Friday, May 2, 2008

بحبك


اممممم .. انا مش عارفه ابدأ ازاى او اقول ايه

اول حاجه انا مش محمد

اكيد يعنى مدام بتكلم بصيغه المؤنث

انا بس حبيت اعمل مفاجأه لمحمد و انزل البوست ده النهارده

انا جايه هنا عشان اقوله بحبك اوى يا محمد

بحب كل حاجه فيك

نفسي اعيش معاك كل عمرى

لانك عمرى و من غيرك يضيع عمرى

انت الوحيد اللى سلمتك قلبي من غير خوف

يارب نفضل مع بعض على طول و مانفترقش ابدا

و بقدم لك الورده الرقيقه دى

اللى دايما بتفكرنى بحبك ليا

لانه مش اقل من رقتها و جمالها

و قريب ان شاء الله اكيد محمد هيقدمنى ليكو

نفسي اشكر كل الناس اللى وقفت جنب محمد فى الوقت اللى كان المفروض انا اكون جنبه فيه ... تترد لكو فى الافراح

تحديث

من عبده محتاس

طبعا كلنا شفنا الكلام الجامد ده

والكلام ده من الإنسانة اللى حبتها بجد

بكره هتعرفو هى مين بس اقولكم ان الحب ده بقاله اكتر من 6 سنين

اه شوفنا كتير وحصل مواقف متتقلش بجد بس الحمد الله

انا بقولها وانا بحبك اوى ومقدرش استغنى عنك وانتى عارفه انى اللى بعمله ده كله عشانك وعشان نبقى مع بعض

فى القريب العاجل هحط اعلان بمعاد الخطوبة والدعوه عامة وهنبقى لامة

بحبك

26 comments:

همسات دافئه said...

يامحمد انت فين متيجى تشوف الى انا شوفته ده بدل البؤس الى بقالك سنه معيشنى فيه:))
طب مش كنتى تقولى اسمك
مش مهم مش مهم انا مش عارفه أصدق ولا يكون محمد بيشتغلنا
بس على اى حال البوست مختلف حتى فى اسلوبه
رد يامحمد بسرعه

و القادم....أجمل said...

ياااااااااارب يعملكوا كل خير
و يسعدكم يارب دايما

أنا مع شيماء
رد بسررررررررررررررررررعه

3abdo me7tas said...

انا هرد بسرعه اهو
انا عارف انى إتأخرت عليكم بس والله غصب عنى
المهم
دى فعلا البنت اللى بحبها وخطوبتنا باذن الله فى حدود العشر ايام القادمة باذن الله
وهى فعلا اللى كتبت البوست ده لان انا بجد كنت قافل البلوجر لظروف خارجة عن نطاق الخدمة قصدى عن ارادتى
:D
هبقى اعمل اعلان فى البلوجرز كله عن يوم الخطوبة زى اللمبى كده
وعايزين النقطة تنزل علينا زى المطرة
:D

همسات دافئه said...

بجد والله ألف مبرووووووووووك يارب يتملكم على خير يارب:))))
والله انا فرحتلكم جدا جدا جدا
ربنا يباركلكم يارب
تحياتى وورودى

3abdo me7tas said...

الله يكرمك يا شيماء
عقبالك يا جميل

Ehab said...

سيدي يا سيدي
وكمان بتكتبلك في المدونه
انتي يا بنت ياللي بتحبيه
خدي بالك منه ده بيحبك
وانت كمان بطل غلاسه وخليك حلو مع البنيه انت عارها بتحبك قوي
ربنا يوفقكم قوي ويسعدكم
ويتملكم على خير
انا طبعا اول المعزومين
هييييييييييييييه

سلااااااااااااااااام

3abdo me7tas said...

انت عارف يا ايهاب عشان الكلمة دى بقى
لو مجتش الخطوبة
مش هدخلك بلوجرات تانية
:P:P
انت طبعا يا واد معزوم

Noony said...

mabroooooooooooooooook
10000000000 mabroooooooooook ya Mohammad (we 7'atebtak moqadaman)
begad begad fere7telak

Rabbena yetamem 3ala 7'er we mayfara2koosh abadan tany
7afez 3aleha ba2a ya Mohammad we matza3lhash... we heya kaman hat7otak gowa 3eneha, sa7? ;)

Mabroooooooooooook:)
Noony

shirry said...

انا مش عارفة اقول ايه لان دي اول مرة ليا هنا بس دي حاجة كويسة لما اجي الاقي الدنيا كدة كلها حب ورومانسية
ربنا يوفقكم انتوا الاتنين يا رب ويخليكوا لبعض علي طووووووووول
امين

و القادم....أجمل said...

هيييييييييييه
مبروووووووووووك ألف مبرووووووك
يا أخ محمد
ربنا يسعدكم يااااااااارب
:)

عبده الرايق said...

طيب هى مؤنث
وهو مذكر
وهى بتكتب التدوينه
وهو بيكتب عن الجيش
وهى مين
وهو مين
لالالالالالالالالا
انا مروح ومش واكل عندكم ولا هشرب حاجه
انتم لخبطونى وهاخرج احدف عليكم طوب
ولا اقولكم
ربنا يتمم بخير وانا منتظر اعلان الخطوبه
ومتخافوش هاعمل لكم بارتى عالمى
على حسابى الخص والفجل
وهاعزم كل المطربين الكبار زى الخطيب وطاهر الشيخ

مدحت محمد said...

الف مبروك وربنا يتمم
بخير ان شاء الله
الف مبروك مرة تانية

Empress appy said...

مبروك بس فيه حاجه مش فاهمها
بس عموما عادى انت عارف انى متابعه من الاول ودى بتقول عليها حب 6 سنين معلش اذا كان استفسار رخم
طيب مين مات عاااااااااااااااا
حرام بقى
المهم انا جاى ولا ايه عاوزة ازفكم ببطوط بقى
بس لو اتخبطت عليك ماشى

moshe said...

ايه الجو الجامد دا :)

ربنا يجمع بينكم على خير ويوفقكم

اتمنى تزورونى على مدونتى الجديده واعرف تعليقاتكم عليها

وان شاء الله قريب نشوف اعلان خطوبتكم وزواجكم ونفهم ايه الحكايه :s

نفرتيتي said...

الف الف مليون مبروك يا محمد ربنا يتمم بخير اهو يا باشا اخيرا ربنا كرمك شوفت لما الانسان بيتفءال بيحصل ايه ياريت تكون دايما متفاءل

****تحياتي نفرتيتي

aya said...

محمد
يا محمد

يااااه يا محمد

ده ايه الهنا ده

احمدك يارب واشكر فضلك

اخويا هيخطب يا عم يا عم


وكلام حب وحاجات مية مية

عينى عليكم بردا

ربنا يحميكم ويحفظكم
ويجمع بينك فى الخير


بجد يابوحميد انا مبسوطة اوى

معلش ان كنت اتاخرت فى الرد
بس انت عارف ظروفى بقى


بجد يا بوحميد انا منتظرة اليوم ده
وان شاء الله هيبقى يوم سعيد على البشرية كلها

ربنا يحفظكم يارب

الكاتب احمد كاجوال said...

أولا ما شاء الله مدونة مميزة و مضمون فعلا متميز .....

ثانيا أدعوك لدخول مدونة الصحبة الشبابية و مشاركتنا أرائك و أفكارك بل و تعليقاتك و خاصة بموضوع

الشباب و التغيير فى مصر

أرجوك كن اجابي ولو برد لأن شرف ليا اني أشوف تعليق عندي أرجوك متحرمنيش ردك و تعليقك ,, رجاء مش أمر " يا تري حتكسفني ولا لأ " ....

و عموما ... جزاك الله خيرا علي أي حال

http://so7bah.blogspot.com/

Tamer Nabil Moussa said...

ربنا يوفقك يامحمد

الحب احساس وشعور جميل

تحياتى

3abdo me7tas said...

نونى

الله يبارك فيكي يا نهاد عقبالك يا رب

.............
شيرى
اهلا بيكي اول مرة فى المدونة شوفتى وشك حلو علينا ازاى
ربنا يكرمك يا رب

3abdo me7tas said...

والقادم اجمل

الله يبارك فيكي


.................

عبده الرايق

انت من يومك ضايع اساسا يا أخ عبده
بس ابقى انت تعالى لوحدك

3abdo me7tas said...

مدحت محمد

الله يبارك فيك يا مان
عقبالك يا رب

..................

آبى

ازيك يا آبى وأخبارك ايه والله وحشانا كلنا
بصى يا ستى افهمك
انا اعرفها فعلا من ست سنين وحصلت شوية مشاكل عائلية وكده وبعدنا عن بعض فترة
فى الفترة دى بقى حصل اللى انا حكيته وبعدها بفترة برضه الظروف متعرفيش ازاى كلمنا بعض تانى والامور تيسرت الحمد الله والمشاكل اتحلت والحمد الله
وسمعينا زغروطة بقى
ومستنيكى انتى وبطوط
انا مش راكب الا بطوط بقى هه مليش دعوه

3abdo me7tas said...

موشى

اهلا بيك اول مرة عندنا فى البلوجر
لا تقلق هنجيلك هنجيلك هتروح منا فين

واعلان الخطوبة يا سيدى هنزله النهاردة ان شاء الله

.........................

نفرتيتي

الله يبارك فيكي يا ستى
انا عارف انك فرحانه ليا اوى
المهم انتى
الفرح امتى انا سمعت انه قريب
ربنا يتمم عليكي بخير يا نفرتيتي

3abdo me7tas said...

آية

ازيك يا أيوي عامل ايه يا بنتى
يا رب تكونى بخير
آيه دى اختى الصغيرة يا جدعان ومن بلدى كمان
الله يبارك فيكي يا آية عقبالك كده لما نشوفك فى الكوشة
يا رب
ولا يهمك يا آيه فى التأخير المهم انك افتكرتينا بس
:D

.....................

أحمد كجول

طيب ماشى يا عم على الإعلان اللى حطيته
;)

3abdo me7tas said...

تامر نبيل

اهلا بيك يا تامر فى المدونة
عقبالك كده يا مان

koka said...

يا جاااااااااااامد :)

مبروك يا عم محمد ;)

ومبروك لخطيبتك .. بس يا رب تستحملك بقى :p

الف مبروك ليكو انتو الاتنين وربنا يتمم بخير ان شاء الله :)

ابوعدي للتسوق said...


شركة تنظيف شقق بالقطيف
شركة مكافحة حشرات بالقطيف
شركة المثالية للتنظيف
شركة المثالية لمكافحة الحشرات
شركة تنظيف منازل بالخبر
شركة تنظيف فلل بالخبر
شركة تنظيف شقق بالخبر
شركة عزل اسطح بالخبر