post a Comment